VIDEO | “रात्री 11 पर्यंत न थकता काम, काय खाता?” ‘स्टाईल’ फेम अभिनेत्याचा सवाल, किशोरी पेडणेकरांनी सिक्रेट सांगितलं

मुंबई : ‘स्टाईल’ चित्रपटातून प्रसिद्धीस आलेला बॉलिवूड अभिनेता साहिल खान (Sahil Khan) याने मुंबईच्या महापौर किशोरी पेडणेकर (Mumbai Mayor Kishori Pednekar) यांची भेट घेतली. “रात्री 11 वाजेपर्यंत तुम्ही न थकता काम करता, संपूर्ण मुंबई शहराचा भार सहन करता, नेमकं काय खाता?” असा मिश्किल सवाल साहिलने विचारला. त्यावर किशोरी पेडणेकरांनी आपलं सिक्रेट सांगितलं. (Style Actor Sahil Khan meets Mumbai Mayor Kishori Pednekar)

मुंबईच्या महापौर किशोरी पेडणेकर यांच्या व्यस्त वेळापत्रकामुळे साहिल खान याची भेट होईपर्यंत रात्रीचे अकरा वाजले. मात्र इतक्या रात्री महापौरांचा उत्साह आणि कामाचा धडाका पाहून साहिल अवाक झाला. सुरुवातीला किशोरी पेडणेकरांच्या पाया पडून त्याने आशीर्वाद घेतले. हा व्हिडीओ महापौरांनी आपल्या ट्विटर अकाऊण्टवरुन शेअर केला आहे.

साहिल खानचा सवाल

“रात्रीचे 11 वाजले आहेत. काय खाता तुम्ही? कोणता डाएट करता? आम्हालाही आशीर्वाद द्या… मुंबईचं पूर्ण प्रेशर तुम्ही रात्री अकरा वाजेपर्यंत कसे सहन करता? आम्ही इतके तरुण असून तुम्हाला काम करताना पाहून लाज वाटते” अशा भावना साहिल खानने व्यक्त केल्या.

किशोरी पेडणेकरांचे सिक्रेट

“सकारात्मक विचार किंवा पॉझिटिव्ह थिंकिंग हीच माझी एनर्जी आहे. चांगले विचार करा, चांगलं काम करा. वयोमानानुसार थकवा तर येतोच, पण ज्या पदावर मी बसलेले आहे, तिथे माझी प्रत्येकाला गरज आहे, हे समजून मी काम करते” असं उत्तर किशोरी पेडणेकर यांनी दिलं. (Style Actor Sahil Khan meets Mumbai Mayor Kishori Pednekar)

pic.twitter.com/RwwP8JVthz

— Kishori Pednekar (@KishoriPednekar) March 19, 2021

किशोरी पेडणेकरांचे लसीकरण

वांद्रे-कुर्ला संकुलातील बृहन्मुंबई महानगरपालिकेच्या जम्बो कोविड लसीकरण केंद्राला मुंबईच्या महापौर किशोरी पेडणेकर यांनी काही दिवसांपूर्वी भेट दिली होती. त्यांनी ज्येष्ठ नागरिकांना लसीकरणानंतर घरी गेल्यावर धावपळ न करण्याचा सल्ला दिला. यावेळी त्यांनी या ज्येष्ठांच्या प्रकृतीची आस्थेने चौकशीही केली होती. किशोरी पेडणेकर यांनीही कोव्हिड लसीचा पहिला डोस घेतला आहे.

संबंधित बातम्या :

VIDEO | आमच्या कुंदा वहिनी वयस्कर, राजसाहेब एक विनंती करते, महापौरांनी हात जोडले

…तर कॅटरिंग व्यावसायिकांसाठी सवलतीचा विचार होऊ शकतो : किशोरी पेडणेकर

(Style Actor Sahil Khan meets Mumbai Mayor Kishori Pednekar)