शिवसेनेचे मुखियाही असेच उद्योग-धंदे करतात हे सर्वांना माहीत, किरीट सोमय्यांचा थेट उद्धव ठाकरेंवर हल्ला

मुंबई: शिवसेनेचे नेते प्रताप सरनाईक यांच्या घरावर ईडीने छापे मारले आहे. ईडीच्या या कारवाईचं भाजप नेते किरीट सोमय्या यांनी समर्थन केलं आहे. सरनाईक यांनी बेनामी मालमत्ता जमवली असेल तर त्यांच्यावर कारवाई झालीच पाहिजे. ईडी सबळ पुरावे आणि माहिती असल्याशिवाय कारवाई करत नाही, असं सांगतानाच शिवसेनेचे मुखियाही असेच उद्योग-धंदे करतात हे सर्वांना माहीत आहे, अशा शब्दांत किरीट सोमय्या यांनी थेट मुख्यमंत्री उद्धव ठाकरे यांच्यावर हल्ला चढवला. (kirit somaiya on ED raids residence Of Shiv Sena MLA Pratap Sarnaik)

भाजप नेते किरीट सोमय्या यांनी ‘टीव्ही 9 मराठी’शी बोलताना सरनाईक यांच्या घरावर ईडीने केलेल्या कारवाईचं समर्थन केलं आहे. सरनाईक यांनी जर बेनामी मालमत्ता जमवली असेल. मनी लॉन्ड्रिंग केली असेल किंवा चुकीच्या मार्गाने मालमत्ता जमवली असेल तर कारवाई झालीच पाहिजे. मीही सरनाईक यांच्या बाबतीत अशा गोष्टी ऐकल्या होत्या, असं सोमय्या म्हणाले. मी आमदार आहे म्हणून माझ्यावर कारवाई करू नका, असं म्हणणं योग्य नाही, असंही त्यांनी सांगितलं.

शिवसेनेचे काही नेते मग ते मुंबईतील असो की इतर ठिकाणचे महापालिकेच्या कंत्राटदारांकडून हप्ते घेतात, अशा लोकांवर कारवाई करायला नको का?, असा सवालही त्यांनी केला. यावेळी सोमय्या यांनी मुख्यमंत्री उद्धव ठाकरेंवरही थेट हल्ला केला. शिवसेनेचे मुखियाही अशाच प्रकारचे उद्योग-धंदे करतात, हे सर्वांनाच माहीत आहे, असा आरोपही त्यांनी केला.

दरम्यान, ईडीने आज प्रताप सरनाईक यांच्या ठाण्यातील घर आणि कार्यालयात सकाळपासून धाड मारली आहे. तसेच सरनाईक यांचे पुत्र विहंग सरनाईक आणि पूर्वेश सरनाईक यांच्या घरीही छापा मारला आहे. त्यामुळे शिवसेनेत खळबळ उडाली आहे. प्रताप सरनाईक हे शिवसेना प्रवक्ते आणि आमदार असले तरी ते बांधकाम व्यावसायिकही आहेत. त्यामुळे त्यांनी मनी लॉन्ड्रिंग केली असावी म्हणूनच ईडीने ही धाड टाकली, अशी चर्चा आहे.

MLA Pratap Sarnaik ED Raid Live | शिवसेना आमदार प्रताप सरनाईक यांच्या घर-कार्यालयावर ईडीचे छापे

?प्रताप सरनाईक यांच्या घरी अंमलबजावणी संचलनालयाच्या पथकाने सकाळीच धाडसत्र

?मनी लॉन्ड्रिंगप्रकरणी ही कारवाई सुरू असल्याची माहितीhttps://t.co/MlaXbOhxnQ

— TV9 Marathi (@TV9Marathi) November 24, 2020

संबंधित बातम्या:

MLA Pratap Sarnaik ED Raid Live | शिवसेना आमदार प्रताप सरनाईक यांच्या घर-कार्यालयावर ईडीचे छापे

‘शिवसेनेचं लग्न एकाशी, लफडं दुसऱ्याबरोबर’, मनसे नेते संदीप देशपांडे यांचा शिवसेनेवर हल्लाबोल

(kirit somaiya on ED raids residence Of Shiv Sena MLA Pratap Sarnaik)