Modi Cabinet Reshuffle : भाजपंकडून कुठल्याही क्षणी..मंत्रिमंडळ विस्ताराच्या पार्श्वभूमीवर महत्वाची बातमी
Modi Cabinet Reshuffle : भाजपचे राष्ट्रीय अध्यक्ष नितीन नवीन बुधवारी केंद्रीय गृहमंत्री अमित शाह यांना भेटले. दोन्ही नेत्यांमध्ये जवळपास तीन तासापेक्षा जास्तवेळ ही बैठक चालली होती. 2029 मधील लोकसभा निवडणुका डोळ्यासमोर ठेऊन भाजपने आत्तापासून तयारी सुरु केली आहे.
भाजपचे नव्याने झालेले राष्ट्रीय अध्यक्ष नितीन नवीन यांच्या नेतृत्वाखाली भाजपं नव्याने संघटनात्मक फेररचना करत आहे. दिल्लीमध्ये सतत उच्चस्तरीय बैठका सुरु आहेत. त्यातून हे संकेत मिळाले आहेत. भाजप आपल्या नवीन राष्ट्रीय टीमची लवकरच घोषणा करेल. भाजप अंतर्गत ही जी संघटनात्मक फेररचना होणार आहे, त्यातून पंतप्रधान नरेंद्र मोदी यांच्याही मंत्रिमंडळात फेरबदल, विस्तार होणार असल्याच्या चर्चा रंगू लागल्या आहेत. भाजपची संघटनात्मक नवीन टीम जाहीर झाल्यानंचर मोदी मंत्रिमंडळाचा विस्तार होऊ शकतो. भाजपचे राष्ट्रीय अध्यक्ष नितीन नवीन आणि केंद्रीय गृहमंत्री अमित शाह यांची बुधवारी बैठक झाली. जवळपास तीन तासापेक्षा जास्तवेळ ही बैठक चालली होती. त्यातून भाजपमध्ये संघटनात्मक फेरबदल आणि मंत्रिमंडळ विस्ताराची चर्चा सुरु झाली. भाजपची नवीन राष्ट्रीय टीम अंतिम करण्यासाठी दोन्ही नेत्यांमध्ये सविस्तर सखोल चर्चा झाली असं इंडिया टुडेने सूत्रांच्या हवाल्याने म्हटलं आहे.
सूत्रांनी दिलेल्या माहितीनुसार, पक्ष संघटनेत कोणाकोणाला स्थान द्यायचं, ती नावं निश्चितीची प्रक्रिया जवळपास पूर्ण झाली आहे. कुणल्याही क्षणी भाजपच्या नव्या राष्ट्रीय कार्यकारिणीची घोषणा होऊ शकते. आगामी राज्यातील विधानसभा निवडणुका आणि 2029 मधील लोकसभा निवडणुका डोळ्यासमोर ठेऊन भाजपकडून या नव्या राष्ट्रीय कार्यकारिणीची निवड केली जाणार आहे. नितीन नवीन यांनी संघटनात्मक रचना करताना सर्व राज्यांकडून शिफारसी मागवल्या होत्या. विविध संघटनात्मक पदांसाठी राज्य नेतृत्वाने संभाव्य नेत्यांची नावं सुचवली. त्यातून भाजपने राष्ट्रीय स्तरावरील पदांसाठी एक उमेदवारांची सर्वसमावेशक यादी तयार केली आहे.
मंत्रिमंडळ विस्तार कधी?
भाजपंसाठी ही नवीन राष्ट्रीय टीम जास्त महत्वाची आहे. कारण 2029 लोकसभा निवडणुकीला सामोरं जाण्याआधी पक्ष संघटना अधिक बळकट बनवणं तसच नवीन पदाधिकारी विविध राज्यातील विधानसभा निवडणुकांसाठी रणनिती आखण्यात महत्वाची भूमिका बजावणार आहेत. नवीन नेतृत्व निवडताना प्रादेशिक,सामाजिक आणि राजकीय संतुलन राखण्याचा भाजपने प्रयत्न केला आहे. संघटनात्मक फेरबदल झाल्यानंतर पंतप्रधान नरेंद्र मोदींची मंत्रिमंडळ विस्ताराचा मार्ग मोकळा होईल असं वरिष्ठ पक्ष नेत्यांना वाटतं. मागच्या काही आठवड्यात मंत्रिमंडळ फेरबदलाबद्दलही बऱ्याच चर्चा झाल्या आहेत असं सूत्रांनी सांगितलं.
