Maharashtra Live News : दारूच्या व्यसनातील वादातून आई-वडिलांच्या हातून झाली पोटच्या मुलाची हत्या
Maharashtra Live News : दिल्लीतील जंतरमंतर तापलं असून मुख्य निवडणूक आयुक्तांच्या राजीनाम्याची मागणी अधित तिव्र झाली आहे. तर आंदोलनाचं कव्हरेज करण्यासाठी आलेल्या महिला पत्रकारांनी वरिष्ठ IPS अधिकाऱ्यावर गैरवर्तनाचे आरोप केले असून प्रकरण क्राईम ब्रँचकडे वर्ग करण्यात आला आहे. तर महाराष्ट्राच्या राजकारणात सध्या विधान परिषद निवडणुकांमुळे मोठ्या हलचाली सुरू आहेत. इतर घडामोडी जाणून घेण्यासाठी हा ब्लॉग फॉलो करा..

नवी दिल्लीतील जंतर मंतर आणि त्याच्या आसपासच्या परिसरात गेल्या काही दिवसांपासून प्रचंड तणाव आणि राजकीय घडामोडी सुरू आहेत. मुख्य निवडणूक आयुक्त ज्ञानेश कुमार यांच्या राजीनाम्याच्या मागणीने जोर धरला आहे. तर यासाठी विद्यार्थी संघटनेसह राजकीय पक्ष आणि कार्यकर्त्यांनी जंतर मंतरवर तीव्र आंदोलन पुकारले आहे. एवढंच नाही तर, आंदोलनाचं कव्हरेज करत असताना तीन महिला पत्रकारांनी दिल्ली पोलिसांमधील एका वरिष्ठ अधिकाऱ्यावर धक्काबुक्की आणि लैंगिक छळाचे गंभीर आरोप केले आहेत. प्रकरणाचं गांभीर्य पाहता दिल्ली पोलिसांनी ‘क्राईम ब्रँच’कडे तपासाची जबाबदारी सोपावली आहे. याप्रकरणी तीव्र संताप व्यक्त होत असून, विरोधकांनी दिल्ली पोलिसांच्या कामावर प्रश्न उपस्थित केले आहेत. समोर येत असलेल्या माहितीनुसार, आंदोलनामुळे सुरक्षेचा कडक बंदोबस्त ठेवण्यात आला आहे. तर दुसरीकडे, राज्यातील 6 पदवीधर आणि शिक्षक मतदारसंघांसाठी निवडणूक आयोगाने कार्यक्रम जाहीर केला आहे. यानुसार 23 ऑक्टोबर रोजी मतदान होणार असून 27 ऑक्टोबरला मतमोजणी पार पडेल. तर 3 ऑक्टोबर म्हणजे उद्यापर्यंत अर्ज भरण्याची अंतिम तारीख आहे. तर उद्यापर्यंत कोणकोण अर्ज भरणार याकडे सर्वांचं लक्ष लागलं आहे. यासह राज्य, क्रीडा, मनोरंजन आणि राष्ट्रीय क्षेत्रातील इतर घडामोडी जाणून घेण्यासाठी हा ब्लॉग फॉलो करा..
LIVE NEWS & UPDATES
-
बीड: मंत्री पंकजा मुंडेंनी नित्रुडमध्ये सोयाबीन पिकांची प्रत्यक्ष पाहणी केली
बीडच्या माजलगाव तालुक्यातील नित्रुड येथे मंत्री पंकजा मुंडे यांनी शेतकऱ्यांच्या शेतात जाऊन सोयाबीन पिकाची प्रत्यक्ष पाहणी केली. यंदा पावसाच्या अनियमिततेमुळे झालेल्या दुष्काळसदृश परिस्थितीचा आणि पिकांच्या सद्यस्थितीचा त्यांनी सविस्तर आढावा घेतला. या दरम्यान लवकरात लवकर मदत मिळावी अशी मागणी शेतकऱ्यांनी केली आहे.
-
मंगेश चिवटे यांचा पुणे पदवीधरचा एबी फार्म घेऊन शिवसेना नेते पुण्याला रवाना
मंगेश चिवटे यांचा पुणे पदवीधरचा एबी फार्म घेऊन शिवसेना नेते बाजीराव चव्हाण पुण्याला रवाना झाले आहेत. मंगेश चिवटे यांना शिवसेना पक्षाकडून अधिकृत एबी फार्म देण्यात आल्याने महायुतीत पुणे पदवीधर मतदार संघात बंडखोरीचे संकेत मिळाले आहेत.
-
-
मोरबे जलवाहिनीच्या कामासाठी नवी मुंबईत १६ तास पाणीपुरवठा बंद
मोरबे मुख्य जलवाहिनीवरील विविध कामांसाठी नवी मुंबईतील पाणीपुरवठा मंगळवारी ६ ऑक्टोबर रोजी १६ तास बंद ठेवण्यात येणार आहे. त्यामुळे नवी मुंबईतील अनेक विभागांसह सिडकोच्या खारघर आणि कामोठे नोडमधील पाणीपुरवठ्यावर परिणाम होणार आहे. काम पूर्ण झाल्यानंतर बुधवारी सकाळचा आणि सायंकाळचा पाणीपुरवठा कमी दाबाने होण्याची शक्यता आहे.
-
दारूच्या व्यसनातील वादातून आई-वडिलांच्या हातून झाली पोटच्या मुलाची हत्या
दारूच्या व्यसनावरून झालेल्या वादातून आई-वडिलांनी पोटच्या मुलाची हत्या केल्याचा धक्कादायक प्रकार घडला आहे. गुणवडी शिवारातील ही घटना घडली असून या घटनेत प्रवीण प्रकाश लांडगे या 25 वर्षीय तरुणाचा मृत्यू झाला आहे.
-
नागपूर विभाग पदवीधर मतदारसंघात निलेश कराळे यांची बंडखोरी
नागपूर विभाग पदवीधर मतदारसंघात निलेश कराळे यांची बंडखोरी. मविआकडून अभिजीत वंजारी यांना उमेदवारी. ही बंडखोरी नाही, निलेश कराळे यांचं वक्तव्य. सर्वपक्षीयांचा मला पाठिंबा, निलेश कराळेंकडून विश्वास व्यक्त
-
एल निनोच्या पार्श्वभूमीवर सरकारचा पाणी नियोजनाचा मास्टर प्लॅन
एल निनोच्या पार्श्वभूमीवर सरकारचा पाणी नियोजनाचा मास्टर प्लॅन. 31 ऑगस्ट 2027पर्यंत जलसाठ्याचे सूक्ष्म नियोजन करण्याच्या सूचना. जलसंपदा विभागाचे मंत्री गिरीश महाजनांचे निर्देश. पिण्याच्या पाण्याला सर्वोच्च प्राधान्य असणार-महाजन. जलाशयातील 10टक्के पाणी बफर स्टॉक म्हणून राखीव ठेवण्याचे निर्देश
-
महाविकास आघाडीतर्फे ठाकरेसेनेचे दिलीप घुगे रिंगणात
मराठवाडा पदवीधर मतदारसंघाच्या निवडणुकीसाठी महाविकास आघाडीतर्फे शिवसेना उद्धव बाळासाहेब ठाकरे पक्षाचे उमेदवार दिलीप घुगे यांनी आज उमेदवारी अर्ज दाखल केला.
-
अमरावती विभाग शिक्षक मतदारसंघ निवडणूक – विद्यमान आमदार किरण सरनाईक यांनी दाखल केला उमेदवारी अर्ज
अमरावती विभाग शिक्षक मतदारसंघ निवडणूक – विद्यमान आमदार किरण सरनाईक यांनी शिवसेना शिंदे गटाचा एबी फॉर्म लावून उमेदवारी अर्ज दाखल केला . किरण सरनाईक यांचा उमेदवारी अर्ज भरण्यासाठी मंत्री संजय राठोड यांची देखील उपस्थिती. मी महायुतीचा उमेदवार आहे, अशी माहिती विद्यमान आमदार किरण सरनाईक यांनी दिली.
-
प्रदीप पुर्णेकर हत्या प्रकरणात – आरोपी पप्या शिंदेला आज कोर्टात हजर करण्यात येणार
प्रदीप पुर्णेकर हत्या प्रकरणात अटक करण्यात आलेला आरोपी पप्या शिंदेला आज कोर्टात हजर करण्यात येत आहे. अटक झाल्यानंतर पप्या शिंदे कडून हत्या प्रकरणात अद्याप कबुली नाही, शिवाय या प्रकरणांमध्ये पप्या शिंदे पोलिसांना कुठल्याही प्रकारे सहकार्य करत नसल्याची माहिती पोलिस सूत्रांनी दिली आहे. पोलिसांकडून अजूनही इतर दोन आरोपींचा शोध सुरू आहे, आतापर्यंत 3 आरोपींना या प्रकरणात अटक करण्यात आली आहे
-
आमदार राजेंद्र राऊत एमपीएससी आंदोलक विद्यार्थी आणि सरकारमध्ये करणार मध्यस्थी
आमदार राजेंद्र राऊत हे पुण्यातील एमपीएससी आंदोलक विद्यार्थी आणि सरकारमध्ये मध्यस्थी करणार आहेत. आज संध्याकाळी पुण्यातील आंदोलनाला भेट देऊन त्यांच्या मागण्या मुख्यमंत्र्यांपर्यंत पोहोचवणार आहेत. तसेच विद्यार्थ्यांचे शिष्ठमंडळ मुख्यमंत्र्यांच्या भेटीला घेऊन जाणार आहेत.
-
गोंदिया जिल्ह्यात ऑक्टोबर हीटचा तडाखा
गोंदिया जिल्ह्यात ऑक्टोबर हीटचा तडाखा, जिल्ह्याचे तापमान 34 अंशावर पोहोचले. मध्यरात्रीच्या सुमारास थोडाफार थंडीचा अनुभव. उन्हापासून नागरिकांनी बचाव करावा असे निर्देश प्रशासनाने दिले आहेत
-
सुधारित फॉर्म – 6 ला मान्यता दिली नाही – सुप्रीम कोर्टाची मोठी टिप्पणी
सुधारित फॉर्म – 6 ला मान्यता दिली नाही, SIR वरील वादावर सुप्रीम कोर्टाने ही मोठी टिप्पणी केली आहे. बेकायदेशीर काम झालं असल्यास परिणाम भोगावे लागतील, असंही सुप्रीम कोर्टाने म्हटलं आहे.
-
रोहित पवार एमपीएससीच्या विद्यार्थ्यांचा वापर करत आहेत – पडळकरांची टीका
सांगली — राजकारणाच्या करिअरची पायरी म्हणून रोहित पवार एमपीएससीच्या विद्यार्थ्यांचा वापर करत आहेत,अशी टीका भाजप आमदार गोपीचंद पडळकर यांनी केली. तसंच विद्यार्थ्यांच्या प्रश्नाचे राजकारण केलं जातं आहे, असा आरोप त्यांनी केला.
एमपीएससीच्या विद्यार्थ्यांबाबत सकारात्मक भूमिका मुख्यमंत्र्यांनी घेतल्यानंतर, आपलं दुकान उठतंय हे लक्षात आलं आहे असंही ते म्हणाले. रोहित पवारांनी कधी नोकरीसाठी अर्ज केला आहे का ? असा सवाल करत त्यांनी फक्त कारखाने ढापण्याचं काम केलं असं टीकास्त्र पडळकरांनी सोडलं.
-
पोलिसांच्या कामाच्या तासावरुन संजय राऊतांचं मुख्यमंत्री फडणवीसांना पत्र
पोलिसांच्या कामाच्या तासावरुन राऊतांचं मुख्यमंत्री आणि गृहमंत्री फडणवीसांना पत्र लिहिलं आहे. यानंतर हे पत्र खासदार संजय राऊत यांनी पोस्ट केलं आहे. पोलिसांच्या कामाच्या तासात वाढ केल्यामुळे पोलिसांवर तणाव निर्माण झाला आहे. उद्धव ठाकरे हे मुख्यमंत्री असण्याच्या काळात पोलिसांना ८ तासांचा ड्यूटी आणि १६ तास आराम असा नियम होता आणि अपवादात्मक परिस्थिती मधे हा नियम बदलण्यात येत होता. पोलीस शिपाई हे १२ तासांच्या वर काम करत आहे. त्यामुळे त्यांच्या आरोग्याच्या संदर्भात ही गोष्ट मी गृहमंत्र्यांच्या समोर आणत आहे. त्यामुळे हा विषय मुख्यमंत्र्यांनी गांभीर्याने घ्यावा अशी मागणी खासदार संजय राऊत यांनी एक्स पोस्ट करत केली आहे.
-
अमरावती शिक्षक विभाग मतदारसंघात आमदार रवी राणा यांची एन्ट्री
अमरावती शिक्षक विभाग मतदारसंघात आमदार रवी राणा यांची एन्ट्री झाली आहे. युवा स्वाभिमान पार्टीतर्फे महानगरपालिका शिक्षण सभापती एड. प्रीती हर्षल रेवणे (बनारसे) उद्या दुपारी १२ वाजता उमेदवारी अर्ज दाखल करणार आहेत. महायुतीमध्ये असलेल्या रवी राणांचा युवा स्वाभिमान पक्षही या निवडणुकीत उतरणार असल्याने महायुतीची डोकेदुखी वाढणार असल्याचे बोलले जात आहे.
-
ठाण्यात कायदा सुव्यवस्थेचा प्रश्न ऐरणीवर, हॉटेलमध्ये फ्रिस्टाइल हाणामारी
ठाण्यात कायदा सुव्यवस्थेचा प्रश्न ऐरणीवर आला आहे. ठाकरे गटाचे विभागप्रमुख प्रदीप पुर्णेकर हत्या प्रकरण ताजे असताना ठाण्यातील एका हॉटेलमध्ये फ्रिस्टाईल हाणामारी झाली. पोलिसांसमोरच दोन गट एकमेकांना भिडले. चुकीच्या पद्धतीने स्टार्टरच्या ऐवजी मेन कोर्स देण्यावरून वाद झाला. त्यानंतर हॉटेल स्टाफ आणि इतर काही लोकांनी ग्राहकाला मारले. या प्रकरणी कासारवडवली पोलीस ठाण्यात गुन्हा दाखल झाला आहे..
-
अकोल्यात छत्रपती संभाजीराजे यांच्या नेतृत्वात आसूड मोर्चा
अकोला जिल्हातल्या तेल्हारा शहरात छत्रपती संभाजीराजे यांच्या नेतृत्वात ‘आसूड मोर्चा’ निघाला. तर तेल्हारा येथील टॉवर चौकातून तहसील कार्यालयावर धडकणार आहे. छत्रपती संभाजी राजे यांचा आसूड मोर्चामध्ये मोठ्या संख्येने शेतकरी आणि शेतमजूर सहभागी झाले आहे. छत्रपती संभाजीराजे गळ्यामध्ये आसूड घेऊन मोर्चात सहभागी झाले असून शेतकरी आणि शेतमजुरांच्या कुटुंबीयांना पन्नास हजार आर्थिक मदत द्या या मागणीसाठी आज आसूड मोर्चा काढण्यात आला आहे.
-
धुळ्यात अन्न व औषध प्रशासनाची मोठी कारवाई
धुळ्यात अन्न व औषध प्रशासनाची मोठी कारवाई करण्यात आली आहे. अधिकाऱ्यांकडून १ हजार ८५४ किलो मावा जप्त करण्यात आला आहे. किंमत तब्बल ५ लाख ८० हजार ५०० रुपये जप्त करण्यात आले आहे. अहमदाबादहून छत्रपती संभाजीनगरकडे जाणाऱ्या लक्झरी बसमधून माव्याची वाहतूक सुरू होती. भेसळीच्या संशयावरून माव्याचा साठा जप्त करण्यात आला आहे. साक्री रोडवरील विद्यावर्धिनी कॉलेजसमोर बसची तपासणी करण्यात आली. माव्याचे विविध नमुने प्रयोगशाळेत तपासणीसाठी पाठवले आहे. अहवालानंतर संबंधितांवर कायदेशीर कारवाई होणार आहे.
-
ज्ञानेश कुमारांवरील पुढील आठवड्यात पुन्हा सुनावणी
ज्ञानेश कुमारांवरील पुढील आठवड्यात पुन्हा सुनावणी होणार आहे. ज्ञानेश कुमार यांच्यावर तात्काळ कारवाई करण्याच सुप्रीम कोर्टाने नकार दिला आहे. निवडणूक आयोगाची देखील बाजू जाणून घ्यावी लागेल, असे सुप्रीम कोर्टाने म्हटलं आहे. त्यामुळे सुप्रीम कोर्टाने अंतिम नकार दिला आहे.
-
निवडणूक आयोग, ज्ञानेश कुमार आणि इतर दोन निवडणूक आयुक्तांना नोटीस
सर्वोच्च न्यायालयाने मुख्य निवडणूक आयुक्त ज्ञानेश कुमार यांना निलंबित करण्याबाबतचा अंतरिम आदेश देण्यास नकार दिला. न्यायमूर्ती सूर्यकांत यांच्या नेतृत्वाखालील खंडपीठाने निवडणूक आयोग, ज्ञानेश कुमार आणि इतर दोन निवडणूक आयुक्तांना नोटीस बजावली आहे.
-
ज्ञानेश कुमार यांच्यावर तात्काळ कारवाई करण्यास SC चा नकार
निवडणूक आयोगाची बाजू जाणून घ्यावी लागेल, असंही सर्वोच्च न्यायालयाने स्पष्ट केलं. न्यायालयाने अंतरिम आदेश देण्यास नकार दिला आहे. या प्रकरणाची सुनावणी पुढील आठवड्यात होणार आहे.
-
सुप्रीम कोर्टाकडून निवडणूक आयोगाला नोटीस जारी
2023 च्या कायद्यानुसार आयुक्तांचे अधिकार वाढवले. निवडणूक आयुक्तांची विश्वासार्हता कमी झाली आहे, असं विकास सिंह म्हणाले. सुप्रीम कोर्टाकडून निवडणूक आयोगाला नोटीस जारी करण्यात आली आहे.
-
एकटा आयुक्त कोणतेही निर्णय घेऊ शकत नाही- विकास सिंह
एकटा आयुक्त कोणतेही निर्णय घेऊ शकत नाही. याप्रकरणात अंतरिम पाऊल उचलण्याची गरज आहे. प्रत्येक व्यक्ती निवडणूक आयोगावर बोलतोय. निवडणूक आयोगावर कोणताही गुन्हा दाखल होऊ शकत नाही. निवडणूक आयुक्त योग्यरीतीने काम करत नाही, असं विकास सिंह यांनी नमूद केलं.
-
निवडणूक आयुक्तांना तात्काळ निलंबित करा- विकास सिंह
ज्ञानेश कुमार यांच्यावरील आरोपांवर सुप्रीम कोर्टात सुनावणी सुरू आहे. तात्काळ अंतरिम आदेश द्या, नाहीतर देश पेटेल. निवडणूक आयुक्तांना तात्काळ निलंबित करा, असे आदेश न्यायमूर्ती विकास सिंह यांनी दिले आहेत.
-
सिक्कीम राज्यातील महिला रणजी संघात निवडीनंतर वेदिका मगरने घेतले विठ्ठल-रुक्मिणीचे दर्शन
भारतीय क्रिकेट बोर्डामार्फत सिक्कीम राज्याच्या महिला रणजी संघात निवड झाल्यानंतर पंढरपूरच्या वेदिका मगर हिने श्री विठ्ठल-रुक्मिणी मातेचे दर्शन घेतले. यावेळी मंदिर समितीच्या वतीने व्यवस्थापक प्रवीणकुमार घम यांनी वेदिका मगर हिचा सत्कार करून तिच्या पुढील वाटचालीस शुभेच्छा दिल्या. वेदिकाच्या रणजी संघातील निवडीमुळे पंढरपूरच्या क्रीडा क्षेत्रात उत्साहाचे वातावरण निर्माण झाले आहे.
-
कॅबिनेट मंत्री भरत गोगावले यांची आज दुपारी 3 वाजता मंत्रालयात दुष्काळ आढावा बैठक
कॅबिनेट मंत्री भरत गोगावले यांची आज दुपारी 3 वाजता मंत्रालयात दुष्काळ आढावा बैठक आहे. या बैठकीत दुष्काळग्रस्त शेतकऱ्यांना दिलासा देण्यासंदर्भातली महत्वाची घोषणा होणार आहे. भरत गोगावले यांच्याकडून मदतीची आकडेवारीही जाहीर होणार आहे.
-
उल्हासनगरात शिवसेना-भाजपमधील अंतर्गत वाद आता चव्हाट्यावर
उल्हासनगरात शिवसेना-भाजपमधील अंतर्गत वाद आता चव्हाट्यावर आला आहे. महापौरांचे पती कमलेश निकम यांनी भाजप प्रदेशाध्यक्ष रवींद्र चव्हाण यांच्याबाबत केलेल्या वक्तव्यावरून भाजप आक्रमक झाली असून, याविरोधात भाजपच्या शिष्टमंडळाने पोलीस उपायुक्तांची भेट घेतली. स्वीकृत नगरसेवकांच्या निवडीवरून दोन्ही पक्षांमध्ये आधीच तणाव निर्माण झाला असताना, निकम यांच्या वक्तव्याने वाद आणखी चिघळला आहे. पोलीस उपायुक्तांच्या कार्यालयाबाहेर भाजप कार्यकर्त्यांनी कमलेश निकम यांच्याविरोधात घोषणाबाजी करत निषेध व्यक्त केला.
-
पाण्याअभावी जालन्यातल्या शेतकऱ्याने ३ एकरवरील मोसंबीची बाग केली जमीनदोस्त
जालन्याच्या घनसावंगी तालुक्यातील शिंदे वडगाव इथल्या शरद चव्हाण या शेतकऱ्याने पाण्याअभावी आपल्या 3 एकर क्षेत्रावरील जवळपास 500 मोसंबीच्या झाडांवर जेसीबी फिरवला आहे. जालना जिल्ह्यात दुष्काळाची दाहकता दिवसेंदिवस अधिकच तीव्र होत चालली आहे. छोटे मोठे तलाव आणि नद्या पूर्णपणे आटल्या असल्याने नागरिकांबरोबरच फळबागांवर देखील मोठं संकट ओढावलं आहे.
-
अभिजित दिपकेंमुळे आंबेडकरी चळवळीचे नुकसान झाले- सचिन खरात
अभिजित दिपके सारख्या फुटीरवादी नेत्यांमुळेच आंबेडकरी चळवळीचे नुकसान झाले आणि आता अभिजीत दिपके MPSC विद्यार्थ्यांच्या एकाच आंदोलनाला भेट देऊन MPSC विद्यार्थी आंदोलनामध्ये फूट पाडत आहे असे सचिन खरात राष्ट्रीय अध्यक्ष रिपब्लिकन पार्टी ऑफ इंडिया यांनी म्हटले आहे.
-
अभिजीत वंजारी उमेदवारी अर्ज दाखल करण्यासाठी रॅली सह कार्यालयात
पदवीधर मतदार संघासाठी काँग्रेसचे उमेदवार अभिजीत वंजारी आपला उमेदवारी अर्ज दाखल करण्यासाठी विभागीय आयुक्त कार्यालयात रॅली सह पोहोचले आहेत.
-
शेतकऱ्यांच्या मागण्यांसाठी भारतीय किसान संघ’ आक्रमक
धान उत्पादक शेतकऱ्यांच्या मागण्यांसाठी भारतीय किसान संघ’ आक्रमक झाला आहे. साकोलीत शेतकऱ्यांनी ट्रॅक्टर मोर्चा काढला आहे. भारतीय किसान संघ स्वतंत्र संघटना असून शेतकऱ्यांच्या हितासाठी आमचा लढा सुरूच राहील असे साई रेड्डी यांनी म्हटले.
-
मंगेश चिवटेंच्या उमेदवारीला शहाजी बापूंचा विरोध?
मंगेश चिवटे यांचा उमेदवारी अर्ज भरण्याच्या प्रक्रियेत आपण सहभागी नसल्याचे स्पष्ट करत “शिंदे साहेब जो आदेश देतील, त्याचे आम्ही पालन करू,” असे आमदार शहाजी बापू पाटील यांनी म्हटले.
-
पुण्यात आजपासून obc समाज्याचे साखळी उपोषण
पुण्यात आजपासून obc समाज्याचे साखळी उपोषण. बोगस कुणबी दाखले, ओबीसींची जातनिहाय जनगणना, ओबीसींच्या विविध मागण्यांसाठी आजपासून लक्षणिक उपोषण सुरु.
-
नाशिक महापालिकेच्या पडलेल्या शाळेचा गोडाऊनसाठी वापर
नाशिक महापालिकेच्या पडलेल्या शाळेचा गोडाऊन साठी वापर. बचत गटाने तयार केलेले आकाश कंदील ठेवण्यासाठी वापर. दुसऱ्या वर्ग खोलीमध्ये खाजगी क्लास सुरू असल्याचं समोर. शिक्षण मंत्री दादा भुसे यांनी काल केली होती बंद पडलेल्या शाळांची पाहणी, याच दरम्यान शाळेच्या वर्ग खोल्यांमध्ये आढळून आले आकाश कंदील. स्थानिक लोकप्रतिनिधींकडून बंद पडलेल्या शाळांचा गैरवापर सुरू असल्याचे उघडकीस
-
कोल्हापूरात राज्य साखर कर्मचाऱ्यांचा एल्गार
कोल्हापूरात राज्य साखर कर्मचाऱ्यांचा एल्गार, कामगार कायद्यातील विविध मागणींसाठी कर्मचारी रस्त्यावर उतरले आहेत.
-
मुंबईच्या बोरीवलीमध्ये गुजराती बॅनरवरून वाद
मुंबईच्या बोरीवलीमध्ये गुजराती बॅनरवरून वाद पाहायला मिळत आहे. बोरीवलीच्या स्वतंत्रवीर सावरकर उद्यान समितीच्या वतीने हा गुजराती बॅनर लावण्यात आला आहे, जो सोशल मीडियावर व्हायरल होत असून त्याला विरोध केला जात आहे. या बॅनरमध्ये उद्यानात येणाऱ्या लोकांसाठीचे नियम हे गुजराती, मराठी आणि हिंदी अशा तीनही भाषांमध्ये लिहिण्यात आले आहेत, तरी देखील गुजराती भाषेत सूचना का, असा सवाल उपस्थित करत या बॅनरला विरोध केला जात आहे.दरम्यान मनसेने देखील बोरीवलीमध्ये गुजराती बॅनर लावून सूचना दिल्याबद्दल विरोध केला आहे.
-
कल्याण पूर्वेत छत्रपती शिवाजी महाराज आरमार स्मारक
कल्याण पूर्वेत छत्रपती शिवाजी महाराज आरमार स्मारक. कल्याण पूर्वेतील कचोरे-नेतीवली टेकडीवर देशातील पहिले छत्रपती शिवाजी महाराज आरमार स्मारक उभारण्याची संकल्पना. खासदार डॉ. श्रीकांत शिंदे यांच्या महापालिका प्रशासनाला आवश्यक अभ्यास व नियोजनाच्या सूचना. स्मारकात आरमाराचा इतिहास, जहाजांच्या भव्य प्रतिकृती आणि महाराजांचा भव्य पुतळा उभारणार. आरमाराची निर्मिती, सागरी मोहिमा आणि नौदल सामर्थ्याची माहिती देणार. जागा, क्षेत्रफळ आणि सुविधांचा प्रशासनाकडून अभ्यास. संत सावळाराम महाराज स्मारकाचे कामही वेगाने पूर्ण करण्याच्या सूचना
-
शरद पवार गटाचे नितेश कराळे आज उमेदवारी अर्ज दाखल करणार
राष्ट्रवादी काँग्रेस शरद पवार गटाचे नितेश कराळे आज नागपूर पदवीधर मतदारसंघाकरिता उमेदवारी अर्ज दाखल करणार. नागपूरच्या संविधान चौकातून रॅली काढत उमेदवारी अर्ज दाखल करणार. याला बंडखोरी म्हणता येणार नसल्याचं कराळे गुरुजींच मत. या निवडणुकीत पक्षाच चिन्ह राहत नाही. मोठ्या संख्येने मतदारांचा प्रतिसाद मिळत असल्याचा कराळे गुरुजींना विश्वास. राष्ट्रवादीसह काँग्रेस, शिवसेना, भाजप तसच सर्वपक्षीय अनेकांचा पाठिंबा असल्याचा विश्वास. हा पदवीधराचा मतदारसंघ आहे आणि तिथे पदवीधरासाठी लढणारा माणूस राहिला पाहिजे. प्रचलित व्यवस्थेमध्ये एखादा प्रस्थापित माणूसच पाठवायचा आणि त्याच्या शाळा-कॉलेज वाचवण्यासाठी किंवा एखादा माजी आमदार जो त्याचं प्रस्थ वाचवण्यासाठी त्यांना सीट देऊन आणि घराणेशाही चालवून हे कुठेतरी प्रस्थापित पदवीधरांचे प्रश्नच मांडत नाहीत. त्याच्यामुळे तिथे एखादा शेतकऱ्याच्या पोरासाठी लढणारा, बेरोजगार युवकासाठी लढणारा, कर्मचाऱ्यांचे मुद्दे घेऊन लढणारा एखादा पदवीधर सुशिक्षित माणूस जर तिथे गेला, तर तो चांगले मुद्दे मांडू शकेल… त्याच्यामुळे बंडखोरी याला म्हणता येणार नाही.
-
नाशिकमध्ये ग्रामदैवत कालिका माता मंदिरात नवरात्रोत्सवाची जय्यत तयारी
नाशिकमध्ये ग्रामदैवत कालिका माता मंदिरात नवरात्रोत्सवाची जय्यत तयारी. नवरात्रोत्सवासाठी कालिका माता मंदिर प्रशासन सज्ज. लाखो भाविकांच्या गर्दीच्या पार्श्वभूमीवर सुरक्षा व्यवस्थेचा विशेष आढावा. भाविकांच्या सुरक्षेसाठी देवस्थानकडून ५ कोटी रुपयांचा विमा. उत्सव काळात ५०० स्वयंसेवकांची नियुक्ती. आपत्कालीन सेवेसाठी व्हीलचेअर आणि वैद्यकीय पथक तैनात. मंदिर परिसरात फिरत्या शौचालयांची व्यवस्था. नवरात्रोत्सवात प्लास्टिक वापरावर पूर्ण बंदी. वाहतूक सुरळीत ठेवण्यासाठी पोलीस आणि महापालिकेचे विशेष नियोजन. रस्त्यावरील वाहतुकीला अडथळा ठरणारे स्टॉल्स व अतिक्रमणांना मनाई
-
आशियाई स्पर्धेमध्ये भारताला सुवर्णपदक प्राप्त करणाऱ्यांसाठी अमरावतीत विजयी रॅली
आशियाई स्पर्धेमध्ये भारताला सुवर्णपदक प्राप्त करणाऱ्या अमरावती मधील कुमकुम मोहोड, यशदीप भोगे, क्रिकेटर भारती फुलमाळी यांची विजयी अमरावतीत विजयी रॅली.. अमरावती शहरातील राजकमल चौकातून या रॅलीला सुरुवात… आज ठिकठिकाणी अमरावती मध्ये स्वागत होत आहे खूप अभिमान वाटत आहे-कुमकूम मोहोड. फटाके फोडून विजयाचे कौतुक करीत रॅलीमध्ये विद्यार्थी सहभागी…
-
दुष्काळाची दाहकता! शेतकऱ्याने शेतातच सोडली जनावरे…
दुष्काळाची दाहकता! शेतकऱ्याने शेतातच सोडली जनावरे…पावसाअभावी बाजरी-मठाचे पीक जळून गेल्याने शेतकऱ्याचा मोठा निर्णय
धुळे तालुक्यातील वरखेडी-कुंडाणे शिवारातील विष्णू पाटील यांनी शेतात सोडली बैलं…दोन ते अडीच महिन्यांपासून पाऊस नसल्याने पिकांचे नुकसान; आता जनावरांच्या चाऱ्याचाही प्रश्न गंभीर… -
अभिजीत दिपके हे केवळ एक मुखवटा आहेत आणि त्यांच्या मागे दुसरीच शक्ती- नितेश राणे
“अभिजीत दिपके हे केवळ एक मुखवटा आहेत आणि त्यांच्या मागे दुसरीच शक्ती कार्यरत असल्याचा आमचा आरोप आहे.देशात अराजकता निर्माण करण्याची भाषा आणि वातावरण निर्माण करण्याचा प्रयत्न सातत्याने होताना दिसतो. यापूर्वी जंतर-मंतरवरील आंदोलनाच्या वेळीही देशातील परिस्थिती अस्थिर करण्यासंदर्भात प्रश्न उपस्थित झाले होते. भारतात अराजकता निर्माण झाली, तर त्याचा फायदा देशविरोधी शक्तींना होऊ शकतो. त्यामुळे अशा प्रकारची भाषा आणि भूमिका कोणाच्या हिताची आहे, याचा गंभीरपणे विचार करण्याची गरज आहे. अभिजीत दिपके नेमकी कोणाची भूमिका मांडत आहेत, त्यांच्या आंदोलनामागे कोण आहेत आणि त्यांच्या वक्तव्यांची दिशा काय आहे, याबाबत त्यांनी स्वतः स्पष्ट भूमिका जनतेसमोर मांडावी. देशात आंदोलन करण्याचा अधिकार सर्वांना आहे; मात्र देशाची शांतता, कायदा आणि सुव्यवस्था धोक्यात येईल अशी भूमिका कोणत्याही परिस्थितीत योग्य ठरू शकत नाही.” असं नितेश राणे म्हणाले.
-
फडणवीसांच्या राजकारणाला उतरती कळा लागल्याचे कळतंय-संजय राऊत
फडणवीसांच्या राजकारणाला उतरती कळा लागल्याचे कळतंय, तर ठाकरे बंधूच्या मोर्चाची देशभरात चर्चा झाली, कोल्ह्यांना कोल्हेकुईच आठवणार कारण गर्जना ही वाघाची आहे असं म्हणत संजय राऊत यांनी आशिष शेलार यांच्या टीकेला प्रत्युतर दिले आहे.
-
प्रदीप पुर्णेकर हत्या प्रकरणातील आरोपी पप्प्या शिंदे आज ठाणे सत्र न्यायालयात हजर
प्रदीप पुर्णेकर हत्या प्रकरणातील आरोपी पप्प्या शिंदे याची पोलीस कोठडी संपत असून त्याला आज ठाणे सत्र न्यायालयात हजर करण्यात येणार आहे. ठाणे न्यायालय त्याला पुन्हा पोलीस कोठडी सुनावणार की न्यायलयीन कोठडीत पाठवणार, याकडे आता सर्वांचे लक्ष लागले आहे.
-
एकनाथ शिंदे आज पंतप्रधान मोदींची भेट घेणार
एकनाथ शिंदे आज पंतप्रधान मोदींची भेट घेणार. उपमुख्यमंत्री एकनाथ शिंदे आज पंतप्रधान नरेंद्र मोदींची भेट घेणार. दुपारी ४ नंतर भेट होण्याची शक्यता. संभाव्य मंत्रिमंडळ विस्तारावर बैठकीत चर्चा होण्याची शक्यता. ७ ऑक्टोबरला मोदी सरकारच्या नेतृत्वाचा रौप्य महोत्सव. महाराष्ट्रातील विधानपरिषद जागावाटपाच्या तिढ्यावरही चर्चा अपेक्षित. राज्यातील दुष्काळी परिस्थितीबाबत शिंदे मोदींशी चर्चा करण्याची शक्यता. शिवसेनेच्या महाराष्ट्राबाहेरील विस्तारावरही चर्चा होणार. विविध राज्यांच्या प्रदेशप्रमुखांकडून शिंदेंना ग्राउंड रिपोर्ट सादर केला जाणार
-
अमरावती विभाग शिक्षक मतदार संघ निवडणूक..
पोहरादेवीचे महंत सुनील महाराजही उतरणार शिक्षक मतदार संघाच्या निवडणुक रिंगणात..पेशाने प्राचार्य असलेले पोहरादेवीचे महंत भाजपचे सुनील महाराज बंडखोरी करणार..महंत सुनील महाराज आज आपला नामांकन अर्ज दाखल करणार..अमरावती मतदारसंघात भाजप इच्छुक उमेदवारांची मोठ्या प्रमाणावर बंडखोरी महायुतीची डोकेदुखी वाढणार..
-
आदिवासी विद्यार्थ्यांचे आंदोलन दडपण्याचा मुंबई पोलिसांचा प्रयत्न
पायी मोर्चा घेऊन आलेले काही आदिवासी विद्यार्थी टिळक भवन येथे मुक्कामी थांबले होते पोलीस त्यांच्यावर अरेरावी करून त्यांना ताब्यात घेण्याचा प्रयत्न करत आहेत. टिळक भवन बाहेर प्रचंड पोलीस बंदोबस्त
-
अमरावती शिक्षक मतदार संघ निवडणूक…
अमरावतीमध्ये महाविकास आघाडी आणि महायुतीमध्ये बिघाडी ? विद्यमान आमदार किरण सरनाईक शिवसेना कडून भरणार आज उमेदवारी अर्ज… महायुतीकडून अद्याप पर्यंत कोणाला टिकीट जाहीर नाही..भाजपचे शिक्षक आघाडीचे नेते तथा भाजपा आमदार राजेश वानखडे यांचे मेव्हणे शेखर भोयर सुद्धा भरणार अपक्ष आणि भाजप तर्फे उमेदवारी अर्ज….ठाकरे गटाकडून दत्तात्रय लहाने हे सुद्धा दुपारी बारा वाजता उमेदवारी अर्ज दाखल करणार….
-
कल्याणमध्ये माथेफिरू कार चालकाचा थरार
‘तू मला कट मारतोस?’ म्हणत २५ वर्षांच्या दीपेशला कारखाली चिरडले; शहाड-मोहने रस्त्यावरील घटना ..दुचाकीस्वार गंभीर जखमी रुग्णालयात ICU मध्ये मृत्यूशी झुंज सुुरू पोलिसांनी मदत केली नाही, भावाला काही झालं तर पोलीस ठाण्यातच जीव देऊ,” पीडित कुटुंबाचा कठोर कारवाईची मागणी करत आत्मदहनाचा इशारा!; तर आरोपी अटकेत ४०हून अधिक CCTV तपासून आरोपी कार चालक ताब्यात घेत न्यायालय प्रक्रिया सुरू असल्याचे पोलिसांचं स्पष्टीकरण.
-
पुण्याच्या भोर तालुक्यात पावसाने मागील काही दिवसांपासून दडी मारल्याने भात पीक संकटात
पावसाअभावी तालुक्याच्या काही भागातील भात खाचरातील जमिनीला पडल्या भेगा..पीक लागले सुकायला.. ज्या शेतकऱ्यांकडे सिंचनाची व्यवस्था आहे, त्यांनी विद्युत मोटरीच्या साह्याने शेताला पाणी देत.. भात पीक कसबस जगवलं आहे.. मात्र डोंगरउतारावरील, माळरानावरील पाण्याचा स्रोत नसलेली भात खाचरे..पाणी अटल्याने कोरडी पडून त्यामध्ये भेगा पडल्यात.. ही भात शेती पुर्णपणे पावसाच्या पाण्यावर अवलंबून असल्याने पाण्याअभावी हे पीक आता वाया जाणारेय.. त्यामुळे शेतकरी हवालदील झालाय..
-
नाशिक शहरात पारा पुन्हा 35 अंशावर
नाशिक शहरात पारा पुन्हा 35 अंशावर पोहोचला आहे. शहर व परिसरातील वातावरणात कमालीचा बदल जाणवत आहे. दिवसा उन्हाची तीव्रता वाढू लागली असून रविवारी कमाल तापमान थेट 35 अंशांवर पोहोचले आहे. रात्री बारा वाजेनंतर वातावरणात गारवा निर्माण झाला आहे. सकाळी साडेआठ वाजेपर्यंत किमान तापमान 17.4 अंशापर्यंत खाली घसरले. मागील 48 तासात किमान तापमान तीन अंशांनी कमी झाला आहे.
-
कल्याण-डोंबिवलीत वाहतूक कोंडी करणाऱ्या रिक्षाचालकांवर खाकीचा बडगा
कल्याण-डोंबिवलीत वाहतूक कोंडी करणाऱ्या रिक्षाचालकांवर खाकीचा बडगा उगारला आहे. झटपट भाड्याच्या नादात रस्त्याच्या मधोमध रिक्षा लावणाऱ्या चालकांवर थेट गुन्हे दाखल करण्यात येणार आहेत. डोंबिवलीत नियम मोडणाऱ्या ४ रिक्षाचालकांवर रामनगर पोलिसांनी स्वतंत्र गुन्हे दाखल केले. वर्षभरात ५०० हून अधिक रिक्षाचालकांवर कारवाई करण्यात आली असून यापुढेही कारवाई सुरूच राहणार असल्याची माहिती डीसीपी अतुल झेंडे यांनी दिली आहे.
-
जालना शहराचा पाणी पुरवठा आजपासून तीन दिवस राहणार बंद
जालना शहराचा पाणी पुरवठा आजपासून 3 दिवस बंद राहणार आहे, कारण जालना जायकवाडी या योजनेच तांत्रिक काम अंबड आणि पैठण येथे होणार आहे त्याच बरोबर नवीन जलवाहिनी जोडण्याचं काम हाती घेण्यात येणार असल्याने 7 तारखेपर्यंत शहरातील पाणी पुरवठा बंद राहणार असल्याच जालना शहर महानगर पालिका प्रशासनाकडून सांगण्यात आलंय, त्यामुळे शहरातील नागरिकांनी पाण्याचा अपव्यय टाळावा आणि काटकसरीने त्याचा वापर करावा असं आवाहन पालिका प्रशासनाकडून करण्यात आलंय,दरम्यान तांत्रिक काम होऊन तीन दिवसात पाणी पुरवठा सुरळीत होणार का? हे पाहणं महत्वाचं ठरेलं..
-
कल्याणमध्ये मध्यरात्री फार्महाऊसवर पोलिसांची धाड; वाढदिवसाच्या पार्टीत सुरू होती हुक्का पार्टी
कल्याणमध्ये मध्यरात्री फार्महाऊसवर पोलिसांनी धाड टाकली. वाढदिवसाच्या पार्टीत सुरू असून तेथे हुक्का पार्टी करत असेलल्या दोघांवर कारवाई करण्यात आली आहे. टिटवाळा मानिवलीतील मिहीका फार्महाऊसवर वाढदिवसाची पार्टी सुरू असताना पोलिसांची अचानक धाड पडली. पहाटे 3.15 वाजता पोलिसांची एन्ट्री होताच हुक्का पार्टीत एकच धावपळ उडाली. सुगंधी तंबाखूजन्य पदार्थाचा हुक्का सेवन करणाऱ्या दोन इसमांवर पोलिसांनी थेट कारवाई केली. कल्याण तालुका पोलिस ठाण्यात COTPA कायद्यानुसार अदखलपात्र गुन्हा दाखल करण्यात आला. गुन्हा क्रमांक 3630/2026; कलम 4 आणि 21 अंतर्गत कारवाई, पुढील पोलिस तपास सुरू आहे.
-
एकनाथ शिंदे आज दिल्लीला जाण्याची शक्यता
एकनाथ शिंदे आज दिल्लीला जाण्याची शक्यता वर्तवण्यात येत आहे. पक्ष चिन्ह सुनावणी आणि काही महत्वाच्या कामांसाठी एकनाथ शिंदे हे दिल्लीत खासदार आणि वकिलांची भेट घेणार असल्याची माहीती समोर येत आहे. एकनाथ शिंदे हे दिल्लीत महायूतीतल्या मोठ्या नेत्यांचीही भेट घेण्याची शक्यता आहे.
-
शिरूर तालुक्यातील पिंपरी दुमाला परिसरात चोरट्यांचा धुमाकूळ; मध्यरात्री तीन घरे फोडली!
शिरूर तालुक्यातील पिंपरी दुमाला परिसरात मध्यरात्री चोरट्यांनी तीन घरे फोडल्याची घटना समोर आली आहे. यामध्ये काही घरांतून रोख रक्कम, तर काही ठिकाणांहून इतर वस्तूंची चोरी करण्यात आल्याची प्राथमिक माहिती आहे. एकाच रात्री अनेक ठिकाणी चोरीच्या घटना घडल्याने परिसरातील नागरिकांमध्ये भीतीचे वातावरण निर्माण झाले आहे. आधीच दुष्काळाच्या संकटाचा सामना करणाऱ्या शिरूर तालुक्यात आता चोरीच्या घटनांमुळे नागरिकांच्या सुरक्षिततेचा प्रश्न ऐरणीवर आला आहे.
चोरट्यांचा बंदोबस्त करण्यासाठी पोलिसांनी तातडीने तपास करून संबंधितांवर कठोर कारवाई करावी, तसेच रात्रीची गस्त वाढवावी, अशी मागणी परिसरातील नागरिकांकडून होत आहे. या घटनांमुळे नागरिकांमध्ये चिंतेचे वातावरण असून, पोलिसांच्या पुढील कारवाईकडे सर्वांचे लक्ष लागले आहे.
-
पावसाने दडी मारल्याने नंदुरबारचा बळीराजा आर्थिक संकटात
पावसाने दडी मारल्याने नंदुरबारचा बळीराजा आर्थिक संकटात सापडला आहे. गेल्या दोन महिन्यांपासून पावसाचा खंड पडल्याने सोयाबीन पीक उद्ध्वस्त झालं आहे. पावसाअभावी सोयाबीनचे पीक अक्षरशः करपून गेले आहे. कापूस, मका, ज्वारीपाठोपाठ सोयाबीन पिकालाही मोठा फटका बसला आहे. पिकासाठी केलेला लाखोंचा खर्च डोळ्यासमोर वाया गेल्यामुळे शेतकरी हवालदिल झाला आहे. प्रशासनाकडून नुकसानीचे पंचनामे सुरू असून तातडीने पंचनामे पूर्ण करण्याची मागणी करण्यात येत आहे.
-
उमरगा तालुक्यातील बोरी येथे पीक कंपनी प्रयोगाला आमदार प्रवीण स्वामी यांची उपस्थिती
धाराशिव जिल्ह्यात पावसाअभावी सोयाबीन उत्पादक शेतकरी मोठ्या संकटात सापडले आहेत. नारंगवाडी मंडळातील बोरी येथे करण्यात आलेल्या सोयाबीन कापणी प्रयोगात 10 बाय 5 मिटरच्या प्लॉटमध्ये अवघे ५१० ग्रॅम सोयाबीनचे उत्पन्न मिळाल्याने शेतीच्या नुकसानीची दाहकता समोर आली आहे. आमदार प्रवीण स्वामी यांनी प्रत्यक्ष उपस्थित राहून या कापणी प्रयोगाची पाहणी केली. पावसाचा खंड आणि हवामानातील बदलांमुळे सोयाबीन उत्पादकांचे मोठे नुकसान झाले आहे. त्यामुळे शेतकऱ्यांना तातडीने योग्य नुकसानभरपाई आणि पीकविम्याची मदत मिळावी, यासाठी शासनाकडे पाठपुरावा करणार असल्याची ग्वाही आमदार प्रवीण स्वामी यांनी दिली आहे.
-
सोलापूर जिल्ह्यात यंदाच्या वर्षी केवळ 2 लाख 27 हजार हेक्टर ऊस उपलब्ध
सोलापूर जिल्ह्यात यंदाच्या वर्षी केवळ 2 लाख 27 हजार हेक्टर ऊस उपलब्ध आहे. जिल्ह्यातील तब्बल 32 हजार 948 हेक्टर क्षेत्र घटले आहे. त्यामुळे विविध कारखान्यांकडून उसाची पळवा पळवी होण्याची शक्यता आहे. त्यातच चाऱ्यासाठी मोठ्या प्रमाणात ऊस वापरला जाणार असल्याने उसाचा तुटवडा आणखी वाढणार असल्याचं सांगण्यात येत आहे. तर दुसरीकडे दुष्काळामुळे ऊस वाढ फुटल्याने उत्पादकतेतही घट होणार आहे.
-
पर्यावरण संवर्धनाचा संदेश घेऊन ‘वसुंधरा पायी दिंडी’ नाणीजधामकडे रवाना
वसई:- पर्यावरण संवर्धन, स्वच्छता आणि सामाजिक बांधिलकीचा संदेश देत वसई वून रत्नागिरी जिल्ह्यातील श्रीक्षेत्र नाणीजधाम पर्यंत ‘वसुंधरा पायी दिंडी रवाना झाली आहे. जगद्गुरू श्रीमद् रामानंदाचार्य नरेंद्राचार्य यांच्या संकल्पनेतून निघालेल्या या दिंडीत शेकडो महिला, मुली, पुरुष भाविक सहभागी झाले आहेत. विशेष म्हणजे, ग्लोबल वॉर्मिंगसारख्या गंभीर जागतिक समस्येकडे समाजाचे लक्ष वेधण्याचा प्रयत्न या उपक्रमातून केला जात आहे. केवळ जनजागृती न करता दिंडीच्या संपूर्ण व्यवस्थापनातून पर्यावरणपूरक आचरणाचा आदर्श निर्माण करण्यावरही भर देण्यात आला आहे.