NMC Election | नागपुरात आप कुणाचा वाढविणार ताप; मनपा निवडणुकीत पहिल्यांदाच अजमावणार जोर

NMC Election | नागपुरात आप कुणाचा वाढविणार ताप; मनपा निवडणुकीत पहिल्यांदाच अजमावणार जोर
नागपूर महापालिका

2019 च्या विधानसभेत आप नागपुरात जोर दाखवू शकले नाही. आता आपचे कार्यकर्ते जोरात दिसतात. नागपूर मनपात ते कुणाचा ताप वाढवितात की, पुन्हा फ्लाप होतात, ते पाहावे लागेल.

गजानन उमाटे

| Edited By: गोविंद हटवार, टीव्ही 9 मराठी डिजीटल

Jan 19, 2022 | 6:18 AM

नागपूर : दिल्लीतील आम आदमी पार्टी (Aam Aadmi Party) नागपूर मनपाच्या निवडणुकीत (Nagpur Municipal Corporation elections) उतरणार आहे. नागपूर लोकसभेत 2014 साली आपने लक्ष वेधून घेतले होते. 2019 च्या विधानसभेत मात्र आप नागपुरात जोर दाखवू शकले नाही. आता आपचे कार्यकर्ते जोरात दिसतात. ते कुणाचा ताप वाढवितात की, पुन्हा फ्लाप होतात, ते पाहावे लागेल. भ्रष्टाचाराविरोधात आपने दिल्लीत लढा दिला. अंजली दमानिया या सामाजिक कार्यकर्त्या यांनी 2014 मध्ये नागपुरातून लोकसभेत आपकडून लढल्या. दमानिया या विदर्भातील नव्हत्या. तरीही मतदारांनी त्यांना 69 हजार 81 मते दिली. विशेष म्हणजे दक्षिण पश्चिम नागपुरातून त्यांना तब्बल 14 हजार 313 मते मिळाली होती.

आपचे कार्यकर्ते विखुरलेत

2017 मध्ये आप महापालिकेच्या निवडणुकीत प्रत्यक्ष उतरली नाही. पक्षाकडून कुणालाही स्पष्ट पाठिंबा दिला गेला नव्हता. त्यामुळं पक्षाचे कार्यकर्ते विखुरले गेले होते. 2019 मध्ये महाराष्ट्रात आपने विधानसभेच्या 25 जागा लढवल्या. यात नागपुरातील दक्षिण पश्चिम आणि ग्रामीणमधील रामटेक मतदार संघाचा समावेश होता. मात्र, आपच्या उमेदवारांना फारशी मते घेता आली नाही. दक्षिण पश्चिममध्ये अमोल हाडके यांनी एक हजार 125 मते मिळविली होती. रामटेकमध्ये तर 834 मतांवर ईश्वर गजबे यांना समाधानी राहावे लागले होते. गेल्या काही दिवसांत शहरात आप काही फारसे सक्रिय असल्याचे दिसत नाही.

तेव्हा आणि आता फरक

अंजली दमानिया उभ्या असताना त्यांनी संघटन मजबूत केले होते. त्यामुळं त्यांना चांगली मते मिळाली होती. परंतु, सध्या आपचे संघटन फारसे काही मजबूत दिसत नाही. काही मोजके कार्यकर्ते उभेच्छुक आहेत. पण, तीन सदस्यीय प्रभाग असल्यानं एक-दोन सक्रिय कार्यकर्त्यांच्या भरोशावर निवडणूक जिंकता येणे शक्य नाही. त्यासाठी कार्यकर्त्यांची फळी असावे लागते. तशी फळी आपकडे सध्या तरी नागपुरात दिसत नाही.

Smart City | नागपूर स्मार्ट सिटीच्या शिरपेचात मानाचा तुरा!, स्ट्रीट फॉर पीपल चॅलेंजसाठी पुरस्कार

Action | नागपुरात कोविड नियमांचे उल्लंघन, तीन लॉनवर कारवाई; मास्कशिवाय फिरणारेही रडारवर

Nagpur Police | चंद्रशेखर बावनकुळे पोलिसांच्या ताब्यात; नाना पटोलेंविरोधात गुन्हा दाखल व्हावा, यासाठी करत होते आंदोलन

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें