दिवाळीच्या सुट्टीत पर्यटनासाठी एसटी सज्ज, राज्यभरातील आगारातून दररोज 1000 जादा गाड्या
प्रवाशांच्या सोयीसाठी एसटी महामंडळाने राज्यभरातील आगारातून दररोज सुमारे 1 हजार जादा गाड्यांचे नियोजन केले आहे. 29 ऑक्टोबर ते 8 नोव्हेंबर 2021 या कालावधीत या जादा बसेस सोडण्यात येणार आहेत.
मुंबई : आगामी दिवाळीचा सण तसेच येणाऱ्या सलग सुट्ट्यांमध्ये पर्यटनाला आणि गावी जाणाऱ्या प्रवाशांसाठी एसटी पुन्हा एकदा सज्ज झाली आहे. महाराष्ट्रातील पर्यटन स्थळांच्या भेटीसाठी जाणाऱ्या प्रवाशांच्या सोयीसाठी एसटी महामंडळाने राज्यभरातील आगारातून दररोज सुमारे 1 हजार जादा गाड्यांचे नियोजन केले आहे. 29 ऑक्टोबर ते 8 नोव्हेंबर 2021 या कालावधीत या जादा बसेस सोडण्यात येणार आहेत. या जादा गाड्या आरक्षणासाठी उपलब्ध होणार आहेत. प्रवाशांनी या जादा गाड्यांचा लाभ घ्यावा, असे आवाहन परिवहन मंत्री तथा एसटी महामंडळाचे अध्यक्ष ॲड. अनिल परब यांनी केले आहे.
राज्यभरातील आगारातून दररोज 1000 जादा गाड्या
दिवाळीच्या सुट्टीत प्रवाशी महाराष्ट्रातील अनेक पर्यटन स्थळांना भेट देतात. तर अनेक जण आपापल्या गावी जातात. किफायतशीर दर आणि सुरक्षित प्रवास म्हणून प्रवासी दरवर्षी एसटीतून प्रवासाला प्राधान्य देतात. गेल्यावर्षी राज्यावर असलेले कोरोनाचे संकट पाहता प्रवाशांनी पर्यटनाकडे पाठ फिरवली होती. यंदा महामंडळाने प्रवाशांच्या सोयीसाठी नियमित गाड्या व्यतिरिक्त राज्यभरातील आगारातून दररोज 1000 जादा गाड्या सोडण्याचा निर्णय घेतला आहे.
सर्व गाड्या स्वच्छ ठेवा, निर्जंतुकीकरण करा
सुट्ट्यांमुळे प्रवाशांची होणारी वाढती गर्दी पाहता गाड्यांचे योग्य नियोजन करा. सर्व बसेस सुस्थितीत ठेवा. तसेच कोरोनाच्या पार्श्वभूमिवर खबरदारीचा उपाय म्हणून सर्व गाड्या स्वच्छ आणि निर्जंतुकीकरण कराव्यात, असे निर्देश ॲड. परब यांनी अधिकाऱ्यांना दिले आहेत. तसेच प्रवाशांनीही प्रवासादरम्यान मास्क लावणे, सॅनिटाईजचा वापर आदी कोरोनाविषयक नियमांचे पालन करावे, अशी सूचनाही त्यांनी केली.
प्रवाशांना आगावू आरक्षण करण्याचा पर्याय उपलब्ध
दरम्यान, प्रवाशांची गैरसोय टाळण्यासाठी एसटी महामंडळाने आगाऊ आरक्षण करण्यासाठी ऑनलाईन पर्याय उपलब्ध करुन दिला आहे. http://public.msrtcors.com/ व MSRTC Mobile Reservation App या अधिकृत संकेतस्थळ व मोबाईल अॅपवर प्रवाशांना आगाऊ आरक्षण करता येईल.
इतर बातम्या :
VIDEO: शिवसेनेतून माझी हकालपट्टी?, उगाच काही तरी म्हणू नका; राणे मीडियावरच भडकतात तेव्हा
Video | Pune Rain | पुणे शहर आणि पिंपरी, चिंचवडमध्ये मुसळधार पावसाची हजेरी #Pune #Rain #RainUpdate #Monsoon #HeavyRain
अन्य बातम्या, व्हिडीओ पाहा – https://t.co/BV9be230nv pic.twitter.com/y1mSAgIn7X
— TV9 Marathi (@TV9Marathi) October 9, 2021
(msrtc department will run 1000 additional buses for deepavali festival and tourist)
