मुंबईत बेडसाठी पैसे देण्याची गरज नाही, अफवांवर विश्वास ठेऊ नका, बीएमसीचं आवाहन

बेडची विक्री करणाऱ्यांविरोधात पोलीस तक्रार (एफआयआर) दाखल करण्याचे निर्देश आयुक्त इकबाल चहल यांनी दिले.

मुंबईत बेडसाठी पैसे देण्याची गरज नाही, अफवांवर विश्वास ठेऊ नका, बीएमसीचं आवाहन
वादग्रस्त व्हिडीओबाबत मुंबई महापालिकेचा आक्रमक पवित्रा
प्रविण शिंदे, टीव्ही 9 मराठी डिजीटल टीम

|

May 13, 2021 | 1:56 AM

मुंबई : बृहन्मुंबई महानगरपालिका क्षेत्रातील कोविड आरक्षित बेडची अनधिकृतपणे विक्री होत असल्याच्या बातम्या प्रसारमाध्यमांमधून प्रसारित झाल्या. यानंतर एकच खळबळ उडाली. याची गंभीर दखल घेत आता महापालिका आयुक्त इकबाल सिंह चहल यांनी घेतली. त्यांनी संबंधित सर्व अधिष्ठाता, वैद्यकीय अधीक्षक व संबंधित वरिष्ठ अधिकाऱ्यांना महापालिकेच्या रुग्णालयांमधील बेड वितरणाबाबत अत्यंत काटेकोर दक्षता घेण्याचे निर्देश दिले आहेत. यासाठी दररोज सकाळी रुग्णशय्या विषयक आढावा घेण्याचेही निर्देश आयुक्त महोदयांनी दिले आहेत. त्याचबरोबर अशाप्रकारे बेडची विक्री करणाऱ्यांविरोधात पोलीस तक्रार (एफआयआर) दाखल करण्याचे निर्देश आयुक्तांनी दिले (BMC Commissioner order to file case against those who are black marketing of beds in Mumbai).

बीएमसीने नागरिकांना नम्र विनंती केलीय की, “बृहन्मुंबई महानगरपालिका क्षेत्रातील रुग्णालयांमध्ये सध्या पुरेशा प्रमाणात बेड उपलब्ध आहेत. त्यांचे वितरण अत्यंत पारदर्शक पद्धतीने नियंत्रण कक्षांद्वारे केले जात आहे. या विषयीची सर्व माहिती संबंधित संगणकीय प्रणालीच्या डॅशबोर्डवर उपलब्ध आहे. ही नियमितपणे अद्ययावत होत असते. तरी नागरिकांनी कोणत्याही प्रकारच्या अफवांवर किंवा दिशाभूल करणाऱ्या संदेशांवर विश्वास ठेवू नये. तसेच बेडची विक्री करत असल्याचे निदर्शनास आल्यास त्याची माहिती तात्काळ पोलिसांना किंवा महापालिकेच्या नियंत्रण कक्षाला द्यावी.”

मुंबईत सध्या 10 हजार 829 रुग्णशय्या (बेड) उपलब्ध

“बृहन्मुंबई महानगरपालिका क्षेत्रातील महापालिका, शासकीय व खासगी रुग्णालयांमध्ये सध्या एकूण 22 हजार 564 रुग्णशय्या आहेत. यापैकी 10 हजार 829 रुग्णशय्या सध्या उपलब्ध आहेत. यामध्ये ऑक्सिजन बेड, आयसीयू बेड, व्हेंटिलेटर बेड इत्यादी पुरेशा प्रमाणात उपलब्ध आहेत. विशेष म्हणजे खासगी रुग्णालयातील 80 टक्के रुग्णशय्या या कोविड बाधित रुग्णांसाठी राखीव आहेत,” असंही बीएमसीने नमूद केलंय.

‘कोविड बाधित रुग्णांना बेडचं वितरण 24 विभागीय वॉर्ड वॉररुममधून’

कोविड बाधित रुग्णांसाठी उपलब्ध रुग्णशय्यांचे वितरण हे बृहन्मुंबई महानगरपालिकेच्या 24 विभागस्तरीय वॉर्ड वॉररूमद्वारे करण्यात येते. तरी वैद्यकीय सल्ल्यानुसार ज्यांना रुग्णालयांमध्ये रुग्णशय्येची आवश्यकता आहे त्यांनी बृहन्मुंबई महानगरपालिकेच्या संबंधित नियंत्रण कक्षाशी संपर्क साधावा आणि नियंत्रण कक्षाद्वारेच बेड वितरण करवून घ्यावे, ही विनंती. महापालिकेच्या सर्व विभागस्तरीय नियंत्रण कक्षांचे संपर्क क्रमांक हे महापालिकेच्या संकेतस्थळावर आणि ट्विटर सारख्या समाज माध्यमातून यापूर्वीच प्रसारित करण्यात आले आहेत.

हेही वाचा :

मुंबई महापालिकेचं एक पाऊल पुढे, लसीसाठी ग्लोबल टेंडर काढलं, 1 कोटी डोसची मागणी

SRPF जवानांना मोठा दिलासा, बदलीसाठी 15 वर्षाची अट रद्द, आदित्य ठाकरेंच्या प्रयत्नांना यश

लसीकरण मोहीम आणि मुख्यमंत्र्यांच्या संवाद शैलीवर भातखळकरांची खोचक टीका

व्हिडीओ पाहा :

BMC Commissioner order to file case against those who are black marketing of beds in Mumbai

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें