ठाकरे सरकारचा 15 कंपन्यांसोबत सामंजस्य करार, राज्यात तब्बल 34 कोटींहून अधिकची गुंतवणूक, हजारो रोजगार उपलब्ध
एक लाख कोटी रूपयांच्या गुंतवणुकीचे लक्ष्य लवकरच पूर्ण करेल, असा विश्वास उद्धव ठाकरे यांनी यावेळी व्यक्त केला. (State Government signs MoU with 15 companies)
मुंबई : मुख्यमंत्री उद्धव ठाकरे यांच्या प्रमुख उपस्थितीत काल एमआयडीसी आणि विविध कंपन्यांमध्ये सामंजस्य करारांवर स्वाक्षरी करण्यात आल्या. यात 15 कंपन्यांमार्फत जवळपास 34 हजार 850 कोटींची गुंतवणूक केली जाणार आहे. यामुळे सुमारे 23 हजार 182 लोकांना रोजगार उपलब्ध होणार आहे, अशी माहिती मुख्यमंत्री कार्यालयाने दिली राज्यात एक लाख कोटी रूपयांच्या गुंतवणुकीचे लक्ष्य लवकरच पूर्ण करेल, असा विश्वास मुख्यमंत्री उद्धव ठाकरे यांनी यावेळी व्यक्त केला. (State Government signs MoU with 15 companies)
“गुंतवणूकदार आणि राज्य शासन यांचा एकमेकांवर विश्वास आहे. गेल्या सामंजस्य करारातील अनेक प्रक्रिया पूर्ण झाल्या आहेत. जवळपास 60 टक्के उद्योगांच्या बाबतीत जमीन अधिग्रहणासारख्या प्रक्रिया पूर्ण झाल्या आहेत ही निश्चितच समाधानाची बाब आहे,” असे मुख्यमंत्री यावेळी म्हणाले.
“कोरोनासारख्या संकट काळातही उद्योग विभागाने उद्योजकांचा विश्वास कायम ठेवला आहे. हा उद्योग खात्याचा अभिमान असल्याचेही उद्धव ठाकरेंनी सांगितले.
एक लाख कोटीपेक्षा जास्त गुंतवणूक राज्यात आणण्याचे उद्दिष्ट
“आज झालेले सामंजस्य करार ही केवळ सुरूवात आहे. सुमारे 35 हजार कोटींची गुंतवणूक आज होते आहे ही महत्वाची गोष्ट आहे. लवकरच एक लाख कोटी पेक्षा जास्त गुंतवणूक राज्यात आणण्याचे उद्दीष्ट आहे. महाराष्ट्र या कोरोना परिस्थितीत फक्त बाहेर पडणार नाही तर अधिक सामर्थ्याने देशात आघाडी घेईल,” असेही उद्धव ठाकरेंनी यावेळी सांगितले.
“युनिटी इन डायव्हर्सिटी असे हे आजचे करार आहेत. केमिकल, डेटा यासह लॉजिस्टिक, मॅनुफॅक्चरिंग अशा विविध क्षेत्रातील उद्योग राज्यात गुंतवणूक करण्यास उत्सुक आहेत. महाराष्ट्र हा डेटा सेंटरच्या बाबतीतही देशाचे महत्वाचे केंद्र बनेल असा मला विश्वास आहे,” असेही उद्धव ठाकरे म्हणाले.(State Government signs MoU with 15 companies)
संबंधित बातम्या :
US Election 2020: अमेरिकेचे राष्ट्राध्यक्ष पदाच्या निवडणुकीतील सर्वाधिक निर्णायक 10 मुद्दे
