….तर गॅरंटी मोदींची आहे, मुद्रा लोनबाबत पंतप्रधान नरेंद्र मोदी यांनी भरला हुंकार

पंतप्रधान नरेंद्र मोदी आज जळगावमध्ये लखपती दीदी कार्यक्रमासाठी आले आहेत. यावेळी त्यांनी गेल्या दहा वर्षातील महिला विकासाचा आलेख दाखवत विरोधकांना आरसा दाखवला. त्यांनी यावेळी महिला बचत गटांशी संवाद साधला. महिलांच्या हिताचे निर्णय घेण्यासाठी आपले सरकार सर्वात आघाडीवर असल्याचे ते म्हणाले. त्यांनी या कार्यक्रमात मोदी गॅरंटीचा पुन्हा हुंकार भरला. काय म्हणाले पंतप्रधान…

सात दशकांचा हिशोब काय?

काहीही झालं तरी माझ्या देशातील महिलांच्या प्रत्येक संकटाला कमी करेलच हे मी ठरवलं. त्यामुळे मोदी सरकारने एकानंतर एक महिला हिताचे निर्णय घेतले. मी आव्हान देतो. आधीच्या सरकारचे सात दशक एका तराजूत ठेवा आणि दुसऱ्या तराजूत मोदी सरकारचे दहा वर्ष ठेवा. एवढं काम मोदी सरकारने देशाच्या आयाबहिणीने केलं आहे. स्वातंत्र्यानंतर मोदी सरकार एवढं काम कोणत्याच सरकारने केलं नाही, असा दावा पंतप्रधान मोदी यांनी केला.

महिलांच्या नावे घर

गरीबांचे घर सरकार बनवते. ते महिलांच्या नावाने नोंदणी झाले पाहिजे याचा निर्णय घेतला. चार कोटी घरे बांधले. त्यातील सर्वाधिक घरे महिलांच्या नावे आहेत. आता तीन कोटी घरे बांधणार आहोत. त्यातील सर्वाधिक घरे महिलांच्या नावे असतील, असे आश्वासन त्यांनी यावेळी उपस्थित महिलांना दिले. लोकसभेनंतर नरेंद्र मोदी यांचा हा पहिला जळगाव दौरा आहे. या कार्यक्रमाला मोठ्या प्रमाणात महिलांनी हजेरी लावली.

तर मोदीची गॅरंटी आहेच

त्यानंतर आम्ही बँकांशी संबंधित कामे केली. आधी जनधन खातं उघडलं. सर्वाधिक खाते महिलांचे उघडले. नंतर मुद्रा योजना सुरू केली. बँकांना सांगितलं तर विना गॅरंटीचं लोन द्या. गॅरंटी हवी तर मोदी आहे. या योजनेचा ७० टक्के महिलांनी लाभ घेतला आहे. काही लोक देशात होते, ते म्हणायचे महिलांना असं लोन देऊ नका. बुडेल. त्यात रिस्क आहे. पण मी वेगळा विचार करायचो. माझा तुमच्यावर मातृशक्तीवर इमानदारीवर आणि कर्तृत्वार पूर्ण भरोसा आहे. महिलांनी मेहनत केली आणि त्यांनी इमानदारीने कर्ज फेडले. आता मुद्रा योजनेची मर्यादा २० लाखावर नेली आहे, असे त्यांनी स्पष्ट केले.