Pratap Sarnaik | प्रताप सरनाईक ईडी कार्यालयात हजर राहणार
या आदेशानंतर आता प्रताप सरनाईक आणि विहंग ईडीसमोर हजर होणार आहेत. (MLA Pratap Sarnaik Will Appears In ED office)
मुंबई : शिवसेना आमदार प्रताप सरनाईक यांना सर्वोच्च न्यायालयाकडून अटकेपासून संरक्षण मिळाल्यानंतर आता ते ईडी कार्यालयासमोर हजर होणार आहे. प्रताप सरनाईकांसह मुलगा विहंग सरनाईक उद्या (10 डिसेंबर) ईडीसमोर हजर होणार आहे. टॉप्स सिक्युरिटी घोटाळ्याबाबत 24 नोव्हेंबर रोजी ईडीने प्रताप सरनाईक यांचे घर आणि कार्यालयावर धाडी टाकल्या होत्या. याप्रकरणी त्यांची चौकशी केली जाणार आहे. (MLA Pratap Sarnaik Will Appears In ED office)
मिळालेल्या माहितीनुसार, प्रताप सरनाईक आणि विहंग सरनाईक उद्या सकाळी 11 वाजता सक्तवसुली संचालनालय (ED) समोर हजर होणार आहे. याआधी या दोघांनी ईडीने अनेकदा समन्स बजावला आहे. मात्र यानंतरही ते दोघेही ईडीसमोर हजर राहिले नव्हते.
मात्र नुकतंच प्रताप सरनाईक यांनी सर्वोच्च न्यायालयाने संरक्षण दिले आहे. प्रताप सरनाईक आणि त्यांच्या कुटुंबियांवर कुठलीही कारवाई करु नये, असे आदेश दिले आहेत. ईडी सरनाईक कुटुंबाला चौकशीसाठी बोलवू शकते. मात्र त्यांना अटक करु शकत नाही, असेही सर्वोच्च न्यायालयाच्या आदेशात नमूद केले आहे. या आदेशानंतर आता प्रताप सरनाईक आणि विहंग ईडीसमोर हजर होणार आहेत.
अमित चांदोळेंना तीन दिवसाची कोठडी
टॉप ग्रुप आर्थिक गैरव्यवहार प्रकरणी 25 नोव्हेंबरला अमित चांदोळे यांची ईडीने कसून चौकशी केली होती. त्यानंतर रात्री उशिरा त्यांना अटक करण्यात आली. 26 नोव्हेंबरला सकाळी ईडीने चांदोळे यांना कोर्टासमोर हजर केले असता कोर्टाने चांदोळे यांना तीन दिवसाची कोठडी सुनावली आहे. चांदोळे यांच्या चौकशीतून अनेक धक्कादायक माहिती पुढे येण्याची शक्यता वर्तवण्यात येत आहे. टॉप ग्रुप आर्थिक गैरव्यवहार प्रकरणातील ही अत्यंत महत्त्वाची चौकशी मानली जात चांदोळे यांच्याकडून मिळालेल्या माहितीच्या आधारे ईडी पुढील सूत्रे हलवणार असल्याचं सूत्रांनी सांगितलं.
ईडीची सरनाईकांच्या घर, कार्यालयावर छापेमारी
दरम्यान, ईडीने 24 नोव्हेंबर रोजी प्रताप सरनाईक आणि त्यांचे सुपुत्र विहंग आणि पूर्वेश सरनाईक यांच्या घर आणि कार्यालयावर छापे मारले होते. त्यानंतर विहंग यांची ईडीने पाच तास चौकशी केली होती. ईडीने सरनाईक यांच्या घर, कार्यालय आणि हॉटेलसह 10 ठिकाणांवर छापे मारले होते. त्यावेळी सरनाईक मुंबईत नव्हते. ते भारताबाहेर होते. मात्र, ईडीचे छापे पडल्याचं कळताच ते भारतात आले आणि त्यांनी तडक प्रभादेवीतील ‘सामना’ कार्यालयात जाऊन शिवसेना नेते संजय राऊत यांची भेट घेतली. तब्बल दीड तास या दोघांमध्ये बंद दाराआड चर्चा झाली. त्यानंतर बोलताना ईडीने कारवाई का केली? कशासाठी केली? याची काहीच कल्पना नसल्याचं सरनाईक यांनी सांगितलं होतं. (MLA Pratap Sarnaik Will Appears In ED office)
संबंधित बातम्या :
आमदार प्रताप सरनाईक यांचा मुलगा विहंगला ईडीकडून पुन्हा चौकशीसाठी बोलावलं जाण्याची शक्यता
प्रताप सरनाईकांना मोठा दिलासा, सर्वोच्च न्यायालयाकडून अटकेपासून संरक्षण
