काळजाचा ठोका चुकला, मुंबईत रेल्वे पटरी वाकडी झाली, समोरुन लोकल आली अन्…पाहा Video

मुंबई | दि. 11 मार्च 2024 : मुंबईमधील धक्कादायक घटना समोर आली आहे. मुंबईतील मिरारोड रेल्वे स्थानकावर मोठी दुर्घटना टळली आहे. मिरा रोड स्थानकावर रेल्वे पटरी वाकडी झाली होती. ट्रॅकवरुन एक एक्स्प्रेस ट्रेन गेली. त्यावेळी गाडीचे डब्बे हालत असल्याचे दिसले. ती ट्रेन गेल्यानंतर मजुरांनी रेल्वे पटरी पाहिली. त्यावेळी रेल्वे पटरी वाकडी झाल्याचे रेल्वे मजुरांच्या लक्षात आले. त्यानंतर ही घटना वरिष्ठांना कळवण्यात आली. पुढे जे काही घडले त्याचा व्हिडिओ समोर आला आहे. रेल्वे पटरी वाकडी झाल्याची घटना मजुरांच्या लक्षात आली नसती तर मोठी दुर्घटना घडली असती.

नेमके काय घडले

मिरारोड रेल्वे स्थानकावरील घटनेचा व्हिडिओ व्हायरल झाला आहे. या ठिकाणी प्लॅटफॉर्म क्रमांक ४ वर रविवारी दुपारी चार वाजता एक एक्सप्रेस गेली. ती गाडी जात असताना तिचे कोच हालत होते. त्यामुळे रेल्वे मजूर ती पटरी असलेल्या ठिकाणी पोहचले. रेल्वे कामगार पाहण्यासाठी गेले असता रेल्वे पटरी वाकडी झाल्याचे आढळून आले. त्यानंतर ही घटना वरिष्ठांना कळवण्यात आली. घटनास्थळी त्वरीत रेल्वे पोलीस दलाचे जवान आले.

मुंबईत लोकल ट्रेन येत असताना रेल्वे पटरी वाकडी झाल्याचे दिसले. मग कशी आली लोकल पाहा.#Mumbai #mumbairailway pic.twitter.com/8gSPoHsbTb

— jitendra (@jitendrazavar) March 11, 2024

लोकलमधून येणाऱ्या प्रवाशांना उतरवले

मिरारोडकडून चर्चगेटकडे जाणारी एक लोकल त्यावेळी येत होते. त्या गाडीचा मोटरमनला या घटनेची माहिती देण्यात आली. रेल्वे पटरी वाकडी झालेल्या ठिकाणापूर्वीच लोकल थांबवण्यात आली. लोकलमधील प्रवाशांना गाडीतून उतरवण्यात आले. त्यानंतर दहा किमीच्या स्पीडने रिकामी लोकल ट्रॅकवरुन सुरळीत गेली. यामुळे मोठी दुर्घटना टळली आणि सर्वांनी सुटकेचा नि:श्वास सोडला. बाजूच्या पटरीवर काम करणाऱ्या मजदूरांच्या सतर्कतेमुळे मोठा अनर्थ टळला.

का झाली पटरी वाकडी

ट्रकमधील दगड कमी झाल्याने ट्रक वाकडी झाल्याचे प्राथमिक माहिती आहे. या प्रकरणाची चौकशी करण्यात येणार आहे. या घटनेचा व्हिडिओ व्हायरल झाला आहे. त्यावर युजर्सकडून अनेक कॉमेंट केल्या जात आहे. तसेच त्या रेल्वे मजुरांचे आभारही व्यक्त केले जात आहेत.