Corona Vaccine for Child : कॉलेजला या लस घ्या, मुंबई महापालिकेचा 9 लाख मुलांच्या लसीकरणासाठी मेगा प्लॅन
केंद्र सरकारनं 15 ते 18 वर्ष वयोगटामधील मुलांचं लसीकरण (Corona Vaccine for Child) करण्यास मंजुरी दिल्यानंतर मुंबई महापालिका (BMC) देखील कामाला लागली आहे.
मुंबई: केंद्र सरकारनं 15 ते 18 वर्ष वयोगटामधील मुलांचं लसीकरण (Corona Vaccine for Child) करण्यास मंजुरी दिल्यानंतर मुंबई महापालिका (BMC) देखील कामाला लागली आहे. मुंबईतील लहान मुलांच्या लसीकरणासाठी महापालिकेनं मेगा प्लॅन तयार केला आहे. मुंबईत 15 ते 18 वयोगटातील 9 लाख लहान मुलांचं लसीकरण होणार आहे.
महाविद्यालयात मिळणार लस
कोरोना विषाणू संसर्ग आणि ओमिक्रॉनपासून बचाव करण्यासाठी सध्यातरी कोरोना लस हा एकमेव पर्याय आहे. त्यामुळं, संभाव्य तिसऱ्या लाटेपूर्वी 15 ते 18 वयोगटातील मुलांना लस देण्याचा निर्णय घेण्यात आला आहे. ज्युनिअर कॉलेजमध्ये देखील असणार लसीकरण केंद्रे असणार आहे. 11 वी आणि 12 वीच्या विद्यार्थ्यांना सुलभ लसीकरणाची सोय उपलब्ध करुन देण्यात येणार आहे. मुंबई महापालिकेच्या 350 लसीकरण केंद्रांवर 15 ते 18 वयोगटातील मुलांचं लसीकरण करण्यात येणार आहे.
केंद्रांच्या मार्गदर्शक सूचनांची प्रतीक्षा
केंद्र शासनाकडून सविस्तर गाईडलाईन येताच दोन ते तीन दिवसांत लहान मुलांचे लसीकरण सुरु करण्यात येणार आहे. प्रसुतीगृह आणि महापालिकेची 350 लसिकरण केंद्रे याठिकाणी लहान मुलांचे लसीकरण होईल. लहान मुलांना लस देण्यासाठीची सीरींज, नीडल कदाचित वेगळी असेल. नीडलची साईज काय असेल याबाबत अद्याप स्पष्टता नाही. याबाबत केंद्र सरकारकडून सविस्तर गाईडलाईन येणं गरजेचं असल्याचं सांगण्यात आलं आहे. मुंबई महापालिकेकडे पुरेसा लससाठा करण्यासाठी शीतगृह आहेतच. मात्र, लहान मुलांसाठीच्या लसीकरता वेगळ्या तापमानाची आवश्यकता असेल का याबाबतही गाईडलाईननंतर स्पष्टता येईल, असं सांगण्यात आलं आहे.
1500 जणांना प्रशिक्षण
1500 व्यक्तींच्या स्टाफला लहान मुलांच्या लसिकरणासाठी ट्रेनिंग देण्यात आलंय. खासगी रुग्णालयांतील डॉक्टर्सनाही ट्रेनिंग देण्यात येणार आहे. लहान मुलांच्या लसीकरणानंतर काही रिअॅक्शन्स आल्या तर यापूर्वीच उभारलेल्या पेडिएट्रीक वॉर्डचा वापर करता येऊ शकेल. लहान मुलांच्या लसीकरणाकरताही महापालिका जनजागृती मोहिम हातात घेईल, अशी माहिती आहे. प्रायोगिक तत्वावर ज्या लहान मुलांना आतापर्यंत लसी देण्यात आल्या आहेत त्यांच्यावर कोणतेही गंभीर रिअॅक्शन आढळलेल्या नाहीत, अशी माहिती आहे.
इतर बातम्या:
मोठी बातमी! समीर मेघेंसह अधिवेशनातील 32 जणांना कोरोनाची लागण, 32 जणांमध्ये कुणाकुणाचा समावेश?
Corona Vaccine for Child BMC prepare plan to 9 lakh children’s corona vaccination programme wait for Center guidelines
