Bhandara ZP | सुनील मेंढे-चरण वाघमारे यांच्यात फेसबूक वॉर; नाना पटोलेंची चरण वाघमारेंना काँग्रेसमध्ये येण्याची ऑफर
जिल्हा परिषदेच्या निवडणुकीनंतर माजी आमदार चरण वाघमारे यांनी भाजपची साथ सोडली. आता चरण वाघमारे आणि खासदार सुनील मेंढे यांच्यात फेसबुक वार सुरू झालंय. चरण वाघमारे आणि खासदार सुनील मेंढे यांच्यात फेसबुकच्या माध्यमातून आरोप प्रत्यारोपाच्या फैरी सुरू आहेत.
भंडारा : जिल्हा परिषद अध्यक्षपदाच्या निवडणुकीत भाजपचा एक गट फुटला. भाजपची झालेली हार भाजपला जिव्हारी लागली. आपल्यासोबत दगा झाल्याचा भाव दोन्ही गट फेसबूकच्या माध्यमातून व्यक्त करत आहेत. काल भंडारा- गोंदिया लोकसभा क्षेत्राचे खासदार सुनील मेंढे (MP Sunil Mendhe) यांनी भाजपमधून निलंबित माजी आमदार चरण वाघमारे (Former MLA Charan Waghmare) यांनी दगा केला. आपले पंतप्रधान नरेंद्र मोदी यांच्यावर व्यक्तिगत टीका करणारे नाना पटोले (Congress State President Nana Patole) यांच्यासोबत सत्तेत जाण्याचा निषेध व्यक्त केला. यावेळी त्यांनी चरण वाघमारे यांना निलंबित केल्याचे फेसबुकवर जाहीर केले. त्यानंतर सुनील मेंढे यांच्या फेसबुक पोस्टवर कमेंट करत चरण वाघमारे आपली नाराजी व्यक्त केली. भाजपचे राष्ट्रावादी प्रेम उफाळून आल्याची टीकाही त्यांनी केली. दोन नेत्यांच्या या फेसबुक वारमध्ये एकमेकांचे कार्यकर्ते ही भिडले. एकमेकांच्या नेत्यांवर आगडपाखड सुरू झाली. विशेष म्हणजे निलंबित माजी आमदार चरण वाघमारे यांच्या समर्थनात काँग्रेसही उरतल्याची दिसते.
पटोलेंची वाघमारेना काँग्रेमध्ये येण्याची ऑफर
जिल्हा परिषदेच्या निवडणुकीनंतर माजी आमदार चरण वाघमारे यांनी भाजपची साथ सोडली. आता चरण वाघमारे आणि खासदार सुनील मेंढे यांच्यात फेसबुक वार सुरू झालंय. चरण वाघमारे आणि खासदार सुनील मेंढे यांच्यात फेसबुकच्या माध्यमातून आरोप प्रत्यारोपचा फैरी सुरू आहेत. दरम्यान, चरण वाघमारे यांनी काँग्रेसला मदत केली. त्यामुळं काँग्रेसनं जिल्हा परिषदेत सत्ता स्थापन केली. काँग्रेस प्रदेशाध्यक्ष नाना पटोले यांनी वाघमारे यांनी काँग्रेसमध्ये येण्याची खुली ऑफर दिली. आम्हाला चरण वाघमारे सारखा विकास पुरुष मिळेल, असेही नाना पटोले म्हणाले.
चरण वाघमारे म्हणतात, कार्यकर्त्यांसोबत चर्चा करू
कार्यकर्त्यांसोबत विचारमंथन करून पुढील भूमिका ठरवू असे चरण वाघमारे यांचे म्हणणे आहे. विशेष म्हणजे काल झालेल्या जिल्हा परिषदेत अध्यक्षीय पदाच्या निवडणुकीत राष्ट्रवादीला समर्थन करत सत्ता स्थापनेचा भाजपपक्षश्रेष्ठींचा आदेश चरण वाघमारे यांनी झुगारला. काँग्रेससोबत सत्ता स्थापन केली. त्यामुळं काँग्रेसचा अध्यक्ष तर तर भाजप फुटीर गटाचा उपाध्यक्ष बनला.
