Video Amravati Fire | कांडलीतील सिलिंडर गोदामाला भीषण आग; दोन किलोमीटरपर्यंत सिलिंडरच्या स्फोटाचा आवाज

आज सकाळी आठ वाजताही ही घटना अचानक खूप मोठा आवाज झाला. हा आवाज कशाचा म्हणून नागिरकांमध्ये भीती पसरली. पाहतात तर काय, आगीचे लोळ दिसू लागले. ही आग एका सिलिंडरच्या गोदामाला लागली होती. सिलिंडचं गोदाम असल्यानं आग लागताच मोठा स्फोट झाला. या स्फोटामुळं अजूनही नागरिकांमध्ये भीतीचं वातावरण आहे.

अमरावती जिल्ह्यातील कांडली येथील सिलिंडरच्या गोदामाला भीषण आग. सिलिंडरच्या स्फोटाचा मोठा आवाज दोन किलोमीटरपर्यंत दणाणला. Image Credit source: tv 9

Reporter Surendra Akode | Edited By: Govinda Hatwar | Updated on: Apr 24, 2022 | 11:13 AM

अमरावती : जिल्ह्यातील अचलपूरमधील कांडली गावात सिलिंडरच्या गोडाऊनला (Cylinder Warehouse Fire) भीषण आग आज सकाळी लागली. गोडाऊनला आग लागल्याने आतापर्यंत 10 ते 11 सिलिंडरचा स्फोट झाल्याची प्राथमिक माहिती आहे. गावालगतच गॅस एजन्सीचे (Gas Agency) गोडाऊन आहे. परिसरातील नागरिकांमध्ये भीतीचे वातावरण पसरले आहे. अग्निशमन दलाचे बंब (Fire Brigade) घटनास्थळी दाखल झाले आहे. आग विझविण्याचा प्रयत्न सुरू आहे. परतवाडा (अचलपूर) येथील कांडली गावामध्ये असणाऱ्या गॅस सिलिंडरच्या गोडाऊनमधील गॅस सिलिंडर आज सकाळी आठच्या दरम्यान अचानक फुटले. गोडाऊनमधील सिलिंडर स्फोट झाल्याने परिसरातील नागरिकांमध्ये प्रचंड दहशत निर्माण झाली आहे.

दूरपर्यंत आगीचे लोळ

या स्फोटाची भीषणता आहे की जवळपास दोन किलोमीटर परिसरामध्ये स्फोटाचे प्रचंड आवाज नागरिकांना ऐकू आले. तर स्फोट झाल्यामुळे गोडाऊनमधून आगीचे लोट दूरदूरपर्यंत दिसत असल्याने नागरिकांमध्ये घबराट पसरली आहे. अमरावती जिल्ह्यातील परतवाडा येथील कांडली ग्रामपंचायतमध्ये एचपी कंपनीचे गॅस गोडावून आहे. स्फोटाची माहिती मिळताच घटनास्थळी अचलपूर अग्निशमन विभागाने ताबडतोब अग्निशमन बंब पाठवले. आग विझवण्याचे शर्थीचे प्रयत्न सुरू आहेत.

पाहा व्हिडीओ

अमरावती जिल्ह्यातील कांडली येथील सिलिंडरच्या गोदामाला भीषण आग. सिलिंडरच्या स्फोटाचा मोठा आवाज दोन किलोमीटरपर्यंत दणाणला. pic.twitter.com/2Z6UmQeUPS

— Govind Hatwar (@GovindHatwar) April 24, 2022

आकाशात आगीचे लोळ

आज सकाळी आठ वाजताही ही घटना अचानक खूप मोठा आवाज झाला. हा आवाज कशाचा म्हणून नागिरकांमध्ये भीती पसरली. पाहतात तर काय, आगीचे लोळ दिसू लागले. ही आग एका सिलिंडरच्या गोदामाला लागली होती. सिलिंडचं गोदाम असल्यानं आग लागताच मोठा स्फोट झाला. या स्फोटामुळं अजूनही नागरिकांमध्ये भीतीचं वातावरण आहे.

दोन किलोमीटरपर्यंत स्फोटाचे आवाज

या स्फोटाचा आवाज दोन किलोमीटरपर्यंत पसरल्याचं नागरिक सांगतात. हा आवाज एकूण सर्वजण घाबरले. कुठे बाँबस्फोट तर झाला नाही, ना असं काहींना वाटलं. बरेच जण घराबाहेर आले. सिलिंडर गोदामाला आग लागल्याचं त्यांना दिसलं. या आगीची तीव्रता खूप होती. त्यामुळं आगीचे लोळ आकाशात दिसत होते. अग्निशमन यंत्रणा कामाला लागली. आग विझविण्याचे प्रयत्न सुरू आहेत.