Aurangabad Gold: गणेश चतुर्थीच्या मुहूर्तावर सोने अजून स्वस्तच, चांदीच्या दरातही घसरण, पहा आजचे भाव

औरंगाबाद: सोने आणि चांदीच्या दरातील अस्थिरता अजूनही कायम आहे. सोमवारपासून सोने आणि चांदीच्या दरात प्रचंड अस्थिरता दिसून येत आहे. आजही औरंगाबादच्या सराफा बाजारात (Aurangabad Sarafa Market) हेच चित्र दिसून आले. बुधवारच्या घसरणीनंतर सोन्याने गुरुवारी वाढ घेण्याची काहीशी धडपड केली. मात्र आज शुक्रवारी दरांनी पुन्हा एकदा लोळण घेतल्याचे चित्र आहे.

शहरात शुक्रवारी सोन्याचा भाव काय?

आज औरंगाबादच्या सराफा बाजारात 22 कॅरेट सोन्याचे भाव 46,800 रुपये प्रति तोळा असे होते. म्हणजेच गुरुवारच्या दरांपेक्षा सोन्याच्या दरात 200 रुपयांची घसरण झाली. गुरुवारी औरंगाबादध्ये 22 कॅरेटच्या सोन्याचे भाव 47,000 रुपये प्रति तोळा असे होते.

चांदीचे आजचे भाव काय?

चांदीच्या दरातही आज 300 रुपयांची घसरण दिसून आली. औरंगाबादच्या सराफा बाजारात आज शुद्ध चांदीचा भाव 66700 रुपये प्रति किलो एवढा होता. गुरुवारी हे दर 67,000 रुपये प्रति किलो एवढे होते. सोन्याप्रमाणेच चांदीच्या दरातही या आठवड्यात चांगलाच चढ-उतार दिसून आला.

दुप्पट होऊ शकतो सोन्याचा दर

पुढच्या काही वर्षांत सोन्याच्या किंमती आभाळाला टेकणार असल्याचा असा अंदाज बहुतांश जाणकारांनी वर्तविला आहे. HDFC सिक्योरिटीजच्या तज्ज्ञांच्या मते, पुढच्या 3 ते 5 वर्षांत सोन्याचा दर आताच्या तुलनेत दुप्पट होऊ शकतो. तर पुढच्या 5 वर्षांत 10 ग्रॅम सोन्याचा दर 90 हजारांवर जाऊन पोहोचेल, असे संकेत क्‍वाड्रिगा इग्नियो फंडकडून (Quadriga Igno Fund) देण्यात आले आहेत.

याच काळात आंतरराष्ट्रीय बाजारपेठेत सोन्याचा दर प्रतिऔंस 3000 ते 5000 डॉलर्स इतका असू शकतो. कोरोनाच्या पार्श्वभूमवीर अनेक देशांमध्ये आर्थिक पॅकेजेस (Stimulus Package) दिली जात आहेत. मात्र, त्यामुळे मध्यवर्ती बँकांची अवस्था बिकट होऊ शकते. परिणामी आगामी काळात सोन्याचे दर अक्षरश: गगनाला भिडू शकतात, असे क्‍वाड्रिगा इग्नियो फंडकडून सांगण्यात आले आहे. (Gold and silver rate in Aurangabad sarafa market, Maharashtra)

इतर बातम्या- 

Aurangabad Alert: मिठाई खरेदी करताना सावधान, ट्रेवर Best Before Date लिहिलंय का पहा

लाडक्या बाप्पाला घरी आणण्यासाठी बाजारात गर्दी, औरंगाबादेत बालगणेशाच्या मोहक मूर्तींची भूरळ