Maharashtra News LIVE : लालबागच्या राजाचं थोड्याच वेळात फोटो सेशन

जगभरातील करोडो गणेशभक्तांचे अराध्य दैवत असलेल्या लालबागच्या राजाचं आज फोटो सेशन होत आहे. लालबागचा राजा सार्वजनिक गणेशोत्सव मंडळाकडून दरवर्षी गणेशोत्सवापूर्वी प्रसारमाध्यमांसाठी लालबागच्या राजाचं फोटो सेशन आयोजीत करण्यात येते. यंदा लालबागचा राजाचा दरबार कसा असणार याची उत्सुकता सर्व गणेशभक्तांना लागून राहिली आहे.

दिल्लीत भारत मंडपममध्ये आयोजित BRICS शिखर परिषदेत रशियाचे अध्यक्ष व्‍लादिमीर पुतिन यांचे आगमन झाले आहे.पंतप्रधान नरेंद्र मोदी यांनी संबोधित करताना ब्रिक्स देशांची अर्थव्यवस्था ४.५ टक्क्यांनी वाढली असल्याचे प्रतिपादन केले आहे.

सोलापूरच्या वळसंग गावात दोन गटात जबर मारहाण

मारहाणीत जखमी झालेल्या तरुणाचा उपचारादरम्यान मृत्यू

सद्दाम अमलीचुंगे असे मृत्यू झालेल्या 35 वर्षीय तरुणाचे नाव

दक्षिण सोलापूर तालुक्यातील वळसंग गावात बुधवारी संध्याकाळी दोन गटात मोठा वाद

सांगली जिल्ह्यातील वाळवा तालुक्यात ऊस आंदोलनाची पहिली ठिणगी पडली आहे. उसाला पहिली उचल 5 हजार रुपये द्या, अन्यथा साखर कारखाने बंद पाडू असा इशारा स्वाभिमानी शेतकरी संघटनेने दिला होता. मात्र वाळवा तालुक्यातील वाघवाडी फाटा येतील एनडी शुगर साखर कारखान्याने जॅगरी प्रकल्प सुरू केल्याने स्वाभिमानी शेतकरी संघटनेच्या कार्यकर्त्यांनी ऊस वाहतूक रोखली. आणि ट्रॅक्टरची हवा सोडली आहे.

सांगली जिल्ह्यातील जत तालुक्यात असलेल्या उमदी परिसरात भीवर्गी फाटा येथे तामिळनाडू मधून माडग्याळमध्ये मेंढ्यांच्या बाजारात व्यापारासाठी निघालेल्या व्यापाऱ्यांवर सशस्त्र दरोडा टाकण्यात आल्याची  धक्कादायक घटना मध्यरात्रीच्या सुमारास घडली आहे. स्कॉर्पीओ गाडीतून आलेल्या 6 ते 8 दरोडेखोरांनी बंदुकीचा धाक दाखवून दहा व्यापाऱ्यांकडील 20 लाखांची रोकड, दोन तोळे सोने आणि मोबाईल असा सुमारे 30 लाखांचा मुद्देमाल लुटून पोबारा केला. मध्यरात्री घडलेल्या दरोड्याच्या घटनेने संपूर्ण जिल्हा हादरला आहे.

मोदी-पुतिन बैठक संपली आहे. दोन्ही नेत्यांमध्ये जवळपास 45 मिनिटे चर्चा झाली.

पंतप्रधान नरेंद्र मोदी यांनी रशियाचे राष्ट्राध्यक्ष व्लादिमीर पुतिन यांना महान तमिळ कवी आणि तत्त्वज्ञ तिरुवल्लुवर यांच्या प्रसिद्ध ग्रंथ ‘तिरुक्कुरळ’चा रशियन अनुवाद सादर केला. मोदी आणि पुतिन यांच्या भेटीदरम्यान हे विशेष पुस्तक भेट म्हणून देण्यात आले. रशियाचे राष्ट्राध्यक्ष पुतिन यांना ‘तिरुक्कुरळ’ पुस्तक सादर करताना पंतप्रधान मोदी म्हणाले की, हे पुस्तक 2000 साली लिहिले गेले होते. त्यात मानवी जीवनाबद्दल लिहिले आहे. आपले संबंध अधिक दृढ करण्याच्या दिशेने हे एक पाऊल आहे. हा त्या पुस्तकाचा रशियन अनुवाद आहे. हे पुस्तक खास तुमच्यासाठी रशियन भाषेत अनुवादित करण्यात आले आहे.

ब्रिक्स शिखर परिषदेच्या निमित्ताने भारत मंडपम येथे पंतप्रधान मोदी आणि राष्ट्रपती पुतिन यांची भेट होणार आहे. दोन्ही नेत्यांमध्ये द्विपक्षीय चर्चा सुरू झाली आहे. संपूर्ण जगाचे लक्ष या चर्चेकडे लागले आहे.

इराणचे राष्ट्राध्यक्ष मसूद पेझेश्कियान नवी दिल्लीत आयोजित 18व्या ब्रिक्स शिखर परिषदेत सहभागी होण्यासाठी भारतात दाखल झाले. नवी दिल्ली विमानतळावर केंद्रीय राज्यमंत्री शांतनु ठाकूर यांनी त्यांचे हार्दिक स्वागत केले. इराणच्या राष्ट्राध्यक्षांच्या भारत आगमनानंतर परराष्ट्र मंत्रालयाने म्हटले आहे की, दोन्ही देशांमध्ये सखोल आणि ऐतिहासिक सांस्कृतिक संबंध आहेत. भारत-इराण संबंध त्यांच्या मजबूत सांस्कृतिक संबंधांसाठी आणि जवळच्या जन-संपर्कांसाठी ओळखले जातात.

पंतप्रधान मोदी आणि राष्ट्रपती पुतिन यांची भारत मंडपम येथे भेट झाली. त्यांनी हस्तांदोलन केले आणि एकमेकांना आलिंगन दिले. पंतप्रधान मोदींनी पुतिन यांना एक पुस्तक भेट दिले. त्यानंतर पंतप्रधान मोदींनी रशियन शिष्टमंडळाची भेट घेतली.

पंतप्रधान नरेंद्र मोदी  आणि रशियाचे अध्यक्ष व्लादिमीर पुतिन यांच्यात द्विपक्षीय बैठक पार पडत आहे. राजधानी दिल्लीतील भारत मंडपम् येथे ही बैठक होत आहे.  दोन्ही नेत्यांमध्ये अनेक महत्वाच्या करारांवर चर्चा होणार आहे. दोन दिवसांच्या ब्रिक्स परिषदेत सहभागी होण्यासाठी पुतिन सध्या भारतात आले आहेत.

ठाण्यातील नौपाडा पाच पाखाडी परिसरात पहाटेच्या सुमारास चार ते पाच दुकानात मध्ये चोरी झाली. दुकानांचं शटर तोडून आत शिरून रोख रक्कम आणि काही मुद्देमाल चोरट्यांनी लंपास केला.  आजूबाजूच्या परिसरातील आणि दुकानाच्या जवळचं सीसीटीव्ही ताब्यात घेऊन याप्रकरणी नौपाडा पोलीस अधिक तपास करत आहेत.

जालना छत्रपती संभाजी नगर या मुख्य महामार्गावर मराठा आंदोलक आक्रमक.  बदनापूर शहरात जवळपास 2 तास रास्ता रोको करत जोरदार घोषणाबाजी करण्यात आली.

मनोज जरांगे पाटील यांच्या निर्णयाक आमरण उपोषणाचा आजचा 14 वा दिवस असून सरकारकडून कोणताही तोडगा काढल्या जात नसल्याने मराठा आंदोलक आक्रमक होत असल्याचे चित्र दिसत आहे.  मराठा आंदोलकांनी रास्ता रोको केल्यामुळे जालना छत्रपती संभाजी नगर या मुख्य महामार्गावरची वाहतूक काही काळ ठप्प झाली.

मनोज जरांगेंच्या मुंबईकडे जाण्याच्या आवाहनावर मुंबई हायकोर्टात सुनावणी सुरू आहे. मराठा आरक्षणाच्या मागणीसाठ जरांगे पाटील यांचं उपोषण सुरू आहे. मुंबईला जाण्याची तयारी केली असून तसा इशाराच त्यांनी दिला आहे. मात्र यामुळे कायदा-सुव्यवस्थेचा प्रश्न निर्माण होण्याची चिंता असून याच संदर्भातील याचिकेवर मुंबई हायकोर्टात सुनावणी सुरू आहे.

जळगावात शासकीय बँक कर्मचाऱ्यांचा आज एक दिवसीय संप. जिल्ह्यातील 151 सरकारी बँक शाखेतील सुमारे 1 हजार 200 कर्मचाऱ्यांनी संपात सहभाग घेतला.  पाच दिवसांचा आठवडा लागू करावा, पी एल आय व इतर प्रलंबित मागण्यांची पूर्तता करावी अशी कर्मचाऱ्यांची मागणी आहे.  युनायटेड फोरम ऑफ बँक युनियनच्या वतीने प्रलंबित मागण्यासाठी एक दिवसीय लक्षणीक संप पुकारण्यात आला.  मागणी पूर्ण न झाल्यास आगामी काळात बेमुदत संप पुकारू असा इशारा कर्मचाऱ्यांनी दिला.

धुळे –  मित्रपक्ष काय करतो यापेक्षा शिवसेनेत काय चाललंय याकडे लक्ष द्या , असं म्हणत उद्योगमंत्री उदय सामंत यांनी शिवसेना पदाधिकाऱ्यांना घरचा आहेर दिला.  गटबाजी सोडा, संघटना मजबूत करा; व्यासपीठावरील पदाधिकाऱ्यांना शेवटची संधी आहे.  नंदुरबारमध्ये २ हजार पदाधिकारी, धुळ्यात मात्र ५० कार्यकर्तेही आणता आले नाहीत.  साहेबांना फसवतोय का? पदाधिकाऱ्यांनी आत्मचिंतन करावे – असंही सामंत यांनी सुनावलं.

जात वर्चस्वाला पाठिंबा देणाऱ्या आणि शिवराळ गलिच्छ भाषेमध्ये महाराष्ट्राची संस्कृती बिघडवणाऱ्या मनोज जरांगे यांना कुठल्या अर्थाने पाठिंबा अभिजीत दीपके यांनी दिला – लक्ष्मण हाके यांचा सवाल

एका बाजूला पद्मश्री पुरस्कार जिंकलेला,आयआयटी इंजिनियर आणि शिक्षणतज्ञ तर दुसऱ्या बाजूला अर्वाच्य भाषेमध्ये शिवीगाळ करणारा मनोज जरांगे थापाड्या सोंगाड्या याची तुलना कशी होऊ शकते? असही प्रश्न त्यांनी विचारला.

पुण्याच्या सारोळा ते गुणंद रस्त्याची खड्ड्यांमुळे मोठी दुरवस्था…. अपघातांचे प्रमाण वाढल्याने रस्ता तातडीने दुरुस्त करण्याची मागणी…. शिवसेना पुणे उपजिल्हाप्रमुख गणेश निगडे यांनी मंत्री शिवेंद्र भोसले यांना निवेदन…

नागपूर-रायपूर महामार्गावर भीषण अपघातात 9 जणांचा मृत्यू. साकोली आणि लाखनीदरम्यानच्या पिंपळगावाजवळील घटना. अपघाताच्या अगदी काही सेकंदापूर्वी आयशर ट्रक हा राष्ट्रीय महामार्गावरील अपघातस्थळाजवळ असलेल्या पेट्रोल पंप मधून बाहेर निघालेला आणि याच वेळी साकोलीकडून नागपूरच्या दिशेने भरधाव जाणाऱ्या बेलोरो पिकप वाहनाने आयशर ट्रकला पाठीमागून भीषण धडक दिली.

पुणे- बुधवार पेठेत 2-4 कंटेनरमधील खवा, पनीरची FDAकडून तपासणी. कंटेनरमधील खवा आणि पनीरच्या नमुन्यांची FDAकडून तपासणी तपासणीनंतर FDAकडून कारवाई केली जाणार. परराज्यातून हे कंटेनर आल्याचा संशय. पुण्यात खवा आणि पनीरचे मोठ्या प्रमाणातील वितरण या ठिकाणाहून होते.

MPSCचे सचिव महेंद्र हरपाळकरांच्या तोंडाला काळं फासलं. संभाजी ब्रिगेडच्या कार्यकर्त्यांनी काळं फासलं. MPSC पेपरफुटीविरोधात संभाजी ब्रिगेडचे कार्यकर्ते आक्रमक

MPSC अध्यक्षांनी राजीनामा दिला नाही तर विद्यार्थी मुंबईत येतील. ‘MPSC अध्यक्षांच्या राजीनाम्यासाठी आणखी तीव्र आंदोलन होईल’. पेपरफुटीवर हवेत बोलत नाही तर पुराव्यासहित बोलतोय- आदित्य ठाकरे

जरांगे पाटलांच्या 14 पैकी 12 मागण्या सरकारने मान्य केल्या आहेत. मूळ प्रमाणपत्राची व्हॅलिडिटी रद्द होऊ नये यासाठी सरकार प्रयत्नशील आहे. मनोज जरांगे पाटलांच्या मागण्या रास्त असून सरकार त्यांच्या पाठीशी खंबीरपणे उभं आहे. जरांगे पाटलांनी आपल्या तब्येतीची काळजी घ्यावी, अशी सरकारची विनंती आहे, असं राज्यमंत्री योगेश कदम म्हणाले.

नेपाळमध्ये आलेल्या भीषण पुरामुळे अनेक नागरिकांचे संसार उद्ध्वस्त झाले असून, अनेक कुटुंबांवर अन्न-पाण्याचं संकट ओढावलं आहे. या संकटाच्या काळात मीरा-भाईंदर इथल्या छत्रपती शिवाजी महाराज चॅरिटेबल ट्रस्टचे अध्यक्ष सोमनाथ पवार यांनी पूरग्रस्त नागरिकांना मदतीचा हात दिला. पूरग्रस्तांना अन्न, पाणी तसंच महिनाभर पुरेल इतकं जीवनावश्यक राशन देण्यात आलं. या मदतीमुळे संकटात सापडलेल्या कुटुंबांना काही प्रमाणात आधार मिळाला आहे.

मनोज जरांगे पाटील यांनी एकनाथ शिंदेंबाबत एकेरी उल्लेख करणं योग्य नाही. उपमुख्यमंत्री एकनाथ शिंदे हे आमच्या सर्वांचे नेते आहेत. एकनाथ शिंदेंबाबत एकेरी शब्दात बोलणं कदापी सहन केलं जाणार नाही. एकनाथ शिंदेंच्या एकेरी उल्लेखामुळे शिवसैनिकांसह मराठा समाजही दुखावला आहे. जरांगे पाटील यांनी कोणावरही भाष्य करताना सन्मानपूर्वक भाषा वापरावी, असं राज्यमंत्री योगेश कदम म्हणाले.

जळगाव- बँक कर्मचाऱ्यांच्या विविध मागण्यांसाठी देशभरात आज एकदिवसीय काम बंद आंदोलन करण्यात आलं. चाळीसगाव तालुक्यातील विविध बँकांमधील कर्मचारीही या आंदोलनात सहभागी झाले आहेत. बँक कर्मचाऱ्यांसाठी पाच दिवसांचा आठवडा लागू करण्याची प्रमुख मागणी करण्यात आली. सुट्ट्यांबाबत कर्मचाऱ्यांमध्ये असलेली असमानता दूर करण्याची मागणी आंदोलकांनी केली. सर्व स्तरांवरील कर्मचाऱ्यांना समान सुविधा मिळाव्यात, अशी मागणी यावेळी करण्यात आली. मागण्या मान्य न झाल्यास आंदोलन अधिक तीव्र करण्याचा इशारा बँक कर्मचाऱ्यांनी दिला.

गणेशोत्सवाच्या पार्श्वभूमीवर पुण्यात अन्न आणि औषध प्रशासनाने (FDA) मोठी कारवाई केली आहे. पुण्यातील बुधवार पेठ परिसरात करण्यात आलेल्या धडक कारवाईत पनीर आणि खव्याने भरलेले तब्बल चार ट्रक जप्त करण्यात आले आहेत. FDA आयुक्त तुकाराम मुंढे यांच्या नेतृत्वाखाली अन्नपदार्थांच्या गुणवत्तेवर आणि संभाव्य भेसळीवर लक्ष ठेवण्यासाठी ही मोहीम राबवली जात आहे.

अमृता फडणवीस या स्वतंत्र व्यक्ती आहेत, त्यांनी त्यांचं मत मांडलं. प्रश्न आदित्य ठाकरेंचा आहे. आदित्य ठाकरेंना माझं आव्हान आहे की सर्व मुस्लीम सहकाऱ्यांना 6 पंक्तीची वंदे मातरम गायला लावण्याची गॅरंटी घेणार का? प्रत्येक गरब्याच्या ठिकाणी माँ दुर्गाची स्थापना होते, मूर्तीपूजा मुस्लिमांना मान्य आहे का, असा सवाल भाजप आमदार अतुल भातखळकर यांनी केला.

बाप्पाच्या स्वागतासाठी कोकणकडे निघालेले कोकणवासी.. माणगाव-इंदापूरच्या ट्रॅफिकमध्ये अडकले आहेत.  मुंबई-गोवा महामार्गावर वाहनांची प्रचंड गर्दी झाली आहे.  माणगाव आणि इंदापूर परिसरात लांबच लांब वाहनांच्या रांगा लागल्या आहेत.  बाप्पाच्या आगमनाचा उत्साह आहे, पण महामार्गावर कोंडीचा फटका बसला आहे.

बीड जिल्ह्यातील पाटोदा तालुक्यातील नाळवंडी येथे चिमुकलीवर 62 वर्षाच्या बबन काळे नामक नराधमाने अत्याचार केल्याची संतापजनक घटना समोर आली आहे. या घटनेनंतर माजी आमदार बाळासाहेब आजबे आणि माजी आमदार भीमराव धोंडे यांनी पीडित चिमुकलीच्या कुटुंबीयांची घरी जाऊन भेट घेतली तर नराधमावर कठोरात-कठोर कारवाई झाली पाहिजे आणि निष्पाप चिमुकलीला न्याय मिळवून देण्यासाठी प्रशासनाने कोणताही कसूर करू नये अशी आमदार बाळासाहेब आजबे यांनी पोस्ट केली आहे. दरम्यान आज या घटनेच्या निषेधार्थ आणि आरोपीला फाशीची शिक्षा व्हावी या मागणीसाठी पाटोदा शहरात जन आक्रोश मूक मोर्चा निघणार आहे.

आज दुपारी १२ ते २ या दोन तासांच्या कालावधीत दिवेघाटातील वाहतूक पूर्णपणे बंद ठेवण्यात येणार आहे. आळंदी–पंढरपूर पालखी महामार्गाच्या रुंदीकरणाच्या कामासाठी ब्लास्टिंगचे काम करण्यात येणार असल्याने हा निर्णय घेण्यात आला आहे. वाहनचालकांनी या वेळेत दिवेघाटाचा प्रवास टाळून पर्यायी मार्गांचा वापर करावा, असे आवाहन वाहतूक पोलिसांनी केले आहे.

अज्ञात चोरट्यांविरोधात रांजणगाव एमआयडीसी पोलिसांत गुन्हा दाखल करण्यात आला आहे. शिरूर तालुक्यातील कारेगाव येथे घरासमोर उभी केलेली सुमारे जुपिटर स्कूटी अज्ञात चोरट्यांनी चोरून नेल्याची घटना समोर आली आहे. याप्रकरणी रांजणगाव एमआयडीसी पोलिस ठाण्यात अज्ञात आरोपीविरोधात गुन्हा दाखल करण्यात आला आहे. चोरीस गेलेल्या दुचाकीची किंमत सुमारे ५० हजार रुपये असून, या प्रकरणी रांजणगाव एमआयडीसी पोलिस ठाण्यात गुन्हा दाखल करण्यात आला आहे.

सोलापुरात मराठा समाजाचे कार्यकर्ते आक्रमक झाले आहेत. मनोज जरांगे पाटील यांच्या समर्थनार्थ सोलापूर धुळे राष्ट्रीय महामार्ग रोखला आहे. दक्षिण सोलापूर तालुक्यातील उळे गावाजवळ महामार्ग रोखण्यात आला आहे.

सोलापुरात मराठा समाजाचे कार्यकर्ते आक्रमक. मनोज जरांगे पाटील यांच्या समर्थनार्थ सोलापूर धुळे राष्ट्रीय महामार्ग रोखला. दक्षिण सोलापूर तालुक्यातील उळे गावाजवळ महामार्ग रोखण्यात आला. जरांगे पाटलांच्या आंदोलनाची दखल न घेतल्यास राज्यात तांडव होईल. मनोज दादांनी हाक दिल्यास दहा पटीने मुंबईत जाणार. मनोज जरांगे यांच्या उपोषणाचा 14 वा दिवस आहे मात्र सरकार हालचाल करत नाही.

36 व्या ‘मायनिंग इंजिनिअर्स नॅशनल सेमिनार’चे उदघाटन, मुख्यमंत्री देवेंद्र फडणवीस यांच्या हस्ते होणार. नागपूरच्या रॅडिसन ब्ल्यू हॉटेल मध्ये करण्यात आलं आयोजन. थोड्या वेळात मुख्यमंत्री कार्यक्रमाला पोहचतील

मनोज जरांगे पाटील यांनी 12 तारखेला बैठक बोलावली, मुंबईकडे जाण्याचा निर्णय होण्याची शक्यता, जरांगे पाटलांच मुंबईत स्वागत आहे – संजय राऊत

ओबीसी नेते लक्ष्मण हाके हे वडीगोद्री मध्ये दाखल झाले असून थोड्याच वेळात ओबीसी बांधवांची ते बैठक घेऊन पुढील आंदोलनाची दिशा स्पष्ट करण्याची शक्यता आहे.

सोलापुरात मराठा समाजाचे कार्यकर्ते आक्रमक. मनोज जरांगे पाटील यांच्या समर्थनार्थ सोलापूर धुळे राष्ट्रीय महामार्ग रोखला. दक्षिण सोलापूर तालुक्यातील उळे गावाजवळ महामार्ग रोखण्यात आला

अंबादास दानवे  म्हणाले की, 2016 पासून 780 घोषणा या सरकारने केल्या पण केवळ दिड टक्के कामं सुरु आहे, त्यामुळे मराठवाडा मुक्ती संग्राम दिनानिमित्त आम्ही हे आंदोलन सुरु केलंय”

दिवेघाटातून प्रवास करणाऱ्या वाहनचालकांसाठी महत्त्वाची बातमी. आज दुपारी १२ ते २ या दोन तासांच्या कालावधीत दिवेघाटातील वाहतूक पूर्णपणे बंद ठेवण्यात येणार आहे. आळंदी–पंढरपूर पालखी महामार्गाच्या रुंदीकरणाच्या कामासाठी ब्लास्टिंगचे काम करण्यात येणार असल्याने हा निर्णय घेण्यात आला आहे. वाहनचालकांनी या वेळेत दिवेघाटाचा प्रवास टाळून पर्यायी मार्गांचा वापर करावा, असे आवाहन वाहतूक पोलिसांनी केले आहे.

मराठवाड्यातील दुष्काळजन्य परिस्थितीवर कोणीच गांर्भीयाने बोलत नाही, मराठावाडा आज भाजपमय, पण मराठवाड्याला काय मिळालं? असा आरोप संजय राऊत यांनी केला आहे.

जिल्हाधिकारी कार्यालयासमोर आज आंदोलन होतेय. याचा 17 सप्टेंबर पक्षप्रमुख उद्धव ठाकरे यांच्या हस्ते समारोप छत्रपती संभाजी नगर येथे होणार. 780 योजनाची घोषणा सरकारने मराठवाड्यात केली. सगळं भाजपमय मराठवाडा असतांना केवळ थाप्पा मारल्या. आम्ही आंदोलन करीत असतांना मुख्यमंत्र्यांनी आमच्या आंदोलनाची खील्ली उडवायची.

संजय राऊत म्हणाले, “अंबादास दानवे यांच्या संकल्पनेतून अनोख आंदोलन आयोजित केलं आहे. हे सरकार बोगस, थाप्पड यांनी दिलेल्या घोषणा केल्या. विकासच्या नावाखाली सरकारने कशी फसवणूक केली याचा मुखवटा फाडणार हे आंदोलन.”

उदय सामंत यांच्या स्वागतासाठी शहरात शिवसेनेकडून मोठी बॅनरबाजी. मात्र शिवसेनेचे जिल्हाप्रमुख मनोज मोरे यांचा बॅनरवरून फोटो गायब. उदय सामंत यांच्या उपस्थितीत आज शिवसेनेचा मेळावा. मनोज मोरे यांचा फोटो डावलल्याने शिवसेनेतील अंतर्गत गटबाजी पुन्हा चव्हाट्यावर. धुळ्यात शिवसेनेचे दोन जिल्हाप्रमुख — मनोज मोरे आणि सतीश महाले. दोन्ही गटांकडे संघटनात्मक जबाबदारी; बॅनरवरील फोटोवरून राजकीय चर्चांना उधाण

मुंबईत एचआयव्हीबाबत नागरिकांमध्ये जनजागृती करण्यासाठी मुंबई महापालिकेकडून विशेष मोहीम सुरू …या मोहिमेअंतर्गत चित्रपट आणि नाटक क्षेत्रातील कलाकारांच्या माध्यमातून विविध ठिकाणी पथनाट्य सादर करून नागरिकांना एचआयव्हीबाबत दिली जातेय माहिती. एचआयव्हीचा प्रसार कशामुळे होतो आणि कोणत्या गोष्टींमुळे संसर्गाचा धोका वाढतो, याबाबत नागरिकांना समजावून सांगितले जात आहे. विशेषतः मुंबईतील ट्रक चालक आणि वाहनचालकांमध्ये जनजागृती करण्यावर महापालिकेचा भर. यासाठी चालकांना पत्रके वाटून एचआयव्ही संसर्गाची प्रमुख चार कारणे समजावून सांगितली जात आहेत. असुरक्षित लैंगिक संबंध, संक्रमित रक्ताचा संपर्क, संक्रमित सुई किंवा सिरिंजचा वापर आणि आईकडून बाळाला होणारा संसर्ग, या मार्गांबाबत माहिती दिली जात आहे.

गणपती बाप्पा मोरया! ‘मोदी एक्सप्रेस’ आज कोकणाकडे होणार रवाना! सकाळी १०:३० वाजता दादर स्थानक (प्लॅटफॉर्म क्र. १४) वरून सुटणार पहिली ट्रेन. मत्स्यव्यवसाय व बंदरे मंत्री तथा सिंधुदुर्ग पालकमंत्री नितेश राणे यांचा पुढाकार. चाकरमान्यांचा गणेशोत्सवासाठीचा कोकण प्रवास आता अधिक सुखकर आणि आनंदी

शास्त्रीनगर रुग्णालय डॉक्टर-नर्स मारहाण प्रकरणात मोठी बातमी!

१,८३२ पानी चार्जशीटनंतर आरोपी रमेश म्हात्रे आज कल्याण सत्र न्यायालयात हजर राहणार

– मुंबई हायकोर्टाच्या फास्टट्रॅक सुनावणीच्या आदेशानंतर आज कल्याण न्यायालयात सुनावणी
– १० सप्टेंबरला पोलिसांकडून १,८३२ पानी दोषारोपपत्र दाखल
– चार्जशीटमध्ये ७० हून अधिक साक्षीदारांचे जबाब
– CCTV फुटेज आणि फॉरेन्सिक रिपोर्टचा चार्जशीटमध्ये समावेश
– १४ जुलैला कल्याण सत्र न्यायालयाने म्हात्रेंना जामीन दिला
– १८ जुलैला हायकोर्टाची सुमोटो दखल घेत जामिनाला स्थगिती
– ७ ऑगस्टला महाराष्ट्राबाहेर राहण्याच्या अटीवर हायकोर्टाकडून जामीन
– जामीनाच्या अटीनुसार म्हात्रे गोव्यात मुक्कामी होते
– चार्जशीट दाखल झाल्यानंतर आज गोव्यातून कल्याण न्यायालयात हजेरी लावणार
– आजच्या सुनावणीकडे सर्वांचे लक्ष

विद्यार्थ्यांच्या म्हणण्यानुसार, “आयोगाचे अध्यक्ष विवेक भिमानवार यांचा राजीनामा झालाच पाहिजे….एकाच परीक्षेची एसआयटी चौकशी करण्यापेक्षा यापूर्वीच्या सर्वच परीक्षांची एसआयटी चौकशी करा….आयोग आणि राज्य सरकार विद्यार्थ्यांच्या भवितव्याशी खेळत आहे अनेक विद्यार्थी परिस्थिती नसताना सुद्धा वर्षानुवर्ष अभ्यास करून आयोगाच्या ढिसाळ नियोजनामुळे अनेक विद्यार्थ्यांचा आयुष्य बरबाद होत आहे . आयोगाचे अध्यक्ष विवेक भिमानवार यांचा राजीनामा झालाच पाहिजे अशी मागणी विद्यार्थी करत आहेत यांच्याशी संवाद साधला आहेत.”

‘मनोज जरांगे यांच्या उपोषणाकडे सरकारचं लक्ष आहे. जरांगेंनी घाणेरड्या भाषेत जिल्हाधिकाऱ्यांशी चर्चा केली. अनेक मंत्र्‍यांना शिवीगाळ केली, असं म्हणत मंत्री छगन भुजबळ यांनी मनोज जरांगे यांच्यावर भाष्य केलं.

मराठा आरक्षणाच्या विविध मागण्यांसाठी अंतरवाली सराटीत मनोज जरांगे पाटील यांचा आमरण उपोषण सुरू आहे. आज त्यांच्या आमरण उपोषणाचा 14 वा दिवस आहे. अंतरवाली सराटीत मागण्या मान्य झाल्या नाही तर मुंबईला धडक देऊ असा निर्धार जरांगे पाटील यांनी व्यक्त केलाय. या पार्श्वभूमीवर उद्या त्यांनी अंतरवाली सराटीत मराठा समाजाची बैठक देखील बोलावली आहे. त्यानंतर मनोज जरांगे मुंबईला निघण्याची शक्यता आहे.

नाशिकच्या लासलगावात १३ मागण्यांसाठी आमरण उपोषण आंदोलन सुरू आहे.  या उपोषणाचा आज दुसरा दिवस असून अद्याप तोडगा निघालेला नाही. स्थानिक बाजारपेठेतील दुकाने बंद ठेवत दुकानदारांचा आंदोलनाला पाठिंबा दिला आहे.  शेतीमाल विक्रीनंतर अर्धी रक्कम रोख, उर्वरित ऑनलाइन देण्याची आंदोलनकर्त्यांची प्रमुख मागणी आहे.  लासलगाव शहर विकास समितीच्या मागण्यांवर तातडीने तोडगा काढण्याची मागणी करण्यात आली आहे.

राज्यमंत्री योगेश कदम आज धाराशिव जिल्हा दौऱ्यावर असून प्रथमेश देशमुख याच्या कुटुंबीयांची भेट घेणार आहेत. परंडा तालुक्यातील खासापुरी येथील प्रथमेश देशमुख यांच्या कुटुंबीयांची राज्यमंत्री योगेश कदम आज 4 वाजता भेट घेणार आहेत. प्रथमेशच्या मृत्यूनंतर कुटुंबीयांशी संवाद साधून घटनेची माहिती घेणार असून, कुटुंबीयांच्या व्यथा आणि मागण्या जाणून घेण्याची शक्यता आहे. एमपीएससीचा अभ्यास करणाऱ्या प्रथमेश देशमुख याने दोन दिवसापूर्वी आत्महत्या केली असून तो धाराशिवच्या परंडा तालुक्यातील रहिवासी आहे

गोंदिया जिल्ह्यात अनेक भागांमध्ये पावसाची हजेरी दर्शवली आहे. या पावसामुळे उकड्यापासून त्रस्त नागरिकांना दिलासा मिळाल आहे. धान पिकाला जीवनदान मिळालं आहे. पावसामुळे शेतकऱ्यांनी आनंद व्यक्त केला आहे.

धुळ्यातील शिंदखेडा आगाराची सकाळी ७ वाजताची बस दोन दिवसांपासून बंद आहे. यामुळे ६० ते ७० विद्यार्थ्यांचे शैक्षणिक नुकसान; संतप्त विद्यार्थ्यांचा रास्ता रोको केला.  सकाळी ६ वाजल्यापासून चिमठाणे बसस्थानकात आंदोलन सुरू आहे. बससेवा सुरू होईपर्यंत आंदोलन मागे घेणार नाही – विद्यार्थ्यांचा आक्रमक पवित्रा घेतला आहे. तब्बल दोन तास आंदोलन सुरू, मात्र एसटीचा एकही अधिकारी घटनास्थळी नाही
विद्यार्थ्यांच्या आंदोलनामुळे एसटी प्रशासनाच्या कारभारावर प्रश्नचिन्ह निर्माण झालं आहे.

दगडूशेठ गणपती ट्रस्ट कडून गणेश उत्सवामध्ये भक्तांसाठी 50 कोटीचा विमा काढण्यात आला आहे. गणेशोत्सवात भक्तांची होणारी गर्दी आणि त्यामध्ये काही दुर्दैवी प्रसंग घडला तर हा विमा देण्यात येतो. गणेशोत्सवाच्या काळात दगडूशेठ गणेश मंडळाच्या परिसरात चार एलईडी स्क्रीन लावण्यात येणार आहेत सुरक्षा कडेकोट व्यवस्था राहावी यासाठी देखाव्याच्या परिसरात सर्वत्र सीसीटीव्ही कॅमेरे असणार आहेत
सुरक्षेसाठी पोलीस यंत्रणेसोबत दगडूशेठ गणपती ट्रस्टचे अडीचशे पुरुष आणि महिला यांची खाजगी सुरक्षा व्यवस्था असणार आहे

काँग्रेसचे राष्ट्रीय अध्यक्ष मल्लिकार्जुन खरगे यांच्या उत्तराखंडातील हल्द्वानी येथे काढण्यात आलेल्या मिरवणुकीला भाजपकडून विरोध करण्यात आला होता. तसेच, ज्या ठिकाणी ही मिरवणूक काढण्यात आली होती, त्या ठिकाणाचे कथित शुद्धीकरण करण्यात आल्याचा आरोप काँग्रेसकडून करण्यात आला होता. या प्रकाराविरोधात नंदुरबारचे खासदार गोवाल पाडवी यांच्यासह महाराष्ट्रातील काँग्रेसच्या खासदारांनी संसद मार्ग पोलीस ठाण्यात गुन्हा दाखल करण्याची मागणी केली होती. मात्र, पोलिसांकडून गुन्हा दाखल करण्यास टाळाटाळ होत असल्याचा आरोप करण्यात आला. अखेर गुन्हा दाखल करण्यासाठी खासदार गोवाल पाडवी यांनी संसद मार्ग पोलीस ठाण्यात आक्रमक पवित्रा घेतला. यावेळी २० खासदारांना पोलीस ठाण्यात प्रवेश नाकारण्यात आल्याची माहिती समोर आली आहे. मात्र, खासदार गोवाल पाडवी यांच्या आक्रमक भूमिकेनंतर तब्बल चार तासांनी पोलिसांनी गुन्हा दाखल करून घेतला. पोलीस ठाण्यात खासदार गोवाल पाडवी आक्रमक झाल्याचा व्हिडिओ सध्या सोशल मीडियावर तुफान व्हायरल होत आहे.

लातूर-पुणे महामार्गावर तेरणा नदी पुलावर लाकडे पेटवून आंदोलन करण्यात आले. यामुळे दोन तास वाहतूक ठप्प होती. वाहनांच्या लांबच लांब रांगा लागल्या होत्या. मराठा आरक्षणाच्या मागणीसाठी धाराशिव तालुक्यातील कसबे तडवळे येथे मराठा आंदोलक आक्रमक झाले. लातूर-पुणे मार्गावरील तेरणा नदी पुलावर लाकडे पेटवून रास्ता रोको आंदोलन करण्यात आले.रात्री सुमारे दोन तास आंदोलकांनी रस्ता रोखून धरल्याने लातूर-पुणे मार्गावरील वाहतूक ठप्प झाली. त्यामुळे या मार्गावर वाहनांच्या लांबच लांब रांगा लागल्या.मराठा आरक्षणाच्या मागणीसाठी आंदोलकांनी आक्रमक भूमिका घेत प्रशासनाविरोधात घोषणाबाजी केली.

गणेशोत्सवासाठी कोकणात जाणाऱ्या गणेश भक्तांसाठी टोल माफी पासच वितरण सुरू झाले आहे. पुणे आरटीओ कडून आत्तापर्यंत 40 पेक्षा जास्त व्यक्तींना टोलमाफीचे पास देण्यात आले आहे. टोल माफीचा लाभ घेण्यासाठी वाहनधारकांनी वाहनाची सर्व आवश्यक कागदपत्रे सादर करण्याचा आवाहन करण्यात आले आहे. पुण्यातील आळंदी रस्ता आणि दिवे येथील कार्यालयामध्ये हे पास उपलब्ध करून दिले आहेत भाविकांनी आवश्यक कागदपत्रे पूर्तता करून लाभ घेण्याचा आवाहन करण्यात आले आहे.

नंदुरबार जिल्ह्यात १३४ गावांमध्ये ‘एक गाव, एक गणपती’ संकल्पना राबवली जात आहे. गणेशोत्सवातून सामाजिक सलोखा आणि एकोपा वाढवण्याचा प्रयत्न करण्यात येत आहे. आदिवासीबहुल नंदुरबार जिल्ह्यात या संकल्पनेला नागरिकांचा उत्स्फूर्त प्रतिसाद दिसून येत आहे. ग्रामीण भागासोबतच आता शहरी भागातही ‘एक वॉर्ड, एक गणपती’ संकल्पना राबवण्याचा प्रयत्न करण्यात येत आहे. यासाठी संबंधित पोलीस ठाण्यांच्या प्रभारी अधिकाऱ्यांना सूचना देण्यात आल्या आहेत. एक गाव, एक गणपतीमुळे गावातील नागरिकांमध्ये एकोपा वाढणार आहे. सार्वजनिक गणेशोत्सवात सर्वांनी एकत्र येण्याचे आवाहन करण्यात आले आहे.

गणरायाच्या आगमनाची चाहूल लागताच शहरातील फुल बाजारात उत्साहाचे वातावरण निर्माण झाला आहे मंडपाची सजावट आरास हरामी पूजेसाठी आघाऊ तसेच किरकोळ बाजारात मुलांना मागणी वाढली आहेत बाजारात दाखल होणाऱ्या फुलांच्या तुलनेत मागणी अधिक असल्याने झेंडू, शेवंती भावात 30 टक्क्यांनी वाढ झाली तर गुलछडी चे भाव दुप्पट झाले आहेत

भाटेपूरी गावात पोळा सण मोठ्या उत्साहात संपन्न झाला. उत्कृष्ट सजवलेल्या बैलजोड्यांचा सन्मान चिन्ह देऊन सत्कार करण्यात आला. भाटेपूरी गावात दरवर्षीप्रमाणे यंदाही पोळा सण अत्यंत थाटामाटात आणि नेहमीपेक्षा अत्यंत आगळ्यावेगळ्या पद्धतीने साजरा करण्यात आला. या वर्षीच्या सोहळ्याचे मुख्य आकर्षण म्हणजे गावात आयोजित करण्यात आलेला विशेष सत्कार समारंभ. गावातील सर्व शेतकर्‍यांनी आपल्या बैलजोड्यांना विविध रंगीबेरंगी मोरप्या, बाशिंगे, झूल, घुंगुरमाळा आणि आकर्षक रंगांनी अत्यंत सुंदर रीतीने सजवले होते. या सजवलेल्या बैलजोड्यांमधून उत्कृष्ट आणि आकर्षक सजावट केलेल्या बैलजोड्यांची निवड करून त्यांच्या मालकांना सन्मानचिन्ह देऊन विशेष सन्मानित करण्यात आले.

राष्ट्रवादीच्या आमदारांनी परवा रात्री केलेल्या चर्चेनंतर अद्याप कुठलेच उत्तर मिळाले नाही, गेल्या चार दिवसांपासून शिष्टमंडळाची चर्चा नाही. उद्या दुपारी 12 वाजता अंतरवालीत निर्णायक बैठक, आंदोलनाबाबत मोठे निर्णय होण्याची शक्यता आहे. प्रकृती खालावल्याने रात्री उशिरापासुन पुन्हा उपचार सुरू करण्यात आले असुन वैद्यकीय पथकाकडून 24 तास लक्ष ठेवले जात आहे.