Jalna | वाळू वाहून नेणाऱ्या वाहनांचा भीषण अपघात, जालन्यात टेम्पो चालक जागेवरच ठार

जालनाः जिल्ह्यात मंगळवारी रात्री दहा वाजेच्या सुमारास भीषण अपघात (Terrible accident) झाला. वाळू वाहून नेणारी दोन वाहने एकमेकांवर जोरात आदळून हा अपघात (Jalna Accident) झाला. या घटनेत वाळूचा टेम्पो पूर्ण उलटला. त्यामुळे टेम्पोचालकाचा जागीच मृत्यू झाला. तर ट्रक पलटी झाल्यामुळे त्यातील वाळू रस्त्यावर पसरली. अपघातानंतर रस्त्यातील लोक मदतीसाठी धावले मात्र चालकाला गंभीर दुखापत झाल्यामुळे त्याचा मृत्यू (Accidental death) झाला. लोकांनी त्याला नजीकच्या रुग्णालयात नेले, मात्र तो मृत असल्याचे डॉक्टरांनी घोषित केले. अपघातातील इतर जखमींवर उपचार सुरु आहेत.

कुठे झाला अपघात?

जालना जिल्ह्यातील तळणी ते लोणार रोडवर सदर घटना घडली. मंगळवारी रात्री वाळू वाहून नेणाऱी दोन वाहने अशा प्रकारे एकमेकांवर धडकली. लोणारकडे जाणाऱ्या रस्त्यावर सरहद वडगाव पाटीजवळ हा अपघात झाला. यात कानडी गावातील सचिन खंदारे या तरुणाचा मृत्यू झाला. हा तरुण वाळूच्या टेम्पोवर चालक म्हणून काम करत होता.

तलावात बुडून बाप लेकाचा मृत्यू

जालन्यात अन्य एका घटनेत तलावात बुडून बाप लेकाचा मृत्यू झाल्याची दुर्दैवी घटना घडली. शहरातील मोती तलावात मंगळावारी साडे चार वाजेच्या सुमारास ही घटना घडली. यात माणिक बापूराव निर्वळ (40) आणि आकाश निर्वळ (14) अशी मृत बाप लेकाची नावं आहेत. माणिक हे दुचाकी धुण्यासाठी मंगळवारी आपल्या तीन मुलांना सोबत घेऊन गेले होते. तलावाच्या कडेला ते पोहत होते. मोठा मुलगा आकाश याला पाण्याचा अंदाज आला नाही. तो पाण्यात गटांगळ्या खाऊ लागला. त्याला वाचवण्यासाठी वडील त्याच्या जवळ गेले. आकाशने वडिलांच्या गळ्याला मिठी मारली, त्यानंतर ते दोघेही पाण्यात बुडाले. त्यांची इतर दोन मुले जवळच पोहत होती. पण हा प्रकार पाहून ते बाहेर आले आणि लोकांना मदतीसाठी बोलावू लागले. मात्र पाण्यातील गाळात हे मृतदेह फसल्यामुळे अग्निशमन दलाच्या मदतीनेच त्यांना बाहेर काढावे लागले.