Maharashtra News LIVE : आदिवासी विद्यार्थ्यांचे आंदोलन सुरुच, आज उपोषण मागे घेणार

नाशकात आदिवासी विद्यार्थ्यांनी आंदोलन सुरुच ठेवण्याची भूमिका घेतली असून आज उपोषण मागे घेतले आहे. तसेच येत्या सात ते आठ दिवसात मुंबईत उलगुलान करून आदिवासी मंत्र्यांचा राजीनामा घेणारच अशी आंदोलकांनी भूमिका घेतली आहे.

अंबरनाथ नगरपालिकेत भाजपा आणि शिवसेनेतील संघर्ष कायम आहे. पालिकेच्या विशेष सभेत आरोग्य अधिकाऱ्यांवरून शिवसेना आणि भाजपात खडाजंगी झाल्याचा प्रकार घडला आहे. नगराध्यक्षांना टार्गेट कराल तर कल्याण डोंबिवली सारखी परिस्थिती अंबरनाथमध्ये होईल असा इशारा भाजपने दिला आहे.

मुंबईतील आरे मेट्रो स्टेशनखाली एका बसला अचानक आग लागल्याचा व्हिडिओ समोर आला आहे. सध्या या घटनेत कोणीही अडकल्याची बातमी समोर आलेली नाही.

बदलापूर : बदलापूर पालिकेचे नियोजन सभापती संभाजी शिंदे यांना पालिकेबाहेरच धक्काबुक्की करण्यात आली आहे. शिवसेनेच्या भरत नवगिरे यांनी धक्काबुक्की केल्याचा आरोप आहे. धक्काबुक्कीच्या घटनेचा व्हिडीओ व्हायरल झाला आहे.

नाशिक -कळवण आदिवासी विद्यार्थी मृत्यू प्रकरणात आदिवासी विभागाने मोठी कारवाई केली आहे. आदिवासी विभागाने एकूण तीन जणांचे निलंबन केले आहे. अधीक्षिका , शिक्षण विस्तार अधिकारी व मुख्याध्यापक यांचे निलंबन करण्यात आले आहे.

विद्यानंद बापट हल्ला प्रकरण

संतोष चव्हाण याला १ दिवसांची पोलिस कोठडी

संतोष चव्हाण याला अटक केल्यानंतर आज केलं न्यायालयात हजर

शिवीगाळ, दमदाटी आणि मारहाणीचे गुन्हे चव्हाण वर करण्यात आले आहेत दाखल

आज न्यायालयात हजर केल्यानंतर एक दिवसांची पोलिस कोठडी देण्याचा निर्णय

सीजेपीचे कार्यकर्ते विनापरवानगी शाळेत जात असतील तर आम्ही गुन्हे दाखल करणार, असं  मुंबई पोलीस आयुक्त देवेन भारती यांनी इशारा दिला आहे.  शाळा, स्कूल, कॉलेज हे विद्यार्थी आणि शिक्षकांचे आहे. त्यांच्या व्यवस्थापनाकडून परवानगी मिळत नसेल तर अश्या ठिकाणी सीजेपीच्या नावाखाली आंदोलन होऊ नयेत. शाळेने तक्रार दिली तर आम्ही गुन्हे दाखल करणार, असा इशारा पोलीस आयुक्तांनी दिला.

जम्मू आणि काश्मीरमधील सुरक्षा दलांना मोठे यश मिळाले आहे. जवानांनी बडगामच्या जंगलात एका दहशतवाद्याला ठार केले आहे. ही कारवाई लष्कर आणि जम्मू-काश्मीर पोलिसांनी केली. ही कारवाई अजूनही सुरू आहे. सुरक्षा दल या परिसरात लपून बसलेल्या दुसऱ्या संशयित दहशतवाद्याचा शोध घेत आहेत.

डहाणू रेल्वे स्थानकात तरूणीवर अत्याचाराचा प्रयत्न झाल्याची धक्कादायक घटना समोर आली आहे. बोरिवली-डहाणू मेमू ट्रेनमध्ये तरूणीवर अत्याचाराचा प्रयत्न केला. तरूणीवर प्राणघातक हल्ला करून अत्याचारचा प्रयत्न केल्याची घटना आहे.

रिअल इस्टेट कंपनी टाटा रियल्टी अँड इन्फ्रास्ट्रक्चर लिमिटेड (TRIL) ने गौरव जैन यांची नवीन व्यवस्थापकीय संचालक (MD) आणि मुख्य कार्यकारी अधिकारी (CEO) म्हणून नियुक्ती केली आहे. कंपनीने शुक्रवारी ही घोषणा केली. जैन 1 ऑक्टोबरपासून पदभार स्वीकारतील.

शरद पवारांच्या भेटीनंतर विक्रम काकडे यांनी सुनेत्रा पवार यांची भेट घेतली. पवारांसोबत विक्रम काकडेची विलीनीकरणासंदर्भात चर्चा केल्याची सूत्रांची माहिती आहे. विक्रम काकडे यांनी पवारांचा निरोप सुनेत्रा पवारांना कळवलं.

माणूस आणि प्राण्यांमधील नातं किती घट्ट असू शकतं, याची प्रचिती मावळ तालुक्यात आली. पुणे जिल्ह्यातील बैलगाडा शर्यतीचा शहेनशहा आणि लाखो शौकिनांच्या मनावर अधिराज्य गाजवणारा ‘ओम्या’ आता अनंतात विलीन झाला आहे.

नावाचा दुरूपयोग करणारे बरेच असून लवकरच निकाल लागेल, उद्धव ठाकरे म्हणाले. भाजप खालच्या पातळीवर जाऊन डाव टाकून निवडणुका जिंकतेय, अशी घणाघाती टीका केली. महाराष्ट्रातील 2 कोटी मतदार वगळले गेले, असंही त्यांनी सांगितलं. भविष्यात 2 कोटी घुसवले जाणार, हे कुणाला कळणार असंही त्यांनी सांगितलं. बीडमधील 250 बीएलए उद्धव ठाकरेंच्या भेटीला आले होते.

नाशिक – गृहराज्य मंत्री पंकज भोयर यांच्या हस्ते अमली पदार्थ विरोधी टास्क फोर्सची सुरुवात करण्यात आली.  राज्यभरात महामुक्ती संदर्भात कारवाईला वेग देणार .  नाशिकच्या महात्मा गांधी विद्या मंदिर महाविद्यालयात टास्क फोर्सचं उद्घाटन झालं.

सोलापुरातील गणेश मुर्त्यांना परदेशातून मोठी मागणी. युके, थायलंड यासह दक्षिण भारतात गणपतीच्या मूर्तींना मोठी मागणी आहे.  सोलापुरी कलाकारांनी अतिशय सुबक गणेश मूर्ती साकारल्याने त्याला परदेशातून मोठी मागणी येत आहे.  महाराष्ट्रीयन फेटे, धोतर यांचा वापर केल्याने मूर्ती अधिक सुबक दिसत्ये.

आम्ही मूर्तीला जो साज चढवतो तो आकर्षण आणि विशेष असतो. आखीव रेखीवपणा हे आमचे वैशिष्ट्य आहे त्यामुळे मूर्तीला मागणी आहे.  आमच्या मूर्तिसारखा कलर बाहेर कुठेही भेटत नाही ही आमची खासियत आहे, असं सोलापूरमधील मूर्तीकार मधुकर कोक्कुल यांनी सांगितलं.

संजय राऊत यांनी फक्त गट पहावा , आम्ही आमचे काम करत राहणार आहोत, अशा शब्दांत मंत्री गुलाबराव पाटलांनी संजय राऊत यांना टोला लगावला.

संजय राऊत काय बोलत आहेत, हे त्यांचं त्यांनाही कळत नाहीये.  कोणी कुठे जावं हे बोलण्याची संजय राऊत यांना काय गरज आहे. ज्यांना जायचं आहे तो जाईल, त्यांना बोलावलं असेल ते जातील, असंही पाटील यांनी सुनावलं.

जळगावच्या धरणगाव तालुक्यात दुष्काळ जाहीर करण्याच्या मागणीसाठी शिवसेना ठाकरे गटाने निदर्शनं केली.  दुष्काळ जाहीर करा तसेच पिकांसाठी गिरणा धरणातून पाण्याचे एक आवर्तन तात्काळ सोडा, अशी शिवसेना ठाकरे गटाची मागणी आहे.  धरणगाव शहरात शिवसेना ठाकरे गटाने जोरदार घोषणाबाजी करत आंदोलन केलं तसंच तहसीलदारांना मागण्यांचे निवेदन दिलं.  पिकांची अवस्था गंभीर झाल्याने शेतकरी आर्थिक संकटात असून संपूर्ण धरणगाव तालुक्यात दुष्काळ जाहीर करण्याची मागणी आहे.

यंदाही छत्रपती संभाजीनगरमध्ये डीजे मुक्त गणेशोत्सव साजरा होणार आहे.  बेकायदेशीर डीजे वाजवल्यास ध्वनी प्रदूषण नियमांनुसार कारवाई करण्याचा इशारा पोलिसांनी दिला आहे.  उच्च न्यायालयाचे निर्देश आणि पोलीस महासंचालक कार्यालयाच्या आदेशानुसार कडक अंमलबजावणी करू.  सर्वांनी सण उत्सव शांततेत साजरा करावा, असं आवाहन पोलीस उपायुक्त शशिकांत सातव यांनी केलं.

61 टक्के गुंतवणूक एकट्या मुंबईत आली. नागपुरातही बजाज फिन्सर्व सुरू होईल अशी अपेक्षा आहे. काही प्रोजेक्ट्सची तयारी सुरू केली आहे, अशी माहिती मुख्यमंत्री देवेंद्र फडणवीस यांनी दिली.

डोंबिवली स्कायवॉकवर फेरीवाल्यांची मुजोरी वाढली असून प्रवाशांशी हुज्जत घातल्याची घटना घडली आहे. हा व्हिडिओ सोशल मीडियावर व्हायरल होत आहे. “व्यवसाय लावणारच, व्हिडिओ काढायचा तर काढा” म्हणत फेरीवाल्याने प्रवाशासोबत हुज्जत घातली. प्रवाशांसाठी बनवलेल्या स्कायवॉकवर फेरीवाल्यांनी अतिक्रमण केलं. गर्दीमुळे प्रवाशांना चालणंही मुश्किल झालं आहे.

मराठा आंदोलक मनोज जरांगे पाटील यांनी मराठवाड्यातील नागरिकांना कुणबी प्रमाणपत्र मिळण्यात येणाऱ्या अडचणी दूर करण्याची मागणी केली होती यावर नोडल अधिकारी नेमण्यात येतील असे रात्री सरकारच्या शिष्टमंडळाने सांगितले होते. यावर तात्काळ कार्यवाही करत मंत्री विखे पाटील यांनी आदेश दिल्यानंतर विभागीय आयुक्तांनी मराठवाड्यातील सर्व जिल्हाधिकाऱ्यांना जिल्हास्तरावर नोडल अधिकारी नियुक्त करण्याचे आदेश दिले आहेत. या नियुक्तीमुळे कुणबी, मराठा-कुणबी आणि कुणबी-मराठा नागरिकांच्या जात प्रमाणपत्र प्रक्रियेतील अडचणी दूर होऊन प्रमाणपत्र मिळण्यास मोठी गती मिळणार आहे.

गणेशोत्सवातील डीजे, ढोल-ताशे आणि वाढत्या ध्वनी प्रदूषणावरून पुण्यातील वादाला नवे वळण मिळाले आहे. डीजेविरोधात भूमिका मांडणारे विद्यानंद बापट यांच्यावर झालेल्या हल्ल्यानंतर या प्रकरणाची चर्चा अधिक तीव्र झाली. आता अभिनेत्री आरती सोलंकी यांनी सोशल मीडिया पोस्टद्वारे बापट यांच्या भूमिकेला पाठिंबा देत हल्ल्याचा निषेध केला आहे. बापट हे गणपती किंवा गणेशोत्सवाच्या विरोधात नसून त्यांचा मुद्दा डीजे आणि ध्वनी प्रदूषणाचा असल्याचे सोलंकी यांनी स्पष्ट केले.

बीडमधील पक्षाचे 250 बीएलए उद्धव ठाकरेंच्या भेटीला पोहोचले आहेत. उद्धव ठाकरे यांच्या हस्ते त्यांना प्रमाणपत्रांचं वाटप करण्यात आलं.

नागपूर शहरातील गणेशोत्सव आणि सण-उत्सवांच्या पार्श्वभूमीवर डीजे, लेझर लाईट्स आणि ध्वनिप्रदूषणाच्या नियमांबाबत पोलिस आयुक्त विश्वास नांगरे पाटील यांनी महत्त्वाची भूमिका स्पष्ट केली. पारंपरिक संगीत, ढोल-ताशा आणि उत्सवाच्या आनंदाला पोलिसांचा विरोध नसून, ध्वनी मर्यादेचे उल्लंघन, अतिप्रखर लेझर बीम्स आणि नागरिकांच्या आरोग्यास धोका निर्माण करणाऱ्या प्रकारांवर कठोर कारवाई केली जाईल, असे त्यांनी सांगितले.

वैजापूर तालुक्यातील बोर दहेगाव शेड फाटा येथे मराठा आरक्षणाच्या मागणीसाठी सकल मराठा समाजाच्या वतीने दोन तास ‘रास्ता रोको’ आंदोलन करण्यात आले. मनोज जरांगे पाटील यांच्या उपोषणाला पाठिंबा देण्यासाठी आयोजित या आंदोलनामुळे नागपूर-मुंबई राष्ट्रीय महामार्गावरील वाहतूक काही काळ ठप्प झाली. महामार्गाच्या दोन्ही बाजूंना वाहनांच्या लांबच लांब रांगा लागल्या होत्या.

दत्तगुरु कृपा सहकारी गृहनिर्माण संस्था मर्यादितच्या आवारातील कार्यालयाशेजारी असलेल्या शनिमंदिरातील दानपेटीतून रोकड चोरीला गेल्याची घटना नेरुळमध्ये घडली असून हा सगळा प्रकार सीसीटीव्हीत कैद झाल्या. सोसायटीने नेमलेले पुजारी बालाप्रसाद त्रिपाठी हे नाश्ता करण्यासाठी गेले असताना चोरीची घटना घडल्याचे समोर आले आहे. नाश्ता करून परतल्यानंतर त्यांच्या निदर्शनास दानपेटीतून पैसे चोरीला गेल्याचे आले. त्यानंतर पुजारी यांनी सोसायटीच्या पदाधिकाऱ्यांना याबाबत माहिती दिली. घटनेची माहिती मिळताच सोसायटीचे सचिवांनी नेरुळ पोलीस ठाण्यात तक्रार दाखल केली आहे. दरम्यान, दानपेटीतून पैसे चोरी करतानाचा संपूर्ण प्रकार सीसीटीव्ही कॅमेऱ्यात कैद झाला असून, या फुटेजच्या आधारे नेरुळ पोलीस आरोपीचा शोध घेत आहेत.

पेपर फुटी विरोधात अमरावतीत विद्यार्थ्यांचा एल्गार; हजारो विद्यार्थ्यांनी काढला जिल्हाधिकारी कार्यालयावर धडक मोर्चा काढला,  वारंवार पेपर फुटत असल्याने विद्यार्थी आक्रमक झाले  आहेत.  एम पी एस सी विरोधात विद्यार्थी रस्त्यावर उतरले आहेत. परीक्षा पारदर्शक पद्धतीने घेण्याची विद्यार्थ्यांची मागणी आहे. जिल्ह्याभरात स्पर्धा परीक्षांची तयारी करणारे विद्यार्थी मोठ्या संख्येने मोर्चात सहभागी झाले आहेत.

दादांच्या अपघाताहबाबत सुप्रिया सुळे योग्यच बोलल्या… दादांना न्याय देण्यासाठी आमचा प्रमाणिक प्रयत्न सुरु आहे. मला योग्य वाटतं ते करतो, इतरांचं ऐकत नाही…. स्वाभिमान टिकवण्यासाठी संघर्ष करावा लागतो… असं वक्तव्य रोहित पवार यांनी केलं आहे.

छत्रपती संभाजीनगर : आगामी गणेशोत्सवात DJ वापरण्यावर पोलिसांचा निर्बंध लादण्यात आलेत.  आगामी गणेशोत्सवाच्या पार्श्वभूमीवर छत्रपती संभाजीनगर पोलिसांचा महत्त्वाचा निर्णय घेण्यात आला.  गणेशोत्सवात DJ वापरण्यावर निर्बंध घालण्याची पोलिसांची भूमिका बजावली.  6 सप्टेंबर रोजी गणेशोत्सवाच्या शांतता समितीची बैठक झाली. बैठकीत गणेश मंडळांना DJ संदर्भातील निर्बंधांबाबत पोलिसांकडून सूचना देण्यात येणार.  उत्सव शांततेत आणि नियमांचे पालन करून साजरा करण्याचे पोलिसांनी आवाहन केले आहे.

पिंपरी-चिंचवडच्या काळेवाडी परिसरातून धक्कादायक घटना समोर आली आहे. एका लहान मुलावर भटक्या कुत्र्यांनी हल्ला केल्याची घटना घडली. कुत्र्यांनी मुलाला घेरल्याचं लक्षात येताच सतर्क नागरिकांनी धाव घेत मुलाची सुटका केली. नागरिकांच्या प्रसंगावधानामुळे मोठा अनर्थ टळला. या घटनेनंतर परिसरातील भटक्या कुत्र्यांचा प्रश्न पुन्हा ऐरणीवर आला असून, महापालिकेने तातडीने उपाययोजना करण्याची मागणी नागरिकांकडून केली जात आहे. काळेवाडी परिसरात लहान मुलावर भटक्या कुत्र्यांनी हल्ला केल्याची घटना समोर आली आहे. कुत्र्यांनी मुलाला घेरल्याने परिसरात काही काळ भीतीचं वातावरण निर्माण झालं होतं. मात्र, नागरिकांनी प्रसंगावधान राखत तातडीने धाव घेत कुत्र्यांना हुसकावून लावत मुलाची सुटका केली. त्यामुळे मोठा अनर्थ टळला आहे.

कोथिंबीरीला बाजारात भाव नसल्याने बीड तालुक्यातील नेकनूर येथील शेतकरी संतोष शिंदे यांनी एक एकर कोथिंबीरीवर रोटावेटर फिरवला आहे. बाजारात कोथिंबिरीला कवडीमोल भाव मिळत असल्याने आणि बाजारपेठेत नेण्यासाठी लागणारे भाडेही निघत नसल्याने एक एकर कोथिंबिरीवर रोटावेटर फिरवला आहे.

सोलापुरातील करमाळयात सकल मराठा समाजाच्या वतीने मनोज जरांगे पाटील यांच्या समर्थनार्थ रस्ता रोको आंदोलन सुरू झालं आहे. अहिल्यानगर ते टेंभुर्णी राज्य महामार्गावर रस्ता रोको आंदोलन सुरू आहे.  रस्तारोकोवेळी आंदोलकांनी घोषणाबाजी केली. आंदोलनावेळी पोलीस प्रशासनाचा मोठा बंदोबस्त पाहायला मिळत आहे.

पेपर फुटी विरोधात अमरावतीत विद्यार्थ्यांचा एल्गार पाहायला मिळाला. हजारो विद्यार्थी जिल्हाधिकारी कार्यालयावर धडकले.वारंवार पेपर फुटत असल्याने विद्यार्थी आक्रमक झाले आहेत. एमपीएससी विरोधात विद्यार्थी रस्त्यावर उतरले आहेत. परीक्षा पारदर्शक पद्धतीने घेण्याची विद्यार्थ्यांची मागणी आहे.  जिल्ह्याभरातील स्पर्धा परीक्षांची तयारी करणारे विद्यार्थी मोठ्या संख्येने मोर्चात सहभागी झाले.

मनोज जरांगे यांच्या उपोषणस्थळ आणि परिसरात श्वान पथककडून पाहणी करण्यात आली. काही अनुचित घटना घडू नये याची खबरदारी म्हणून श्वान पथकाकडून पाहणी करण्यात आली. तर काही संशयस्पद वस्तू आहे का? याची तपासणी करण्यात आली. मनोज जरांगे यांच्या आंदोलनाच्या पार्श्वभूमीवर पोलिसांकडून खबरदारी घेण्यात येत आहे.

‘मी मांडत असलेले मुद्दे महत्वाचे आहेत. मी कोण यापेक्षा मांडत असलेले मुद्दे महत्वाचे आहेत. सार्वजनिक ठिकाणी उत्सवामुळे नागरिकांना त्रास होतो, असे विद्यानंद बापट म्हणाले.

ठाण्यामध्ये विविध ठिकाणी दहीहंडी उत्सव साजरा होणार आहे.. ठाण्यातील वर्तक नगर या भागात संस्कृती युवा प्रतिष्ठानच्या वतीने संस्कृतीची दहीहंडी म्हणून आयोजक परिवहन मंत्री प्रताप सरनाईक आणि युवासेना कार्याध्यक्ष पूर्वश सरनाईक यांच्या वतीने मोठ्या प्रमाणात जय्यत तयारी गोविंदा पथकांसाठी करण्यात आलेली आहे…. मागील वर्षी आर्यन क्रीडा मंडळाच्या वतीने दहा थर रचून विश्वविक्रम मोडला होता यंदा देखील संस्कृतीची विश्वविक्रमी दहीहंडी या ठिकाणी पाहायला मिळणार का याकडे सर्वांचे लक्ष लागले आहे… विश्वविक्रम मोडणाऱ्या गोविंदा पथकाला 25 लाख बक्षीस आणि पारितोषिक देण्यात येणार आहे…

जालना जिल्ह्यात गेल्या महिनाभरापासून पावसाने दडी मारल्याने खरीप हंगामातील पिकं संकटात सापडली आहेत.कपाशी,मका यासह इतर पिकावर पावसाअभावी मोठं संकट ओढावलं आहे.अंबड तालुक्यातील डोमेगावमध्ये तर परिस्थिती इतकी गंभीर झाली आहे की,तळहाताच्या फोडाप्रमाणे जपलेली कपाशी वाचवण्यासाठी बाबासाहेब शेळके या शेतकऱ्याला टँकरने पाणी द्यावं लागत आहे.पावसाच्या प्रतीक्षेत पिकांची अवस्था दिवसेंदिवस बिकट होत असून,कपाशी मकासह सोयाबीन आणि इतर खरीप पिकंही धोक्यात आली आहेत. पिकं डोळ्यादेखत करपण्याच्या मार्गावर असल्याने शेतकऱ्यांच्या चिंतेत मोठी वाढ झाली आहे.एकीकडे आभाळाकडे लागलेले शेतकऱ्यांचे डोळे तर दुसरीकडे मात्र टँकरच्या पाण्याने पीक वाचवण्याची धडपड सध्या जालना जिल्ह्यात सुरु असल्याच पाहायला मिळत आहे.

पंतप्रधान नरेंद्र मोदी नेहमी खोटं बोलतायेत,  मोदींना आणि आभासी भक्तांनाच फक्त आनंद होतोय, असा आरोप संजय राऊत यांनी केला आहे.

GDP वाढला म्हणजे काय झालं? मोदींना सांगता येईल का?  शेतकऱ्यांच्या आत्महत्या थांबल्या पाहिजे इतकंच आम्हाला कळतं, असा आरोप संजय राऊत यांनी केला आहे.

कृष्ण जन्माष्टमीनिमित्त इस्कॉन मंदिराची आकर्षक फुलांनी सजावट करण्यात आली असून कृष्णाला प्रिय असलेल्या तुळशीसह सूर्यफूल, गुलाब आणि तब्बल 15 ते 20 प्रकारच्या फुलांनी मंदिराचा परिसर सजला आहे… जगभरातील 192 देशांमध्ये एकाच वेळी कृष्ण जन्माष्टमी साजरी होत असल्याने इस्कॉनच्या या उत्सवाची गिनीज बुक ऑफ वर्ल्ड रेकॉर्डमध्ये तिसऱ्यांदा नोंद होणार आहे… तर आज मध्यरात्री बारा वाजता श्रीकृष्ण जन्मोत्सवाचा सोहळा मोठ्या भक्तिभावात साजरा केला जाणार असून, जवळपास 10 हजार भाविकांना महाप्रसादाचे वाटप करण्यात येणार आहे.

मनोज जरांगे पाटलांच्या उपोषनाच्या समर्थनात रस्तारोको. मुदखेड शहरात सकल मराठा समाजाच्या रस्तारोकोला सुरुवात. छत्रपती शिवाजी महाराज चौकात सकल मराठा समजाकडून रास्तारोको. मुदखेड नांदेड, मुदखेड नरसी नायगाव मार्ग अडवला. जरांगे पाटलांच्या मागण्या मान्य करण्याच्या मागणीसाठी रस्तारोको. आज नांदेड जिल्हा बंदची हाक

आमदार रोहित पवार यांनी सीईटी सेलला दिली भेट. पेपर लीक प्रकरणात रोहित पवार पुन्हा CET सेलच्या कार्यलयात दाखल

मनोज जरांगे पाटील यांची तपासणी करण्यासाठी डॉक्टरांच पथक दाखल..डॉक्टरांच्या पथकाकडून जरांगे पाटलांची तपासणी सुरु. सध्या मनोज जरांगे पाटलांची प्रकृती स्थिर असून त्यांना रक्तदाब नॉर्मल आहे

मनोज जरांगे पाटील यांची तपासणी करण्यासाठी डॉक्टरांच पथक दाखल. डॉक्टरांच्या पथकाकडून जरांगे पाटलांची तपासणी सुरु झाली आहे.

समृद्धी महामार्गावर भरविर ते इगतपुरी दरम्यान आज घेण्यात येणारा ब्लॉक रद्द. आज पासून तीन दिवस ITMS अंतर्गत CCTV साठी GANTRY(पोल) बसविण्याच्या कामासाठी ठेवण्यात येणार होता बंद. मुंबईकडे जाणारी वाहतूक दुपारी 12 ते 1 तर नागपूरच्या दिशेने जाणारी वाहतूक 3 ते 4 वाजेपर्यंत ठेवण्यात येणार होती बंद. मात्र उद्या पासून ब्लॉक घेणार की नाही याची माहिती उद्या प्रशासन देणार

सोलापुरात माजी नगरसेवकावर धारदार शास्त्राने हल्ला झाल्याची घटना समोर आलीय. काँग्रेसचे माजी नगरसेवक लालचंद वाधवानी यांच्यावर भरदिवसा धारदार शस्त्राने हल्ला करण्यात आलाय. प्रकाश किसनदास आडवाणी असे हल्ला करणाऱ्या आरोपीचे नाव आहे. आरोपी प्रकाश आडवाणी याने हातात कोयता घेत सर्वांसमोर वाधवाणी यांच्यावर वार केले. गुरुनानक चौकातील सिंधी कॉलनीतील गुरुनानक मंगल कार्यालयाबाहेर ही घटना घडलीय. आरोपी प्रकाश आडवाणी याने वैयक्तिक वादातून हल्ला केल्याचे तक्रारीत नमूद करण्यात आलेय. विशेष म्हणजे आरोपीने हल्ला केलेले शस्त्र घेऊन सर्वांसमक्ष आपल्या दुचाकी वरून निघून गेला. ही संपूर्ण घटना सीसीटीव्ही मध्ये कैद झालीय. या घटनेनंतर जखमी वाधवानी यांच्यावर आसरा चौक परिसरातील खाजगी रुग्णालयात उपचार सुरू. दरम्यान आरोपीवर सदर बझार पोलीस स्टेशनमध्ये आरोपीवर बीएनएस कलम 109(1), 351(3), शस्त्र अधिनियम 4, 25 कलमानुसार गुन्हा दाखल करण्यात आलाय.

दही हंडी निमित्त शासकिय सुट्टी जाहीर करा अशी प्रताप सरनाईक यांची सरकारकडे मागणी. हिंदूंचा मोठा सण असल्याने या दिवशी सउटएटई जाहीर करण्याची मागणी. मुख्यमंत्री देवेंद्र फडणवीस आणि एकनाथ शिंदे यांच्याशी फोनवरून केली बातचीत. सुट्टी संदर्भातील पत्र प्रताप सरनाईक सरकारला देणार

इगतपुरी तालुक्यातील गोंदे शिवारात बिबट्याचा मुक्त संचार. सॅमसो नाईट कंपनी परिसरात शुक्रवार 28 ऑगस्ट ला पहाटे बिबट्या आढळून आला. मात्र पिंजरा लावला असता तरी बिबट्या पिंजऱ्यात अडकलेला नाही. आज पुन्हा सकाळी 6 वा आसपास पुन्हा बिबट्याचे कामगारांना दर्शन. कामगार वर्गात भीतीचे वातावरण. बिबट्याचा वावर सीसीटीव्ही कॅमेरात कैद

गोविंदाची पंढरी म्हणून ठाण्याची ओळख आहे . ठाणे शहरात दिवंगत नेते आनंद दिघे यांनी सुरू केलेल्या टेंभी नाका येथील दहीहंडी नंतर अनेक राजकीय मंडळी यांनी दहीहंडी उत्सव मोठ्या उत्साहात साजरा करताना आपल्याला पाहायला मिळत आहे …शिवसेना पक्षाकडून टेंभी नाका या ठिकाणी दहीहंडी उत्सव साजरा होत आहे… शिवसेनेचे आमदार आणि परिवहन मंत्री प्रताप सरनाईक यांची वर्तक नगर भागात संस्कृती युवा प्रतिष्ठान दहीहंडी, शिवसेना आमदार रवींद्र फाटक संकल्प प्रतिष्ठान दही हंडी,मनसे नेते अविनाश जाधव ,भाजप कडून कृष्णा पाटील यांची शारदा प्रतिष्ठान दही हंडी, शिवसेना ठाकरे गटाचे माजी खासदार राजन विचारे यांनी सुरू केलेली आनंद चॅरिटेबल ट्रस्ट दहीहंडी अशा विविध राजकीय पक्षांच्या दहीहंडीमध्ये लाखो रुपये बक्षीस आहे. सलामी देणाऱ्या गोविंदा पथकांना देण्यात येणार आहे ..यंदा दहा थरांचा रेकॉर्ड ब्रेक कोण करणार याकडे सर्वांचे लक्ष लागले आहे. ठाण्यात देखील आयोजकांकडून कोट्यवधी रुपयांचा खर्च आणि बक्षिसांची लय लुट पाहायला मिळणार आहे… त्यासोबतच अनेक सिने कलाकारांची देखील हजेरी अनेक राजकीय मंडळांमध्ये पाहायला मिळणार आहे…

पूर्वीच्या पाथ कंपनीकडील स्थानिक वाहनधारकांचा डाटा गायब झाल्याचा आरोप…नव्या रिद्धी-सिद्धी कंपनीकडून पुन्हा कागदपत्रे मागवली… स्थानिक वाहनधारकांना १७० रुपये टोल भरण्याची वेळ… शिवसेना (ठाकरे) पक्ष आक्रमक; तीव्र आंदोलनाचा इशारा…पूर्वीप्रमाणे स्थानिक सवलत देण्याचे टोल प्रशासनाचे आश्वासन… पाथ कंपनीवर कठोर कारवाईची शिवसेनेचे विलास भवर यांची मागणी… कारवाई न झाल्यास ‘शिवसेना स्टाईल’ने टोलमुक्त आंदोलनाचा इशारा…

भुसावळ नगरपालिकेचे नगराध्यक्ष पद वाचवण्यासाठी गायत्री भंगाळे यांचा शिवसेनेत प्रवेश असल्याची राजकीय वर्तुळा चर्चा. राष्ट्रवादी शरद पवार गटाचे माजी नगराध्यक्ष अनिल चौधरी व माजी नगराध्यक्षा गायत्री भंगाळे यांचा शिवसेना शिंदे गटात प्रवेश. उपमुख्यमंत्री एकनाथ शिंदे यांच्या उपस्थितीत मुंबई करण्यात आला पक्षप्रवेश

नाशिक जिल्ह्यातील त्र्यंबकेश्वर तालुक्यातील बोरीपाडा शासकीय आश्रमशाळेतील आठवीच्या विद्यार्थिनीची आत्महत्या
काल संध्याकाळी शाळेतून घरी आल्यावर केली आत्महत्या. आत्महत्येचे कारण अद्याप अस्पष्ट. घटनेने परिसरात हळहळ व्यक्त. त्र्यंबकेश्वर पोलीस घटनाप्रकरणी अधिक तपास करत आहेत

वडगाव मावळ येथे पोलीस भरतीचे प्रशिक्षण घेण्यासाठी आलेल्या १९ वर्षीय तरुणीवर अत्याचार केल्याप्रकरणी प्रशिक्षण संस्थेचा चालक व प्रशिक्षक राजू माडगी याला पोलिसांनी अटक केली आहे. मावळ न्यायालयाने आरोपीची न्यायालयीन कोठडीत रवानगी केली. पीडितेच्या फिर्यादीवरून वडगाव मावळ पोलीस ठाण्यात गुन्हा दाखल करण्यात आला असून, आरोपीवर अत्याचारासह ॲट्रॉसिटी कायद्यान्वयेही कलम वाढवण्यात आले आहे. पुढील तपास लोणावळा विभागाचे उपविभागीय पोलीस अधिकारी गजानन टोम्पे करीत आहेत…

वाकड पोलिसांच्या तपास पथकाने स्टार बाजारमधून महागड्या वस्तू चोरी करणाऱ्या चार महिला आणि तीन पुरुष अशा सात जणांच्या टोळीला अटक केली आहे.ह्या टोळीमधील चोर चोरी करत असताना सीसीटीव्ही कॅमरात कैद झाले आहेत, आरोपींकडून इनोव्हा कारसह सुमारे ६ लाख २९ हजार ९६० रुपयांचा मुद्देमाल हस्तगत करण्यात आला आहे.आरोपींनी वाकडसह पिंपरी आणि चिखली परिसरातील स्टार बाजारमधून तूप, बदाम, काजू आणि इतर महागड्या खाद्यपदार्थांची चोरी केल्याची कबुली दिली आहे.

जैन धर्मियांच्या पर्युषण पर्वाच्या पार्श्वभूमीवर मांसविक्रीची दुकाने आठ दिवस बंद ठेवण्याची मागणी करण्यात आली आहे. मिरा-भाईंदरमध्ये भाजप नगरसेवकाची प्रशासनाकडे मागणी केली आहे. भाजप नगरसेवक भरत कोठारी यांनी आयुक्तांकडे आणि महापौरांकडे मागणी केली. जैन समाजाच्या धार्मिक भावना, अहिंसेचा संदेश आणि जीवदयेची भावना लक्षात घेऊन निर्णय घेण्याची मागणी केली आहे. सरकारी आदेशानुसार पर्युषण काळात केवळ दोन दिवस मांसविक्री बंद ठेवण्याची तरतूद आहे. मात्र भाजपकडून 8 ते 16 सप्टेंबर आठ दिवस मांसविक्री बंद ठेवण्याचा आग्रह करण्यात आला आहे. यामुळे मिरा-भाईंदरमध्ये पुन्हा एकदा वाद निर्माण होण्याची शक्यता आहे.

मनोज जरांगे पाटील यांच्या समर्थनार्थ सकल मराठा समाजाकडून बंदची हाक देण्यात आली आहे. दुपारी 01 वाजता नांदेड /जिंतूर महामार्गावर वसमत तालुक्यातील कौठा टी पॉइंटवर रास्ता रोको तर तिकडे हट्टा शिवारात ही रास्ता रोको चे आव्हान करण्यात आले आहे.

मनोज जरांगे पाटील यांच्या आमरण उपोषणाच्या समर्थनार्थ मराठा समाजाने सोलापूर ग्रामीण जिल्हा बंदची हाक दिली.
सकल मराठा समाजाच्या वतीने आज सोलापूर जिल्हा बंदची घोषणा करण्यात आली. आज सोलापूर शहर वगळता ग्रामीण भागात बंद पाळण्यात येणार आहे. जिल्ह्यातील प्रत्येक गावातील नागरिकांनी जिल्हा बंदमध्ये सहभागी होण्याचे सकल मराठा समाजाचे आवाहन आहे.

राज्य सरकार समोर ठेवलेल्या मागण्यांचा शासन निर्णय आणि प्रत्यक्ष अंमलबजावणी नसल्याने जरांगे अजूनही उपोषणावर ठाम आहेत. त्यामुळे काल अंतरवाली सराटीतली सरकारच्या शिष्ट मंडळाची भेट आणि चर्चा निष्फळ ठरली का? असा सवाल उपस्थित होत आहे. दरम्यान सरकारकडून जरांगे पाटलांना शासन निर्णय आणि अंमलबजावणी देण्यात येते का याकडे सगळ्यांचे लक्ष लागले आहे.

काँग्रेसच्या ज्येष्ठ नेत्या आणि धुळ्याच्या खासदार डॉ. शोभा बच्छाव यांचा मोबाईल हॅक झाल्याचे समोर आले आहे. मोबाईल हॅक झाल्यानंतर संबंधित व्यक्तींकडून ६२ हजार रुपयांची मागणी केली. मोबाईल हॅक झाल्याचा प्रकार खासदार बच्छाव यांच्या लक्षात आल्यानंतर त्यांनी सायबर पोलिसांत तक्रार केली. बच्छाव यांच्या नावाने अनेकांना व्हॉट्सॲपवरून ६२ हजार रुपये पाठविण्याची मागणी केली. “माझ्या खात्यात ६२ हजार रुपये जमा करा, मी दोन तासांत परत करेन” असे मेसेज अनेकांना पाठवले.

सोलापूर शहरातील गणेशोत्सव मिरवणुकीत डीजे आणि लेझर लाईटवर बंदी घालण्यात आली आहे. सोलापूर शहराचे पोलीस आयुक्त एम. राजकुमार यांनी याबाबतची माहिती दिली. तसेच 13 ते 26 सप्टेंबर दरम्यान जिल्ह्यात डीजे प्रतिबंध लागू झाल्याचे जिल्हाधिकारी एस.कार्तिकेयन यांनी हे आदेश दिले. तर नियम तोडून डीजे वाजवल्यास थेट डीजे मालकांवर कारवाई करण्याचा पोलीस आयुक्त एम. राजकुमार यांनी इशारा दिला.

नाशिकमधून जायकवाडीकडे आतापर्यंत ५७ टीएमसी पाण्याचा विसर्ग करण्यात आला. नाशिक जिल्ह्यातील धरणांच्या पाणलोट क्षेत्रात झालेल्या पावसामुळे जायकवाडीकडे मोठ्या प्रमाणात पाण्याचा विसर्ग करण्यात आला. १ जून २०२६ पासून आतापर्यंत नांदूरमध्यमेश्वर बंधाऱ्यातून ६ लाख ५८ हजार ३६१ क्युसेक्स पाणी वाहून गेले. म्हणजेच आतापर्यंत ५६.९० टीएमसी पाणी नाशिक मधून जायकवाडी धरणाकडे विसर्ग झाला आहे. धरणांमध्ये आवक वाढल्यानंतर अतिरिक्त पाणी नदीपात्रात सोडण्यात आले. नांदूरमध्यमेश्वर बंधाऱ्यातून हे पाणी पुढे गोदावरी नदीमार्गे जायकवाडीच्या दिशेने गेले. जायकवाडी धरणाच्या पाणीसाठ्याच्या दृष्टीने नाशिक जिल्ह्यातून होणारा हा पाण्याचा प्रवाह महत्त्वाचा मानला जातो. आगामी काळातील पाऊस, धरणांमधील आवक आणि पाणीसाठ्यानुसार विसर्गात बदल होण्याची शक्यता आहे.