AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

मराठ्यांच्या 58 लाख नोंदी सापडल्या हे मान्य नाही; बबनराव तायवाडे यांचं थेट विधान

राष्ट्रीय ओबीसी महासंघाचे अध्यक्ष बबनराव तायवाडे यांनी ५८ लाख मराठा नोंदी सापडल्याचा मनोज जरांगे पाटील यांचा दावा फेटाळला आहे. तायवाडे यांच्या मते, केवळ ५९ हजार नवीन नोंदी आढळल्या आहेत, तर ५८ लाखांचा आकडा जुन्या, १९८६ पासूनच्या नोंदींचा आहे. यामुळे मराठा व ओबीसी समाजात संभ्रम निर्माण होत असून, सरकार आरक्षण सुरक्षित ठेवेल अशी अपेक्षा तायवाडे यांनी व्यक्त केली.

मराठ्यांच्या 58 लाख नोंदी सापडल्या हे मान्य नाही; बबनराव तायवाडे यांचं थेट विधान
babanrao taywadeImage Credit source: tv9 marathi
| Updated on: Aug 18, 2026 | 11:37 AM
Share

मराठा समाजाच्या 58 लाख नोंदी सापडल्या आहेत. हे आपल्या आंदोलनाचं यश आहे. आता राज्य सरकारने त्या सर्व नोंदी जाहीर केल्या पाहिजे, असं मराठा आंदोलक मनोज जरांगे पाटील म्हणत असले तरी राष्ट्रीय ओबीसी महासंघाचे अध्यक्ष बबनराव तायवाडे यांनी मात्र वेगळाच दावा केला आहे. मराठ्यांच्या 58 लाख नोंदी सापडल्या हे मान्य करायला मी तयार नाही. केवळ 59 हजार नोंदी सापडल्या आहेत. आणि हे सुद्धा मराठा आंदोलनाचं यश आहे, असं विधानच तायवाडे यांनी केलं आहे. त्यावर आता जरांगे हे काय प्रतिक्रिया देतात याकडे सर्वांचं लक्ष लागलं आहे.

राष्ट्रीय ओबीसी महासंघाचे अध्यक्ष बबनराव तायवाडे यांनी मीडियाशी बोलताना हे विधान केलं. तसेच 58 लाख नोंदीची भानगड नेमकी काय आहे? याचं विश्लेषणही तायवाडे यांनी केलं आहे. राज्यात मराठ्यांच्या 58 लाख नोंदी सापडल्या हे मी मान्य करत नाही. नोंदी महाराष्ट्रात सापडल्या. मात्र त्या नोंदी कधीच्या आहेत? पिढ्यानपिढ्या ज्यांच्याकडे प्रमाणपत्र आहे, त्यांच्या त्या नोंदी आहेत. हा आकडा फुगवून सांगितलेला आहे. सरकारने 30 जुलैला जी आकडेवारी प्रसिद्ध केली, त्यानुसार 1986 ते 2023 किंवा आतापर्यंत सापडलेल्या 58 लाख नोंदी आहेत. 1986 ते 2023 या 37 वर्षांमध्ये या नोंदी सापडल्या आहेत. त्याचा आंदोलनाशी काय संबंध आहे? असा बबनराव तायवाडे यांनी केला.

2023 नंतर किती नोंदी सापडल्या?

या लोकांकडे आधीपासूनच प्रमाणपत्र आहे. मराठ्यांचं आंदोलन 2023 ला सुरू झालं. त्यानंतर किती नोंदी सापडल्या हा महत्त्वाचा प्रश्न आहे. त्याचा अभ्यास केला तर मराठवाडा विभागामध्ये 49 हजार 358 नोंदी सापडल्या आहेत. हे आंदोलनाचे यश आहे हे आम्ही मान्य करतो. त्याच्या बदल्यात तीन लाखाच्या जवळ प्रमाणपत्र दिले हे आम्ही मान्य करतो. प्रमाणपत्र देण्यात आले त्याचा या आंदोलनाशी काही संबंध नाही? ज्यांच्या आजोबा-पणजोबांचे प्रमाणपत्र आहे. त्यांचे कागदपत्र सादर करून त्यांना प्रमाणपत्र देण्यात आले त्यात काही वावगं नाही, असंही ते म्हणाले.

म्हणून दोन्ही समाजात संभ्रम

प्रत्यक्षात पाहता ज्याला आपण व्हॅलिडीटी म्हणतो त्या व्हॅलिडिटीसाठी किती लोकांनी अर्ज केले? आणि किती प्रमाणपत्र जारी झाले? ज्यांना प्रमाणपत्र मिळाले ते किती खरे आहेत? ज्यांच्याकडे प्रमाणपत्र नाही त्यांनी अर्ज केले नाही. त्यांना व्हॅलिडिटीसाठी जे कागद पाहिजे ते त्यांच्याकडे आहे का? 58 लाख नोंदींच्या पुनरुच्चारामुळे ओबीसी समाज आणि मराठा समाजामध्ये संभ्रम निर्माण होत आहे. प्रत्यक्षात बघितलं तर 50 हजार च्या जवळपास नोंदी आहेत. त्यापेक्षा जास्त या नव्याने आलेल्या नोंदी नाही. या आंदोलनाचं यश मला विचाराल तर 49 हजार नोंदणीचा आहे यापेक्षा जास्त नाही, असा दावाही त्यांनी केला.

मुंबई जाम करण्याची गरज पडणार नाही

मनोज जरांगे पाटील मुंबईत आंदोलन करणार आहेत. त्यावरही त्यांनी भाष्य केलं. मुंबई जाम करायची आहे तर त्यांनी करावी. तो त्यांचा प्रश्न आहे. मी सरकारच्या भूमिकेकडे लक्ष देऊन आहे. सरकार ते जे काही मागतात त्याकडे सरकार कोणत्या नजरेने बघते आहे, किती सीरियसली बघते आहे आणि आमच्या आरक्षणाला कुठे धक्का लावते आहे का? यावर आमचं लक्ष आहे. आम्हाला जे वचन आश्वासन दिले आहे, त्याला धक्का लागणार नाही, हे सरकारने पाहिलं पाहिजे. आम्हाला दिलेल्या आश्वासनावर सरकार ठाम राहिलं तर आमच्या आरक्षणाला धक्का लागणार नाही. त्यामुळे आम्हाला मुंबई जाम करायची गरज पडणार नाही, असंही त्यांनी म्हटलंय.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी