AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

सुनेच्या डोक्यात रॉड घातला अन् नंतर मित्राला बोलवून… कल्याण हादरले

कल्याणमध्ये संपत्ती आणि रेल्वेच्या नोकरीसाठी सासूनेच आपल्या सुनेचा निर्घृण खून केल्याची धक्कादायक घटना उघडकीस आली आहे. महात्मा फुले चौक पोलिसांनी अवघ्या २४ तासांत या गुन्ह्याचा छडा लावत आरोपी सासू आणि तिच्या साथीदाराला अटक केली आहे.

सुनेच्या डोक्यात रॉड घातला अन् नंतर मित्राला बोलवून... कल्याण हादरले
Kalyan Murder Case
| Updated on: Jan 04, 2026 | 8:58 AM
Share

कौटुंबिक वाद आणि संपत्तीच्या हव्यासापोटी नात्याला काळिमा फासणारी एक धक्कादायक घटना कल्याणमध्ये उघडकीस आली आहे. वालधुनी नदी पुलाखाली सापडलेल्या महिलेच्या खुनाचा उलगडा अखेर झाला आहे. स्वतःच्या सासूनेच आपल्या मित्राच्या मदतीने सुनेचा काटा काढल्याचे स्पष्ट झाले आहे. याप्रकरणी महात्मा फुले चौक पोलिसांनी अवघ्या २४ तासांत या गुन्ह्याचा छडा लावून सासू आणि तिच्या साथीदाराला बेड्या ठोकल्या आहेत.

नेमकी घटना काय?

गुरुवारी १ जानेवारी २०२६ च्या रात्री कल्याणमधील वालधुनी पुलाखाली एक महिला रक्ताच्या थारोळ्यात पडलेली असल्याची माहिती रेल्वे सुरक्षा दलाच्या (RPF) जवानांना मिळाली होती. या घटनेची माहिती मिळताच पोलिसांनी घटनास्थळी धाव घेतली. या महिलेला तातडीने रुक्मिणीबाई रुग्णालयात दाखल करण्यात आले. मात्र उपचारापूर्वीच तिचा मृत्यू झाला होता. सुरुवातीला हा अपघात असावा असा संशय व्यक्त केला जात होता. मात्र जखमांचे स्वरूप पाहून पोलिसांनी खुनाच्या दिशेने तपास करण्यास सुरुवात केली.

या तपासादरम्यान मृत महिलेची ओळख रुपाली विलास गांगुर्डे (३५) अशी असल्याचे समोर आले. धक्कादायक बाब म्हणजे, रुपाली बेपत्ता झाल्याची तक्रार तिची सासू लताबाई गांगुर्डे (६०) हिनेच पोलीस ठाण्यात दिली होती. मात्र, पोलिसांनी तांत्रिक तपास आणि सीसीटीव्ही फुटेजची तपासणी केली. यानंतर पोलिसांना तिच्या सासूच्या वागण्यावर संशय बळावला. या सखोल चौकशीत लताबाईने आपला मित्र जगदीश म्हात्रे (६७) याच्या मदतीने हा खून केल्याची कबुली दिली.

यावेळी पोलिस तपासात हत्येमागचे मुख्य कारण आर्थिक वाद असल्याचे समोर आले. रुपालीच्या पतीचा मृत्यू सप्टेंबर २०२५ मध्ये झाला होता. पतीच्या निधनानंतर त्याची रेल्वेतील नोकरी अनुकंपा तत्त्वावर रुपालीला मिळणार होती, ज्याला सासूचा विरोध होता. तसेच पतीच्या मृत्यूनंतर मिळणाऱ्या पैशांवरून सासू-सुनेमध्ये सतत खटके उडत होते.

दोन्ही आरोपींना कोठडी

गुरुवारी १ जानेवारीच्या रात्री सासू-सुनांमध्ये वाद सुरु झाला. हा वाद विकोपाला गेला. यावेळी लताबाई आणि जगदीश म्हात्रे यांनी मिळून रुपालीवर लोखंडी रॉडने जबर प्रहार केले. तिचा जागीच मृत्यू झाल्यावर त्यांनी घरातील रक्ताचे डाग पुसून पुरावे नष्ट केले. त्यानंतर त्यांनी मृतदेह रिक्षातून नेऊन वालधुनी पुलाखाली फेकून दिला. याप्रकरणी महात्मा फुले चौक पोलिसांनी भारतीय न्याय संहिता (BNS) २०२३ अंतर्गत खुनाचा गुन्हा दाखल करण्यात आला आहे. तसेच दोन्ही आरोपींना कोठडी सुनावण्यात आली आहे.

Follow Us
एकजूट नसल्यामुळेच यश...; EVM हटावच्या मागणीवर चंदनशिवे स्पष्टच बोलले
Nitin ChandanShive : एकजूट नसल्यामुळेच यश...; EVM हटावच्या मागणीवर नितीन चंदनशिवे स्पष्टच बोलले
माझ्याबाबत पवारांच्या मनात संशयाचं...; नरहरी झिरवाळांचं मोठं विधान
Narhari Zirwal on Sharad Pawar : माझ्याबाबत पवारांच्या मनात संशयाचं...; नरहरी झिरवाळांचं मोठं विधान
उसाला प्रतिटन 4200 रुपये भाव द्या; साडेतीन तासांचा रास्ता रोको अखेर...
Sugarcane Rate Protest : उसाला प्रतिटन 4200 रुपये भाव द्या; साडेतीन तासांचा रास्ता रोको अखेर स्थगित
गोशाळांसाठी फडणवीस सरकारचा मोठा निर्णय; व्यावसायिक दराऐवजी....
CM Devendra Fadnavis : गोशाळांसाठी फडणवीस सरकारचा मोठा निर्णय; व्यावसायिक दराऐवजी....
एका खासदाराचा भाव 150 कोटी; डिलिमिटेशनसाठी शाह खासदार विकत घेत आहेत...
Sanjay Raut : एका खासदाराचा भाव 150 कोटी; डिलिमिटेशनसाठी अमित शाह खासदार विकत घेत असल्याचा संजय राऊतांचा दावा
माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे...
Amol Kolhe : माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे स्पष्टच म्हणाले...
कोल्हे आणि भुजबळांच्या भेटीत नेमकी काय चर्चा? भुजबळांनी स्वतःच सांगितल
Chhagan Bhujbal : अमोल कोल्हे आणि छगन भुजबळांच्या भेटीत नेमकी काय चर्चा? भुजबळांनी स्वतःच सांगितलं, म्हणाले...
नाशिक-लासलगाव मार्गावर एसटी बसचा अपघात; दुचाकीस्वाराला वाचवण्याच्या...
Lasangaon Bus : नाशिक-लासलगाव मार्गावर एसटी बसचा अपघात; दुचाकीस्वाराला वाचवण्याच्या प्रयत्नात चालकाचं नियंत्रण सुटलं
रोहित पवार तुम्ही लपवालपवी का करतायत? नवनाथ बन यांचा सवाल; नेमकं काय..
Navnath Ban Vs Rohit Pawar : रोहित पवार तुम्ही लपवालपवी का करतायत? नवनाथ बन यांचा सवाल; नेमकं काय म्हणाले?
दीड एकर ऊस पाण्याअभावी करपला; पहिल्याच लागवडीत शेतकऱ्याच्या स्वप्नांवर
Nanded Drought : दीड एकर ऊस पाण्याअभावी करपला; पहिल्याच लागवडीत शेतकऱ्याच्या स्वप्नांवर पाणी