पूरग्रस्तांना मदत करताना पोलीस कर्मचाऱ्याचा मृत्यू, मुख्यमंत्री एकनाथ शिंदे यांनी अशी घेतली दखल

मुंबई : गेल्या तीन दिवसांपासून राज्यात मुसळधार सुरू आहे. वीज पडून भंडाऱ्यात दोन महिलांचा मृत्यू झाला. पूरग्रस्तांना मदत करण्यासाठी पोलीस तत्पर असतात. पोलिसांना घटनास्थळी जाऊन काम करावं लागते. पूरग्रस्तांना मदत करावी लागते. कर्तव्यावर असताना पोलीस कर्मचाऱ्याचा मृत्यू झाला. ही घटना उरण पोलीस ठाण्या अंतर्गत घडली. एपीआय विशाल राजवाडे हे कर्तव्यावर होते. विशाल राजवाडे हे रात्रभर उरण भागातील चिरनेर भागात पूरग्रस्तांना मदत करत होते. चिरनेर भागात पूरपरिस्थिती निर्माण झाली होती. स्वतः फिल्डवर उतरून विशाल राजवाडे हे पूरग्रस्तांना मदतीचा हात देत होते. त्याचवेळी त्यांना ह्रदयविकाराचा झटका आला. त्यांच्या मृत्यूने पोलीस दलात हळहळ व्यक्त होत आहे.

कर्तव्यावर असताना मृत्यू

पोलीस परिवार या संस्थेनं हा विषय मुख्यमंत्री एकनाथ शिंदे यांच्यापर्यंत पोहचवला. मुख्यमंत्री एकनाथ शिंदे यांनी नवी मुंबई पोलीस आयुक्त मिलिंद भारांबे यांना फोन केला. विशाल राजवाडे यांचा कर्तव्यावार असताना मृत्यू झाला. त्यांच्या कुटुंबीयांना शक्य तेवढी मदत करा.

मुख्यमंत्री शिंदे यांनी व्यक्त केली हळहळ

तसेच अनुकंपा तत्वावर कुटुंबायातील व्यक्तीला घेण्यात येऊ शकतं का? यासाठी तपासणी करण्याचे आदेश देण्यात आले आहेत. स्वतः मुख्यमंत्री एकनाथ शिंदे यांनी या घटनेवर हळहळ व्यक्त केली. झालेली घटना ही वेदनादायी असल्याचं भावना व्यक्त केली.

मुख्यमंत्री सहाय्यता निधीतून मदत

यापूर्वीच मुख्यमंत्री सहाय्यता निधीतून मदत करण्यासाठी ८६५०५६७५६७ हा मोबाईल क्रमांक दिला आहे. मुख्यमंत्री सहायता निधीचा अर्ज मोबाईलवर उपलब्ध करून दिला जातो. आर्थिकदृष्ट्या दुर्बल घटकांना दुर्धर आजारावर उपचार करण्यासाठी सीएम निधीतून मदत केली जाते. कर्करोगाशिवाय ह्रदयविकार, अपघात, गडघा प्रत्यारोपण, किडनी विकार यासाठी अर्ज येत असतात.