AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

मुंबईत सरकारी हॉस्पिटलमध्ये डॉक्टरांकडून उपोषणाची हाक, मागण्या काय?

जे. जे. रुग्णालयातील निवासी डॉक्टरांनी आपल्या हक्कांसाठी आमरण उपोषण सुरू केले असून, यामुळे रुग्णसेवा विस्कळीत झाली आहे. जिमखाना स्वायत्तता आणि हॉस्टेलच्या समस्यांबाबत प्रशासनाच्या भूमिकेकडे आता सर्वांचे लक्ष लागले आहे.

मुंबईत सरकारी हॉस्पिटलमध्ये डॉक्टरांकडून उपोषणाची हाक, मागण्या काय?
mumbai dr Protest
| Updated on: Feb 16, 2026 | 12:18 PM
Share

मुंबईतील ऐतिहासिक आणि आशियातील अग्रगण्य समजल्या जाणाऱ्या जे. जे समूह रुग्णालयातील निवासी डॉक्टरांनी आजपासून आमरण उपोषणाची सुरु केले आहे. आपल्या प्रलंबित मागण्यांसाठी जे जे रुग्णालयातील डॉक्टरांनी आरपारची लढाई सुरू केली आहे. वारंवार पाठपुरावा करूनही प्रशासनाकडून सकारात्मक प्रतिसाद मिळताना दिसत नाही. त्यामुळे आजपासून तब्बल २०० निवासी डॉक्टरांनी सामूहिक आणि अनिश्चित काळासाठी उपोषणाचे हत्यार उपसले आहे.

पहिल्या दिवसापासूनच रुग्णसेवेवर परिणाम

निवासी डॉक्टर हे कोणत्याही सरकारी रुग्णालयाचा कणा असतात. जे. जे. सारख्या मोठ्या रुग्णालयात बाह्यरुग्ण विभाग (OPD), वॉर्डमधील देखरेख आणि आपत्कालीन शस्त्रक्रिया यामध्ये निवासी डॉक्टरांची भूमिका महत्त्वाची असते. आज पहिल्याच दिवशी २०० डॉक्टर संपात सहभागी झाले आहेत. त्यामुळे रुग्णालयाबाहेर रुग्णांच्या रांगा लागल्याचे दिसत आहे. या उपोषणामुळे अनेक नियोजित शस्त्रक्रिया पुढे ढकलण्याची वेळ प्रशासनावर आली आहे.

आम्हाला रुग्णांना त्रास द्यायचा नाही, पण आमच्या हक्कांच्या रक्षणासाठी आणि स्वायत्ततेसाठी हे पाऊल उचलणे भाग पडले आहे. जोपर्यंत प्रशासन लेखी आश्वासन आणि ठोस कृती करत नाही, तोपर्यंत आमचे उपोषण सुरूच राहील,” असा पावित्रा डॉक्टर असोसिएशनचे सरचिटणीस ऋषिकेश शिंदे यांनी घेतला आहे.

डॉक्टरांच्या प्रमुख मागण्या काय?

निवासी डॉक्टरांच्या या आंदोलनामागे केवळ आर्थिक मागण्या नसून प्रशासकीय कार्यपद्धतीवर गंभीर आक्षेप नोंदवण्यात आले आहेत. यावेळी डॉक्टरांच्या काही प्रमुख मागण्याही समोर आल्या आहेत.

१. जिमखान्याची स्वायत्तता: ग्रँट मेडिकल कॉलेज जिमखानाच्या दैनंदिन कामकाजात रुग्णालय प्रशासनाकडून सतत हस्तक्षेप केला जातो, असा आरोप डॉक्टरांनी केला आहे. निवडून आलेल्या विद्यार्थी संघटनेच्या अधिकारांना प्रशासनाकडून बगल दिली जात आहे.

२. मूलभूत सुविधांचा अभाव: डॉक्टरांच्या वसतिगृहातील (Hostels) दुरावस्था आहे. अनेक ठिकाणी पिण्याचे शुद्ध पाणी आणि स्वच्छता यांसारख्या मूलभूत गरजांसाठीही डॉक्टरांना संघर्ष करावा लागत आहे.

३. सुरक्षेचा प्रश्न: रुग्णालयातील अपुरी सुरक्षा व्यवस्था हा नेहमीच वादाचा विषय राहिला आहे. निवासी डॉक्टरांवर होणारे हल्ले रोखण्यासाठी ठोस उपाययोजनांची मागणी करण्यात आली आहे.

४. पगार आणि विद्यावेतन: थकीत पगार आणि विद्यावेतन वेळेवर मिळावे, ही डॉक्टरांची जुनी मागणी अद्याप प्रलंबित आहे.

दरम्यान या आंदोलनाबाबत जे. जे. रुग्णालय प्रशासनाने अधिकृत भूमिका अद्याप स्पष्ट केलेली नाही. मात्र, रुग्णसेवा विस्कळीत होऊ नये म्हणून पर्यायी व्यवस्था म्हणून वरिष्ठ डॉक्टरांना कामावर राहण्याचे आदेश देण्यात आले आहेत. आता वैद्यकीय शिक्षण विभाग यावर काय तोडगा काढतो, हे पाहणं महत्त्वाचं ठरणार आहे.

Follow Us
शिंदे सेनेला सोडचिठ्ठी, भाजपमध्ये प्रवेश! त्या बड्या नेत्याच्या पक्ष..
Shivsena : BJP : शिंदे सेनेला सोडचिठ्ठी, भाजपमध्ये प्रवेश! त्या बड्या नेत्याच्या पक्षबदलाने पालघरच्या राजकारणात खळबळ
शिंदेंचा प्रवासाचा प्लॅन बदलला; रस्तेमार्गे पुण्याकडे रवाना....
Eknath Shinde : हेलिकॉप्टरमध्ये बिघाड, शिंदेंचा प्रवासाचा प्लॅन बदलला; पंढरपुरातून रस्तेमार्गे पुण्याकडे रवाना
शायना एन.सी. यांच्याविरोधात ठाकरे गटाच्या शिवसैनिकांचं आंदोलन...
Pune : बाळासाहेबांचा अवमान सहन करणार नाही...; शायना एन.सी. यांच्याविरोधात ठाकरे गटाच्या शिवसैनिकांचं आंदोलन
शिवसेना पक्ष, चिन्हासंदर्भात आजची सुनावणी संपली; पुढील सुनावणी कधी?
Shivsena Supreme Court Hearing : शिवसेना पक्ष, चिन्हासंदर्भात आजची सुनावणी संपली; पुढील सुनावणी कधी?
13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ
GTA 6 Launch : तब्बल 13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ
एकनाथ शिंदे निर्णय घेतील; शायना एनसी यांच्याबबात आणखी काय म्हणाल्या...
एकनाथ शिंदे निर्णय घेतील; शायना एनसी यांच्याबबात आणखी काय म्हणाल्या रितू तावडे?
शिवसेना पक्षचिन्ह सुनावणीदरम्यान... अपात्रता प्रकरणात मला रिजॉइंडर...
शिवसेना पक्षचिन्ह सुनावणीदरम्यान... अपात्रता प्रकरणात मला रिजॉइंडर करायचा आहे, सिब्बल नेमके काय म्हणाले?
मोठी बातमी! पंढरपुरात शिंदेंच्या हेलिकॉप्टरमध्ये बिघाड; नेमकं काय घडलं
Eknath Shinde : मोठी बातमी! पंढरपुरात शिंदेंच्या हेलिकॉप्टरमध्ये बिघाड; नेमकं काय घडलं?
गुवाहाटीमध्ये बसून व्हीप कोण असेल हे शिंदे ठरवू शकत नाहीत; कपिल सिब्बल
Shivsena Hearing : गुवाहाटीमध्ये बसून व्हीप कोण असेल हे शिंदे ठरवू शकत नाहीत; कपिल सिब्बल यांचा सुप्रीम कोर्टात जोरदार युक्तिवाद
पहिल्यांदा चाकू लागला तेव्हा वाचलास, आता गोळी लागली तर…; सैफ अली खानला
Saif Ali Khan Threat : पहिल्यांदा चाकू लागला तेव्हा वाचलास, आता गोळी लागली तर…; सैफ अली खानला धमकीचा मेसेज