पदोन्नतीमध्ये पुन्हा आरक्षण लागू केल्यास रस्त्यावर उतरु; मराठा क्रांती मोर्चाचा इशारा
राज्य सरकारने 7 मे रोजी पदोन्नतीमधील आरक्षण रद्द करण्याची अधिसूचना काढली होती. | reservation in promotion Maratha kranti morcha
मुंबई: राज्य सरकारने पदोन्नतीमधील आरक्षण रद्द करण्याचा निर्णय मागे घेतला तर आम्ही रस्त्यावर उतरू, असा इशारा मराठा क्रांती मोर्चाकडून देण्यात आला आहे. राज्य मंत्रिमंडळाच्या उपस्थितीत उपमुख्यमंत्री अजित पवार (Ajipt Pawar) यांनी पदोन्नतीमधील आरक्षण रद्द करण्याचा (Reservation in Promotion) आदेश काढला होता. तो आता कुठल्याही प्रकारे बदलू नये. तसे घडल्यास आम्ही आंदोलन करु, असा इशारा मराठा क्रांती मोर्चाचे नेते विरेंद्र पवार यांनी दिला. (Maratha Kranti Morcha demands to cancel reservation in promotion)
राज्य सरकारने 7 मे रोजी पदोन्नतीमधील आरक्षण रद्द करण्याची अधिसूचना काढली होती. मात्र, हा निर्णय घेताना मागासवर्गीयांच्या पदोन्नतीमधील आरक्षणासाठी राज्य मंत्रिमंडळाची जी उपसमिती तयार करण्यात आली त्या समिती विश्वासात घेण्यात आले नव्हते. त्यामुळे अनेकांनी रोष व्यक्त केला होता.
‘महाविकासआघाडीतील एका आडमुठ्या नेत्यामुळे पदोन्नतीमधील आरक्षण रद्द झाले’
महाविकासआघाडीतील एका आडमुठ्या नेत्याच्या भूमिकेमुळे पदोन्नतीमधील आरक्षण रद्द झाले, अशा शब्दांत ओबीसी नेते प्रकाश शेंडगे (Prakash Shendge) यांनी उपमुख्यमंत्री अजित पवार यांना लक्ष्य केले होते. पदोन्नती रोखण्याच्या निर्णयाचा फटका केवळ मागासवर्गीयच नव्हे तर धनगर आणि ओबीसी समाजालाही बसेल. मागासवर्गीयांची पदोन्नती रोखण्याचा निर्णय कुठलीही कॅबिनेट बैठक न करता घेण्यात आला. हे साफ चुकीचं आहे. महाविकासआघाडीतील एका नेत्याच्या आडमुठ्या भूमिकेमुळे हा जीआर काढण्यात आला. याप्रकरणी अजित पवार यांच्यावर कारवाई झाली पाहिजे, असे प्रकाश शेंडगे यांनी म्हटले होते.
संबंधित बातम्या:
पदोन्नतीतील आरक्षणासाठी नितीन राऊत आक्रमक, सरकारला धोका आहे का? राऊत म्हणतात….
(Maratha Kranti Morcha demands to cancel reservation in promotion)
