AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

आरारारा लय बेक्कार परिस्थिती… कुठे चाकू हल्ला तर कुठे हाणामारी, तर कुठे 12 तास रांगेत… पेट्रोल-डिझेलची राज्यात काय स्थिती?

Petrol And Diesel Situation: गेल्या महिन्याभरापासून राज्यातील अनेक भागात पेट्रोल आणि डिझेलच्या पुरवठ्यातील अनियमिततेचा फटका जनेतला सहन करावा लागत आहे. पावसाळा तोंडावर असताना शेतीच्या कामासाठी डिझेल मिळत नसल्याने शेतकरी संतापला आहे. तर पंपावर रोज माराकुट्या सुरू आहे, काय आहे राज्यातील स्थिती?

आरारारा लय बेक्कार परिस्थिती... कुठे चाकू हल्ला तर कुठे हाणामारी, तर कुठे 12 तास रांगेत... पेट्रोल-डिझेलची राज्यात काय स्थिती?
कुठे चाकू हल्ला तर कुठे हाणामारी, तर कुठे 12 तास रांगेतImage Credit source: टीव्ही ९ मराठी
| Edited By: | Updated on: May 20, 2026 | 11:24 AM
Share

Petrol And Diesel Situation: देशात एकाच आठवड्यात पेट्रोल आणि डिझेलच्या किंमतीत प्रति लिटर जवळपास 4 रुपयांची वाढ झाली आहे. तर राज्यातील अनेक भागात इंधनाचा सुरळीत पुरवठा होत नसल्याने पंपबाहेर लांबच लांब रांगा लागल्या आहेत. पेट्रोल आणि डिझेलचा टँकर आल्यावर वाहनधारकांची गर्दी तुटून पडत आहेत. पंपावर गोंधळाची स्थिती आहे. काही ठिकाणी वाहनधारकांमध्ये हाणामारी सुरू आहे. तर काही ठिकाणी बाचाबाचीच्या घटना घडल्या आहेत. पावसाळा तोंडावर आला आहे. शेतीच्या कामांना वेग आला आहे. पण ट्रॅक्टर आणि शेतीच्या पंपासाठी डिझेल मिळत नसल्याने शेतकरी संतापला आहे. अनेक ठिकाणी नागरिकांनी इंधन मिळत नसल्याने रस्त्यावरच ठिय्या मांडत आंदोलन केले आहे. तर काल जळगाव जिल्ह्यातील एका पेट्रोल पंपावर कर्मचार्‍याच्या पोटात चाकू खुपसण्यात आला. त्यामुळे पेट्रोल पंपावरील कर्मचारी या प्रकारामुळे धास्तावले आहेत. पेट्रोल पंपावर पोलिसांचा बंदोबस्त लावण्याची मागणी करण्यात येत आहे.

पेट्रोल पंप कर्मचाऱ्यावर चाकूने प्राणघातक हल्ला

जळगाव जिल्ह्यातील म्हसावद येथील पंपावर पेट्रोल डिझेल साठा शिल्लक नसल्याने तसेच पेट्रोल देण्यास नकार दिल्याचे रागातून कर्मचार्‍यांच्या पोटात चाकू खुपसला. तुषार गुरव असे २१ वर्षीय जखमी पेट्रोल पंप कर्मचाऱ्याचे नाव आहे. याप्रकरणी हल्ला करणाऱ्या दोन अनोळखी तरुणाविरुद्ध एमआयडीसी पोलिस ठाण्यात गुन्हा दाखल झाला आहे. चाकू हल्ल्याची ही घटना पेट्रोल पंपावरील सीसीटीव्हीत कैद झाली आहे. चाकू हल्ल्यात पेट्रोल पंप कर्मचारी पोटात तीन ते चार इंचापर्यंत तरुणाला जखम झाली आहे. पोलिसांनी घटनेला दुजोरा दिला असून हल्ला करणाऱ्या अनोळखी व्यक्तींचा शोध घेतला जात असल्याची माहिती दिली आहे.

जळगावच्या पारोळ्यात डिझेल मिळत नसल्याने नागरिकांचा राष्ट्रीय महामार्गावर रास्ता रोको

जळगाव जिल्ह्यातील पारोळा महामार्गावरील पेट्रोल पंपा समोर कॅन तसेच दुचाकी आडव्या लावून नागरिकांनी रास्ता रोको आंदोलन केलं. पंधरा ते वीस मिनिटांपर्यंत नागरिकांनी रोज व्यक्त करत वाहने अडवून धरल्याने वाहनांच्या रांगा लागल्या होत्या. वाहनांच्या लांब रांगा लागल्याने महामार्गावरील एका बाजूची वाहतूक काही काळासाठी ठप्प झाल्याचे पाहायला मिळालं. शेतीच्या कामांसाठी डिझेल मिळवण्यासाठी शेतकरी पंपांवर मोठी गर्दी करत असल्याचा पाहायला मिळत आहे. सर्वत्र शोधाशोध करूनही डिझेल मिळत नसल्याने शेतकरी तसेच नागरिक आक्रमक झाल्याचे पाहायला मिळत आहे..

डिझेलसाठी 12 तासांपेक्षा अधिकचे वेटिंग

मागील हप्त्यापासून जिल्ह्यात इंधन टंचाई भासत आहे.. ज्या पंपावर इंधन उपलब्ध आहे, त्याठिकाणी वाहनाच्या रांगा आहे. बुलढाणा ते चिखली मार्गांवरील पंपावर रात्री पासून वाहनाच्या रांगा लागल्या आहे . तब्बल 12 तासांपेक्षा जास्त वेळापासून ट्रॅक्टर आणि इतर वाहने रांगेत उभी आहेत . मात्र पंप मालक नंबर आल्यावर फक्त 1 हजार रुपयांचे डिझेल देत आहे. वास्तविक पाहता ट्रॅक्टर ल एक हजार डिझेल जाणे येणेसाठीच लागते. तर इतर ओळखीच्या लोकांना मात्र वाहनाची टाकी फुल करून देत आहे. आम्हाला सुद्धा शेती कामे सुरू असल्याने ट्रॅक्टर मध्ये टाकी फुल करून डिझेल द्यावे अशी मागणी ट्रॅक्टर मालकांनी केली.

डबल इंजिन सरकारच्या इंजिन मधील तेल पण संपले का?

तर या सर्व परिस्थितीवर राष्ट्रवादीचे नेते जयंत पाटील यांनी टीका केली आहे. जळगाव मध्ये पेट्रोल नाही म्हणून काही अज्ञातांनी पंपावर काम करणाऱ्या एका कर्मचाऱ्याच्या पोटात चाकू खुपसला. बुलढाण्यात पेट्रोल मिळण्याच्या आशेवर लोकं १२ तास लाइनमध्ये उभे राहिले, अकोलाच्या वाशिम नाका येथे पेट्रोल डिझेल मिळावे म्हणून हाणामारी. नागपूर मध्ये बेपत्ता मुलीचा शोध घेण्यासाठी पोलिसांकडे डिझेल नाही… चालय तरी काय? डबल इंजिन सरकारच्या इंजिन मधील तेल पण संपले का? असा टोला त्यांनी लगावला आहे.

वाशिममध्ये पेट्रोलपंपावर हाणामारी

वाशिम शहरातील आकोला नाका परिसरातील इंडियन पेट्रोल पंपावर डिझेलसाठी लागलेल्या गर्दीतून हाणामारीचा प्रकार समोर आला आहे.दुपारी चार वाजता डिझेल टँकर दाखल होताच मोठ्या प्रमाणात वाहन चालक आणि नागरिकांनी गर्दी केली होती. यावेळी नंबर लावण्याच्या कारणावरून काही जणांमध्ये वाद झाला आणि एकमेकांना डिझेलच्या कॅनने मारहाण करण्यात आल्याचे पाहायला मिळाले. त्यामुळे काही काळ पेट्रोल पंप परिसरात गोंधळाचे वातावरण निर्माण झाले होते. या घटनेचा व्हिडीओ सोशल मीडियावर व्हायरल होत असून जिल्ह्यातील डिझेल टंचाईमुळे नागरिकांमध्ये अस्वस्थता वाढल्याचे चित्र आहे.

Follow Us
एका खासदाराचा भाव 150 कोटी; डिलिमिटेशनसाठी शाह खासदार विकत घेत आहेत...
Sanjay Raut : एका खासदाराचा भाव 150 कोटी; डिलिमिटेशनसाठी अमित शाह खासदार विकत घेत असल्याचा संजय राऊतांचा दावा
माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे...
Amol Kolhe : माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे स्पष्टच म्हणाले...
कोल्हे आणि भुजबळांच्या भेटीत नेमकी काय चर्चा? भुजबळांनी स्वतःच सांगितल
Chhagan Bhujbal : अमोल कोल्हे आणि छगन भुजबळांच्या भेटीत नेमकी काय चर्चा? भुजबळांनी स्वतःच सांगितलं, म्हणाले...
नाशिक-लासलगाव मार्गावर एसटी बसचा अपघात; दुचाकीस्वाराला वाचवण्याच्या...
Lasangaon Bus : नाशिक-लासलगाव मार्गावर एसटी बसचा अपघात; दुचाकीस्वाराला वाचवण्याच्या प्रयत्नात चालकाचं नियंत्रण सुटलं
रोहित पवार तुम्ही लपवालपवी का करतायत? नवनाथ बन यांचा सवाल; नेमकं काय..
Navnath Ban Vs Rohit Pawar : रोहित पवार तुम्ही लपवालपवी का करतायत? नवनाथ बन यांचा सवाल; नेमकं काय म्हणाले?
दीड एकर ऊस पाण्याअभावी करपला; पहिल्याच लागवडीत शेतकऱ्याच्या स्वप्नांवर
Nanded Drought : दीड एकर ऊस पाण्याअभावी करपला; पहिल्याच लागवडीत शेतकऱ्याच्या स्वप्नांवर पाणी
देशाच्या राजधानीत प्रवेश करताना आता वेळ वाचणार; दिल्लीच्या टोल....
Delhi Toll : देशाच्या राजधानीत प्रवेश करताना आता वेळ वाचणार; दिल्लीच्या टोलनाक्यांवर नवी MLFF प्रणाली सुरू
चंद्रभागेच्या वाळवंटात विठ्ठल भक्तांची मांदियाळी; दुष्काळमुक्त....
Kartiki Ekadashi : चंद्रभागेच्या वाळवंटात विठ्ठल भक्तांची मांदियाळी; दुष्काळमुक्त महाराष्ट्रासाठी वारकऱ्यांची प्रार्थना
कष्टाने टोमॅटोची लागवड केली, पण पाण्याअभावी स्वप्नांवर पाणी; बीडमधील..
Beed Farmer Issue : कष्टाने टोमॅटोची लागवड केली, पण पाण्याअभावी स्वप्नांवर पाणी; बीडमधील शेतकरी संकटात
लातूरच्या पाणीप्रश्नावरून अमित देशमुख विरुद्ध नवनाथ बन; रेल्वेने पाणी
Latur Water Issue : लातूरच्या पाणीप्रश्नावरून अमित देशमुख विरुद्ध नवनाथ बन; रेल्वेने पाणी आणण्याच्या मुद्द्यावरून जुंपली