प्राजक्त तनपुरे अनिल देशमुखांच्या वाटेनं जाणार, किरीट सोमय्यांच्या टार्गेटवर राष्ट्रवादीचा नवा नेता

भाजप नेते किरीट सोमय्यांनी (Kirit Somaiya) आज पुन्हा एकदा भ्रष्टाचार आणि घोटाळ्याच्या मुद्यावरुन ठाकरे सरकारवर (Thackeray Government) टीका केलीय.

प्राजक्त तनपुरे अनिल देशमुखांच्या वाटेनं जाणार, किरीट सोमय्यांच्या टार्गेटवर राष्ट्रवादीचा नवा नेता
किरीट सोमय्या

मुंबई: भाजप नेते किरीट सोमय्यांनी (Kirit Somaiya) आज पुन्हा एकदा भ्रष्टाचार आणि घोटाळ्याच्या मुद्यावरुन ठाकरे सरकारवर (Thackeray Government) टीका केलीय. किरीट सोमय्यांनी राष्ट्रवादी काँग्रेसचे अध्यक्ष शरद पवार (Sharad Pawar) यांच्यावरही आरोप केला. राज्यमंत्री प्राजक्त तनपुरे (Prajakt Tanpure) यांची काल ईडीकडून (ED) चौकशी करण्यात आली होती. याविषयी बोलताना किरीट सोमय्यांनी प्राजक्त तनपुरे हे अनिल देशुख यांच्या वाटेवर असून त्यांच्यावर कारवाई होणार असल्याचं म्हटलं आहे.

ठाकरे सरकारच्या मंत्र्यांवर  आरोप

ठाकरे सरकारचे मंत्र्यांचे, नेत्यांचे अनेक घोटाळाचे उद्योग बाहेर येत आहेत. यशवंत जाधव, अजित पवार, अनिल परब आणि प्राजक्त तनपुरे यांच्यावर कारवाई होणार असल्याचं किरीट सोमय्या म्हणाले.

राज्याचे माजी मुख्य सचिव सिताराम कुंटे ईडी चौकशीला उपस्थित राहिल्याबद्दल विचारले असता किरीट सोमय्यांनी शरद पवार काय करू शकतात हे राज्याच्या जनतेला कळेल. लाखो शेतकऱ्यांचे सहकारी साखर कारखाने एनसीपीच्या नेत्यांच्या नावाने वळवण्यात आले. राम गणेश गडकरी साखर कारखाना प्राजक्त तनपुरेंच्या नावाने ट्रान्सफर करण्यात आला. 100 कोटीची संपत्ती 13 कोटीत दिली गेली तीच संपत्ती तनपुरे यांनी अनिल देशमुख यांना पास ऑन केली.

प्राजक्त तनपुरेंवर कारवाई होणार

प्राजक्त तनपुरे हे अनिल देशमुखांच्या वाटेवर असून त्यांच्यावरही कारवाई होणार असल्याचं किरीट सोमय्या म्हणाले. शरद पवारांच्या आशीर्वादानं अनिल देशमुख यांनी बेनामी पद्धतीनं प्राजक्त तनपुरे यांच्याद्वारे रामगणेश गडकरी साखर कारखाना काबीज केला, असं किरीट सोमय्या म्हणाले. त्याचे पुरावे बाहेर आले आहेत, त्यांच्या अडचणी वाढणार असल्याचं सोमय्यांनी म्हटलं.

अनिल परब यांचा रिसॉर्ट अवैध होता

अनिल परब हे ऊद्धव ठाकरेंचे लाडके , पण त्यांच्या रिसॉर्टचा एनए/ गैरकृषी परवाना हा ऊद्धव ठाकरे सरकारनेच रद्द केला. म्हणजे हा रिसॉर्ट अवैध होता. परवाना अवैध पद्धतीने मिळवला होता.

इतर बातम्या:

Ratnagiri Elections | रत्नागिरीतील नगरपंचायत निवडणुकीत उलथापालथ, शिवसेना राष्ट्रवादीची आघाडी, नव्या समीकरणांचा आमदार कदमांना फटका

संजय राऊत एक नंबरचे डबल ढोलकी, ममता बॅनर्जींसोबत मुंबईत राहुल गांधींसोबत दिल्लीत त्यांच्या सुरात सूर मिसळतात, चंद्रकांत पाटलांची टीका

Kirit Somaiya said Prajakt Tanpure transfer Ram Ganesh Gadkari Sugar Mill to Anil Deshmukh ED take action against him

Published On - 9:17 am, Wed, 8 December 21

Click on your DTH Provider to Add TV9 MARATHI