Maharashtra News LIVE : मुख्यमंत्री देवेंद्र फडणवीसांच्या नावावर नवा विक्रम, शरद पवार यांनीही टाकलं मागे

महाराष्ट्राच्या राजकारणात मुख्यमंत्री देवेंद्र फडणवीसांच्या नावावर नवा विक्रम नोंदवण्यात आला आहे. मुख्यमंत्री पदाच्या कार्यकाळाबाबत देवेंद्र फडणवीस यांनी शरद पवारांना देखील मागे टाकले आहे. महाराष्ट्राच्या इतिहासातील सर्वाधिक काळ मुख्यमंत्री राहिलेल्या नेत्यांमध्ये फडणवीस आता तिसऱ्या क्रमांकावर आहे. गोंदिया जिल्ह्यात काँग्रेसला मोठा राजकीय धक्का बसण्याची शक्यता व्यक्त केली जात आहे. सूत्रांकडून मिळालेल्या माहितीनुसार, काँग्रेसचे जिल्हा परिषद सदस्य, जिल्हा परिषद गटनेते आणि काँग्रेस देवरी तालुकाध्यक्ष संदीप भाटिया यांच्यासह तीन नगरसेवक लवकरच भारतीय जनता पक्षात प्रवेश करण्याची शक्यता आहे. सोलापूर-धुळे महामार्गावर भीषण अपघात झाल्याची माहिती समोर येत आहे. कंटेनर 20 फूट खोल खड्यात कोसळला असून दोघांचा मृत्यू झाला आहे. धाराशिव जिल्ह्याच्या वाशी तालुक्यातील पारगाव येथे जुन्या टोलनाक्यासमोर सोलापूर-धुळे राष्ट्रीय महामार्गावर सरकीने भरलेला कंटेनर पलटी होऊन आपघात झाला आहे. तर पावसाबद्दल देखील मोठी अपडेट समोर येत आहे. पुणे येथे जुलै च्या पहिल्या आठवड्यात मुसळधार पावसाने हजेरी लावली होती मात्र गेल्या चार दिवसांपासून पावसाने विश्रांती घेतली आहे तर आणखी पुढील तीन ते चार दिवसात पावसाची शक्यता नसल्याचा अंदाज भारतीय हवामानशास्त्र विभागाने वर्तवला आहे. यासह राज्यातील इतर महत्त्वाच्या घडामोडी आणि अपडेट जाणून घ्या.