Maharashtra News LIVE : नाशिक, मुंबई आणि पुण्यात पावसाचा धुव्वाधार, मुसळधार पाऊस..

शहरातील ३ हॉटेलांची तपासणी त्यापैकी साई ढाब्याचा अन्न सुरक्षा परवाना निलंबित.. तर हॉटेल गणेश आणि हॉटेल चिंतामणी या दोन हॉटेल ला सुधारणा करण्याची नोटीस. अन्न सुरक्षा नियमांचे उल्लंघन आढळल्याने केली कारवाई. स्वच्छ व सुरक्षित अन्नाबाबत प्रशासनाची कडक भूमिका. नियमांचे उल्लंघन करणाऱ्या हॉटेलांवर पुढेही कारवाई सुरू राहणार असल्याचा दिला इशारा…

अंबड तालुक्यातील शहापूर येथे दोन एसटी बस चा अपघात अपघात घडल्याची घटना. एक बस विद्यार्थ्यांना घेऊन जात होती तर दुसरी बस काही प्रवाशांना घेऊन जात होती. प्रवासी आणि विद्यार्थी मिळून 30 ते 35 जण जखमी असल्याची प्राथमिक माहिती समोर..

अंधेरी पश्चिमेतील वीरा देसाई मार्ग पुन्हा एकदा जलमय झाला आहे. संपूर्ण रस्ता पाण्याखाली गेला असून येथे पूरस्थिती निर्माण झाली आहे. सध्या पावसाचा जोर थोडा कमी आहे, मात्र पाऊस वाढल्यास परिस्थिती आणखी गंभीर होऊ शकते. फक्त वीरा देसाई रोडच नाही, तर आजूबाजूच्या सोसायट्यांमध्येही मोठ्या प्रमाणात पाणी साचले आहे. सोसायटीपासून रस्त्यापर्यंत सर्वत्र पाणीच पाणी दिसत आहे. त्यामुळे येथील रहिवासी त्रस्त झाले आहेत आणि घराबाहेर पडू शकत नाहीत.

गोंदिया जिल्ह्यात मागील चार दिवसांपासून सुरू असलेल्या मुसळधार पावसामुळे धरणांच्या पाणीसाठ्यात मोठी वाढ झाली आहे…. पाणीपातळी वाढल्याने पुजारीटोला धरणाचे चार दरवाजे प्रत्येकी एक फूट उघडण्यात आले आहेत…. त्यामुळे नदीपात्रात पाण्याचा विसर्ग सुरू असून, प्रशासनाने नदीकाठच्या नागरिकांना सतर्क राहण्याचे आवाहन केले आहे…. सलग चार दिवसांच्या जोरदार पावसामुळे पुजारीटोला धरणातील पाणीसाठा झपाट्याने वाढला. यामुळे धरणाचे चार दरवाजे प्रत्येकी एक फूट उघडून पाण्याचा नियंत्रित विसर्ग सुरू करण्यात आला आहे.

सकाळपासून शहरात दमदार पावसाला सुरुवात. गेल्या अनेक दिवसांपासून नाशिककरांना होती पावसाची प्रतीक्षा. शहरासह जिल्हा देखील काही भागात दमदार पावसाला सुरुवात

छत्रपती संभाजीनगरमध्ये सकाळपासून रिमझिम पावसाला सुरुवात झाली.  सकाळपासून जिल्ह्यात सर्व दूर पाऊस असून आता पेरणीच्या कामाला वेग येणार.

जिल्ह्यात तीन जुलै पर्यंत केवळ 33% पेरण्यांची काम पूर्ण झाली आहेत.  जुलै महिन्यापर्यंत सरासरीच्या 21%  पाऊस पडला आहे.

एफडीएने नाशिक विभागात मोठी धडक कारवाई केली. दोन दिवसांत 20 हॉटेल, आणि रेस्टॉरंट मधील खाद्य पदार्थांची तपासणी.  अन्न सुरक्षा नियमांचे गंभीर उल्लंघन आढळल्याने ७ नामांकित हॉटेल-रेस्टॉरंटचे परवाने तात्काळ निलंबित करण्यात आले.   सुधारणा नोटीसचे पालन न करणाऱ्या आणखी रेस्टॉरंट वर देखील निलंबनाची कारवाई होणार .

तपासणीत स्वयंपाकघरात अस्वच्छता, अन्नपदार्थ उघड्यावर ठेवल्याचे आढळलं.  कर्मचाऱ्यांकडून स्वच्छतेच्या नियमांचे पालन न झाल्याचेही निदर्शनास आलं.

अंबरनाथच्या रॉयल पार्क गृहसंकुलाच्या पार्किंगमध्ये भीषण आग लागल्याने अनेक दुचाकी-चारचाकी जळून खाक झाल्या. आगीचं नेमकं कारण अद्याप अस्पष्ट आहे.

शुक्रवारी रात्री बाराच्या सुमारास ही घटना घडली. मात्रअग्निशमन दलाच्या जवानांनी धाव घेत आग विझवली.  आगीत कोणत्याही प्रकारची जीवितहानी झाली नाही,मात्र वाहनांचं मोठं नुकसान झालं.

जळगावच्या अमळनेर मध्ये वेश्या व्यवसाय करण्यासाठी पत्नीला पतीने बेदम मारहाण केल्याची घटना समोर आली आहे. पत्नीला जबरदस्तीने दारू व गांजा पाजून वेश्या व्यवसाय करण्यासाठी पतीकडून मारहाण केल्याचा संतापजनक प्रकार उघड झाला.  याप्रकरणी पती व इतर दोन अशा तीन जणांविरोधात अमळनेर पोलीस ठाण्यात गुन्हा दाखल करण्यात आला .

ठाण्यात मुसळधार पावसाचा थैमान सुरू असून आज ठाणे जिल्ह्यात ‘रेड अलर्ट’ जारी करण्यात आला आहे.  गेल्या २४ तासात ७७.१८ मिलिमीटर पावसाची नोंद झाली.

गेल्या  4 दिवसांत ठाण्यात मुसळधार पावसामुळे ५० झाडं कोसळली,  तर ४९ झाडांच्या फांद्या कोसळण्याची घटना. यामध्ये जीविहानी झालेली नाही, पण काही दुचाकी आणि चारचाकी वाहनांचे नुकसान झालं.

सातत्याने कोसळणाऱ्या पावसाचा फटका मध्य रेल्वेच्या वाहतुकीलाही बसला आहे. मध्य रेल्वेची लोकल सेवा 10 ते 12 मिनिटे उशीराने सुरू आहे. त्यामुळे सकाळी कामावर निघालेल्या नागरिकांचं वेळापत्रक कोलमडलं आहे.

सकाळपासून सुरू असलेल्या संततधार पावसामुळे कल्याण-बदलापूर रोडवरील शीळ रोड ते नेवाळी चौक परिसरात जाणाऱ्या रस्त्यावर मोठ्या प्रमाणात पाणी साचलं आहे. कल्याण वरून अंबरनाथ कडे जाणाऱ्या मार्गावर गुडघाभर पाणी साचल्याने वाहनचालकांना पाण्यातून मार्ग काढत प्रवास करावा लागत आहे.  रस्त्यावर पाणी साचल्यामुळे वाहतुकीचा वेग मंदावला असून काही ठिकाणी वाहतूक कोंडीही झाली आहे.

ठाण्यात पावसाला सुरुवात झाली आहे. काल रात्रीपासून आतापर्यंत 58 मि मी पावसाची नोंद झाली आहे. सकाळपासून ढगाळ वातावरण दिसून येत आहे. रेड अलर्टमुळे शाळा, महाविद्यालयांना  ठाणे जिल्हाधिकारी यांच्याकडून सुट्टी जाहीर करण्यात आली आहे.