AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

राणे यांना बाळासाहेब ठाकरे का म्हणाले होते वाघ?; राज ठाकरे यांनी सांगितलेला किस्सा काय?

मी सरळ चालणारा माणूस आहे. माता भगिनींनी कानात बोटं घालावीत. मध्ये मध्ये आमच्यातील ठाकरे जागा होतो... जनेटिकली प्रॉब्लेम आहे. बैल जसा मुततो तसा मी विचार नाही करत. एखादी गोष्ट पटली तर पटली. नाही पटली तर शेवटपर्यंत नाही पटणार.

राणे यांना बाळासाहेब ठाकरे का म्हणाले होते वाघ?; राज ठाकरे यांनी सांगितलेला किस्सा काय?
Raj ThackerayImage Credit source: tv9 marathi
| Updated on: May 04, 2024 | 9:55 PM
Share

मनसे अध्यक्ष राज ठाकरे यांनी आज केंद्रीय मंत्री नारायण राणे यांच्यासाठी तळकोकणात सभा घेतली. यावेळी राज ठाकरे यांनी नारायण राणे यांचं प्रचंड कौतुक केलं. शिवसेना प्रमुख बाळासाहेब ठाकरे यांनी राणे यांना त्यांच्या कामाचा आवाका पाहून वाघ म्हटल्याचा किस्साही राज ठाकरे यांनी सांगितला. तसेच नारायण राणे यांना मुख्यमंत्रीपदाचा अत्यंत कमी अवधी मिळाला. अवघे सहा महिनेच त्यांना मिळाले. त्यांना पाच वर्ष मिळाले असती तर आज मला या ठिकाणी सभा घ्यायलाही यायची गरज पडली नसती, असं राज ठाकरे म्हणाले.

नारायण राणे यांना मुख्यमंत्रीपदाचा फार कमी वेळ मिळाला. फक्त सहा महिने मिळाले. पाच वर्ष मिळाले असती तर इथे प्रचाराला यायची कुणाला गरज पडली नसती. राणे जेव्हा मुख्यमंत्री होते तेव्हा बाळासाहेबांसोबत चर्चा व्हायची. तेव्हा ते म्हणायचे, अंतुले नंतर कामाचा वाघ फक्त राणेच. राणेंच्या कामाचा सपाटा आणि आवाका मोठा आहे. त्यांनी माझं कौतुक केलं, म्हणून मी त्यांचं कौतुक करत नाही. त्यांनी ज्या पद्धतीने मुख्यमंत्रीपद हाकललंय, ते भल्याभल्यांनाही जमलं नसेल, असं सांगतानाच तुम्हाला काम करणारा माणूस खासदार हवाय की नुसता बाकावर बसणारा? असा सवाल राज ठाकरे यांनी केला.

दीड तास सभागृह चिडीचूप

नारायण राणे विरोधी पक्षनेते असतानाचा एक किस्साही राज ठाकरे यांनी यावेळी सांगितला. राणे तुम्ही ही गोष्ट विसरला असाल. आमचे अनिल शिदोरे हे अभय बंग यांना घेऊन नारायण रावांकडे गेले. नारायणराव विरोधी पक्षनेते होते. सभागृह सुरु होते. बालमृत्यू आणि कुपोषणाबाबत बोलायला बंग गेले होते. नारायण रावांनी त्यांचं ऐकायला सुरुवात केली. बालमृत्यू आणि कुपोषित बालकं हा विषय नारायण रावांना अभय बंग सांगत होते.

दुसऱ्या दिवशी नारायण राणे यांनी सभागृहात जाऊन या विषयावर जे भाषण केलं, ते ऐकून स्वत: अभय बंग थक्क झाले होते. दुसऱ्या दिवशी अभय बंग म्हणाले, मी त्यांचं भाषण ऐकलं तेव्हा वाटलं हे आपल्या संस्थेचे सदस्य आहेत की काय. बालमृत्यू आणि कुपोषण या विषयावर मी त्यांच्याशी फक्त 15 मिनिटं बोललो होतो. त्यांनी मात्र दीड तास मुद्देसूद भाषण केलं. त्यांच्या भाषणावेळी सभागृही चिडीचूप झालं होतं. एखादा विषय कसा हाताळावा. कसं बोलावं हे ज्याला माहीत आहे, तो माणूस आज खासदारकीसाठी तुमच्यासमोर बसलेला आहे. नुसताच बाकड्यावर बसणारा खासदार पाहिजे की केंद्रात मंत्री बनलेला खासदार बसलेला पाहिजे, असा सवाल राज ठाकरे यांनी केला.

मी सरळ चालणारा माणूस

यावेळी ठरवलं होतं कुणाला मुलाखती द्यायच्या नाहीत. विधानसभेला मुलाखती देणार. त्यामुळे कोणी पत्रकार आले नाही. भाजपला पाठिंबा दिल्यानंतरची ही पहिली जाहीर सभा. पाठिंबा का दिला. हे मी गुढीपाडव्याच्या सभेत सांगितलं होतं. मी सरळ चालणारा माणूस आहे. माता भगिनींनी कानात बोटं घालावीत. मध्ये मध्ये आमच्यातील ठाकरे जागा होतो… जनेटिकली प्रॉब्लेम आहे. बैल जसा मुततो तसा मी विचार नाही करत. एखादी गोष्ट पटली तर पटली. नाही पटली तर शेवटपर्यंत नाही पटणार. 2014 ते 2019 दरम्यान ज्या काही गोष्टी झाल्या. केंद्राने केल्या. मोदींनी केल्या. त्या नाही पटल्या. मोदींच्या काही गोष्टी आजही पटत नाही. ज्या गोष्टी पटल्या नाहीत, त्याला 2019च्या सभेत जाहीर विरोध केला. ज्या पटल्या त्याचं स्वागत केलं, असं राज ठाकरे म्हणाले.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी