Maharashtra News LIVE : राज्यात पावसाचा मोठा इशारा, मुसळधार राऊस कोसळणार..
Maharashtra News LIVE : निवडणूक आयोगाविरोधात विरोधकांकडून देशभरात आंदोलनाचं रणशिंग फुंकण्यात आलं आहे. मुख्य निवडणूक आयुक्त ज्ञानेश कुमार यांच्या राजीनाम्याची मागणी केली जात आहे. त्यातच राज्यात दुष्काळाची स्थिती आहे.
LIVE NEWS & UPDATES
-
अमेरिकेत बनावट ‘ओझेंपिक’ औषधांची विक्री; दोन भारतीय नागरिकांविरोधात गुन्हा
अमेरिकेत बनावट ‘ओझेंपिक’ औषधांची विक्री आणि तस्करी केल्याच्या आरोपावरून दोन भारतीय नागरिकांविरोधात फ्लोरिडातील फेडरल न्यायालयात गुन्हा दाखल करण्यात आला आहे. स्वप्नदीप रॉय आणि विकी रामंचा या दोघांवर अमेरिकेतील वितरकांना अत्यंत कमी किमतीत बनावट ‘ओझेंपिक’ औषधे विकल्याचा आरोप आहे. याप्रकरणी स्वप्नदीप रॉयला इटलीतून अमेरिकेत प्रत्यार्पित करण्यात आले असून, मंगळवारी त्याला फ्लोरिडातील टँपा न्यायालयात हजर करण्यात आले.
-
कल्याण पश्चिम स्टेशन परिसरातून दिवसाढवळ्या रिक्षा चोरी; घटना CCTV मध्ये कैद
कल्याण पश्चिम रेल्वे स्टेशन परिसरात भरदुपारी रिक्षा चोरीची घटना समोर आली आहे. महालक्ष्मी हॉटेलजवळ रस्त्याच्या कडेला उभी केलेली रिक्षा चोरट्याने लॉक आणि वायर तोडून पळवून नेली. ही संपूर्ण घटना सीसीटीव्ही कॅमेऱ्यात कैद झाली असून महात्मा फुले पोलिसांत गुन्हा दाखल करण्यात आला आहे. गर्दीच्या ठिकाणी दिवसाढवळ्या रिक्षा चोरी झाल्याने रिक्षाचालकांमध्ये भीतीचे वातावरण आहे.
-
-
मुंबईत हायड्रो गांजाची तस्करी करणाऱ्या एका आरोपीवर अंमली पदार्थ विरोधी कक्षाने कारवाई केली
मुंबईत हायड्रो गांजाची तस्करी करणाऱ्या एका आरोपीवर अंमली पदार्थ विरोधी कक्षाने कारवाई केली आहे. खार पश्चिम येथील 13 क्रॉस, 19 रोड परिसरात गस्तीदरम्यान पोलिसांना एक व्यक्ती संशयास्पद हालचाली करताना आढळून आली. पोलिसांनी त्याची झडती घेतली असता त्याच्याकडे तब्बल 3 किलो 60 ग्रॅम वजनाचा हायड्रो गांजा आढळून आला. जप्त करण्यात आलेल्या या अंमली पदार्थाची अंदाजे किंमत 9 कोटी 9 लाख 90 हजार रुपये असल्याची माहिती आहे. या प्रकरणी आरोपीला अटक करण्यात आली असून त्याच्याविरोधात NDPS कायद्यानुसार गुन्हा दाखल करण्यात आला आहे. मुंबई पोलिसांच्या अंमली पदार्थ विरोधी कक्षाच्या आझाद मैदान युनिटने ही कारवाई केली.
-
मुंबईत सध्या सुरू असलेली 10 टक्के पाणीकपात मागे घेण्याची मागणी
मुंबईला पाणीपुरवठा करणारी धरणं 97 टक्के भरल्यामुळे मुंबईत सध्या सुरू असलेली 10 टक्के पाणीकपात मागे घेण्याची मागणी जोर धरू लागली आहे. मात्र सध्या धरणात असलेलं पाणी पुढील वर्षी मे महिन्याच्या मध्यापर्यंत पुरू शकतं. त्यानंतर राखीव साठ्यावर अवलंबून राहावं लागणार आहे. मात्र राज्याच्या इतर भागातील दुष्काळाचा विचार पाणीकपात मागे घेण्याबाबतचा निर्णय मुख्यमंत्री आणि उपमुख्यमंत्री यांच्याशी संवाद साधून घेतला जाणार आहे. महापालिकेचे अतिरिक्त आयुक्त अभिजीत बांगर यांनी याबाबत पालिका सभागृहात याबाबत प्रशासनाची भूमिका स्पष्ट केली.
राज्य सरकारने दुष्काळ जाहीर केला. यासोबतच विद्यार्थ्यांची फीस देखील बोर्डाने माफ केली. एल निनोचा मोठा प्रभाव राज्यात बघायला मिळतोय. 2027 मध्ये एल निनोचे संकट अधिक वाढण्याची शक्यता आहे. त्यातच परतीचा पाऊस राज्यात धुमाकूळ घालणार आहे. हवामान विभागाने तसा इशारा देखील दिला. पुणे शिक्षक मतदार संघानंतर शिवसेना शिंदे गटाकडून पदवीधर मतदार संघाचीही मागणी. पुणे पदवीधर मतदार संघातून शिवसेना शिंदे गटाचे नेते भाऊसाहेब आंधळकर इच्छुक. एकनाथ शिंदे आणि श्रीकांत शिंदे यांच्याकडे उमेदवारीची मागणी केली. भाऊसाहेब आंधळकरांनी यापूर्वी शिवसेनेकडून बार्शी विधानसभा निवडणूक लढवली होती. त्यानंतर आता पुणे पदवीधर मतदारसंघाची उमेदवारी मिळवण्यासाठी इच्छुक. पदवीधर मतदार संघाच्या निवडणुकीच्या पार्श्वभूमीवर राज्यात घडामोडींना वेग आला. यासह राज्य, क्रीडा, मनोरंजन आणि राष्ट्रीय क्षेत्रातील इतर घडामोडी जाणून घेण्यासाठी हा ब्लॉग फॉलो करा..
Published On - Sep 30,2026 8:22 AM
