Maharashtra Corona Update | राज्यात दिवसभरात 5318 नवे कोरोनाबाधित, तर 4430 रुग्णांची कोरोनावर मात

मुंबई : राज्यात आज (27 जून) दिवसभरात तब्बल 5 हजार 318 नवे कोरोनाबाधित रुग्ण आढळले (Maharashtra Corona Update). त्यामुळे राज्यातील कोरोनाबाधित रुग्णांची संख्या 1 लाख 59 हजार 133 वर पोहोचली आहे. कोरोनावर नियंत्रण मिळवण्यासाठी राज्य सरकार, प्रशासन, डॉक्टर, नर्सेस आणि इतर आरोग्य यंत्रणा प्रचंड मेहनत घेत आहेत. मात्र, कोरोना रुग्णांची वाढती संख्या चिंता वाढवणारी आहे (Maharashtra Corona Update).

दिवसभरात 4 हजार 430 रुग्ण बरे

राज्यात आज दिवसभरात 4 हजार 430 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. राज्यात आतापर्यंत एकूण 84 हजार 245 रुग्ण बरे झाले आहेत. त्यामुळे राज्यातील रुग्ण बरे होण्याचं प्रमाण (Recovery Rate) 52.94 टक्क्यांवर पोहोचलं आहे. सध्या राज्यात 67 हजार 600 रुग्णांवर उपचार सुरु आहे, अशी माहिती आरोग्यमंत्री राजेश टोपे यांनी दिली.

हेही वाचा : भारताकडून लडाखमध्ये ‘आकाश’ क्षेपणास्त्र तैनात, चीनला जशास तसं उत्तर देण्यासाठी शस्त्रसज्जता

राज्यात कोरोनामुळे 7273 रुग्णांचा मृत्यू

राज्यात आज दिवसभरात 167 करोनाबाधित रुग्णांच्या मृत्यूची नोंद झाली. यापैकी 86 रुग्णांचा मृत्यू गेल्या 48 तासांमधील तर उर्वरित 81 मृत्यू मागील कालावधीतील आहेत. सध्या राज्याचा मृत्यूदर 4.57 टक्के इतका आहे. राज्यात कोरोनामुळे आतापर्यंत 7 हजार 273 रुग्णांचा मृत्यू झाला आहे.

हेही वाचा : नवरदेवाच्या भावाचा कोरोनाने मृत्यू, हळदीला हजर राहिलेल्या 90 जणांची कोरोना चाचणी

राज्यात 5 लाख 56 हजार 428 नागरिक होम क्वारंटाईनमध्ये

राज्यात आजपर्यंत पाठविण्यात आलेल्या 8 लाख 96 हजार 874 नमुन्यांपैकी 1 लाख 59 हजार 133 नमुने पॉझिटिव्ह (17.74 टक्के) आले आहेत. राज्यात 5 लाख 64 हजार 161 नागरिक होम क्वारंटाईनमध्ये आहेत. सध्या 36 हजार 952 नागरिक संस्थात्मक क्वारंटाईनमध्ये आहेत.

राज्यात कुठे किती रुग्ण?