भाजप पक्षामध्ये जावं असं काही सहकाऱ्यांचं म्हणणं….; शरद पवारांचा सर्वात मोठा खुलासा

Sharad Pawar on NCP Leader Stand About BJP : राष्ट्रवादी शरद पवार गटाचे अध्यक्ष शरद पवार यांनी एका मुलाखती दरम्यान मोठा गौप्यस्फोट केला आहे. भाजपसोबत जाण्यावर त्यांनी आपली प्रतिक्रिया दिली आहे. त्या मुलाखती दरम्यान शरद पवार नेमकं काय म्हणाले? वाचा सविस्तर...

भाजप पक्षामध्ये जावं असं काही सहकाऱ्यांचं म्हणणं....; शरद पवारांचा सर्वात मोठा खुलासा
शरद पवार
Follow us
| Updated on: May 26, 2024 | 1:25 PM

अजित पवार हे भाजपसोबत गेले. त्यानंतर शरद पवार यांच्या भूमिकेबद्दल अनेकांनी प्रश्नचिन्ह उपस्थित केलं गेलं. या शिवाय राष्ट्रवादी अजित पवार गटाच्या नेत्यांनी तर याआधीही शरद पवारांनी भाजपसोबत बोलणी केली होती, असा दावा केला. शरद पवार भाजपसोबत जाण्यासाठी चर्चा करत होते. मात्र ऐनवेळी त्यांनी आपला निर्णय बदलला, असं विधान तर खुद्द अजित पवारांनी देखील केलं आहे. त्यामुळे खरंच भाजप सोबत जाण्यासाठी शरद पवार सकारात्म होते का? त्यांची भूमिका नेमकी काय होती? या सगळ्यावर शरद पवारांनी भाष्य केलं आहे. एका मुलाखती दरम्यान शरद पवारांनी राष्ट्रवादीच्या नेत्यांचं म्हणणं काय होतं? आणि त्यांची भूमिका काय आहे? यावर भाष्य केलंय.

“भाजपमध्ये जावं, असं सहकारी म्हणाले”

2004, 2014, 2017, 2019 यावेळी शरद पवारांनी भाजपसोबत सत्तेत सहभागी होण्यासाठी चर्चा केली, असा दावा राष्ट्रवादीचे नेते करतात. त्यावर शरद पवारांनी उत्तर दिलं. आमच्या पक्षातील अनेक सहकाऱ्यांचं हे मत होतं की आपण भाजपसोबत जावं. दोन पद्धतीने त्यांच्यासोबत जाण्याबद्दल बोलत होते. एक त्यांच्याबरोबर सत्तेत जावं आणि दुसरं म्हणजे भाजप पक्षात जावं असं काही सहकाऱ्यांचं म्हणणं होतं, असं शरद पवारांनी सांगितलं.

पवार काय म्हणाले?

2004 मध्ये प्रफुल्ल पटेल यांचा आग्रह होता की, आपण भाजपसोबत जावं. त्यावेळी इंडिया शायनिंगची घोषणा झाली होती. अटलबिहारी वाजपेयींसारखा नेता दुसरं कुणाला स्विकारणार नाही. आपण त्यांच्याबरोबर जावं. त्यांच्या आघाडीत आपण सहभागी व्हावं. पण मी ते स्विकार नाही केलं, असं शरद पवार म्हणाले.

प्रफुल्ल पटेल आणि माझ्या विचारांमध्ये अंतर होतं. पण त्यांनी माझ्या विचारांचा आदर ठेवला. सुदैवाने आमचं सरकार सत्तेत आलं. प्रफुल्ल पटेल हे दहा वर्षे केंद्रीय मंत्रिमंडळात राहिले. ही वस्तुस्थिती आहे, असं शरद पवारांनी सांगितलं.

आता जे आमदार निवडून आले त्यातील बऱ्याच आमदारांचं म्हणणं होतं की आपण भाजपसोबत जावं. त्यामुळे मी म्हटलं की तुम्हाला चर्चा करायची असेल तर करा. काय प्रस्ताव असेल तो सांगा. पण त्यांचा प्रस्ताव आला तो पटणारा नव्हता. पण मी म्हटलं ज्यांना जायचं असेल त्यांना स्वातंत्र्य आहे. पण मी येणार नाही. नंतर आता एका ठराविक वेळेनंतर काही लोकांनी तो निर्णय घेतला, असं शरद पवार म्हणाले.

भाजपसोबत का गेले नाहीत?

माझे आणि भाजपचे विचार पूर्णपणे वेगळे आहेत. माझं कुटुंब डाव्या विचार सरणीचं. भाजपचा मी अनादर करत नाही. पण आमचे विचार वेगळे असल्याने त्यांच्यासोबत जाण्याचा मी निर्णय घेतला नाही, असं शरद पवारांनी सांगितलं.

Non Stop LIVE Update
झालेली चूक पुन्हा नको, पराभवानंतर अजित पवारांची कार्यकर्त्यांनी तंबी
झालेली चूक पुन्हा नको, पराभवानंतर अजित पवारांची कार्यकर्त्यांनी तंबी.
विधानसभेसाठी भाजपचा अॅक्शन प्लॅन ठरला, बावनकुळेंनी सविस्तर सांगितले...
विधानसभेसाठी भाजपचा अॅक्शन प्लॅन ठरला, बावनकुळेंनी सविस्तर सांगितले....
'यूज अँड थ्रो' ही भाजपाची प्रवृत्ती, रोहित पवारांचा थेट हल्लाबोल
'यूज अँड थ्रो' ही भाजपाची प्रवृत्ती, रोहित पवारांचा थेट हल्लाबोल.
केतकी चितळेसारखा आवाज उठवावा; VHP नं मांडली रोखठोक भूमिका, प्रकरण काय?
केतकी चितळेसारखा आवाज उठवावा; VHP नं मांडली रोखठोक भूमिका, प्रकरण काय?.
सुनेत्रा पवारांचा फॉर्म भरताना महायुतीचे नेते का नव्हते? दादा म्हणाले
सुनेत्रा पवारांचा फॉर्म भरताना महायुतीचे नेते का नव्हते? दादा म्हणाले.
हा रस्ता की नदी... पूर आल्यानं चिमुरड्यांसह वृद्धांचा जीवघेणा प्रवास
हा रस्ता की नदी... पूर आल्यानं चिमुरड्यांसह वृद्धांचा जीवघेणा प्रवास.
तुम्ही पवार-काँग्रेसची रखेल आहात का? शिरसाटांची जीभ घसरली, कुणावर टीका
तुम्ही पवार-काँग्रेसची रखेल आहात का? शिरसाटांची जीभ घसरली, कुणावर टीका.
मनोज जरांगे पाटील यांनी जरा दमानं घ्यावं, गुलाबराव पाटील काय म्हणाले?
मनोज जरांगे पाटील यांनी जरा दमानं घ्यावं, गुलाबराव पाटील काय म्हणाले?.
सत्तारांची मंत्रिमंडळातून हकालपट्टी होणार? भाजपचा आक्रमक, प्रकरण काय?
सत्तारांची मंत्रिमंडळातून हकालपट्टी होणार? भाजपचा आक्रमक, प्रकरण काय?.
Mumbai Rain Forecast: येत्या 24 तासात कसा पावसाचा जोर? IMDचा अंदाज काय
Mumbai Rain Forecast: येत्या 24 तासात कसा पावसाचा जोर? IMDचा अंदाज काय.