कोंबडीपेक्षा मेथी-फरसबी महाग, भाजीपाल्याचे भाव अडीचशे पार

नागपुरात काही भाज्या चिकनपेक्षाही महाग झाल्या आहेत (Nagpur Vegetable Price). नागपुरात सध्या चिकनचा दर 200 रुपये किलो आहे. पण, मेथी, फरसबीन, शेवगा, वाल या भाज्या किरकोळ बाजारात 250 रुपये किलो दराने विकल्या जात आहेत

Vegetables

Reporter Gajanan Umate | Updated on: Jun 21, 2021 | 10:27 AM

नागपूर : नागपुरात काही भाज्या चिकनपेक्षाही महाग झाल्या आहेत (Nagpur Vegetable Price). नागपुरात सध्या चिकनचा दर 200 रुपये किलो आहे. पण, मेथी, फरसबी, शेवगा, वाल या भाज्या किरकोळ बाजारात 250 रुपये किलो दराने विकल्या जात आहेत (Nagpur Vegetable Price Hike Became More Expensive Than Chicken Due To Damage By Heavy Rainfall).

आवक कमी झाल्याने सध्या नागपूरच्या किरकोळ बाजारात चिकनपेक्षाही भाजीपाला महागल्याची स्थिती आहे. पावसामुळे भाजीपाल्याचे नुकसान झालंय. त्यामुळे सर्वच भाज्यांच्या दरात दुप्पटीपेक्षा अधिक वाढ झालीये. याचा ग्राहकांच्या बजेटवर मोठा परिणाम होतोय.

भाज्या दर प्रति किलो

मेथी 250 रुपये किलो

फरसबी 250 रुपये किलो

वाल 250 रुपये किलो

शेवगा 250 रुपये किलो

फ्लावर 120 रुपये किलो

वांगी 80 रुपये किलो

टोमॅटो 50 रुपये किलो

कोथिंबीर 120 रुपये किलो

पत्ताकोबी 80 रुपये किलो

दोडका 120 रुपये किलो

भेंडी 120 रुपये किलो

नागपुरात आजपासून रात्री 8 पर्यंत बाजार खुले

नागपूरमध्ये आजपासून बाजार रात्री 8 पर्यंत खुले राहणार आहे. तर हॉटेल, रेस्टॉरंट रात्री 11 पर्यंत उघडे राहणार आहेत. कोरोना प्रादुर्भाव कमी झाल्याने नियमात शिथिलता देण्यात आली आहे. कोरोनाचे संकट टळले नसल्याने नागरिकांनी शिथिलता असली तरी काळजी घेण्याची गरज आहे.

मुंबईत भाजीपाल्याची आवक कमी, दर वाढले

राज्यभर सुरु असलेल्या पावसामुळे मुंबईत भाजीपाल्याची आवक कमी झाली आहे. त्यामुळे बाजारभाव वाढले आहेत. मुंबईत पुणे, सातारा, दक्षिणेकडील राज्य, नाशिक आणि इतर ठिकाणावरुन भाजीपाल्याची आवक सुरु आहे. मागणीच्या तुलनेत आवक कमी असल्यामुळे दर वाढले आहेत.

भाज्यांनी शंभरी पार केली आहे. इंधन दरवाढ शंभरी पार केल्यानंतर भाज्याही महाग झाल्या आहेत आणि पावसामुळे आवक पण कमी झाली असल्यामुळे याचा परिणाम गृहींनींच्या बजेटवर झाला आहे. लोकांच्या खिशाला कात्री बसत आहे. तसेच विक्रेत्यांनाही 30 ते 40 टक्के फटका सहन करावा लागत आहे.

भाजी दर प्रति किलो

मटार 100 रुपये किलो

भेंडी 40 रुपये किलो

फरसबी 100 रुपये किलो

वांगी 48 रुपये किलो

शिमला 32 रुपये किलो

शेंगा 40 रुपये किलो

पडवळ 60 रुपये किलो

गवार 60 रुपये किलो

कोबी 28 रुपये किलो

आलं 36 रुपये किलो

महाराष्ट्रात पावसाची जोरदार बॅटिंग, नवी मुंबई एपीएमसी भाजी मार्केटला फटका, भाजीपाल्याचे दर 10 ते 15 टक्क्यांनी घसरलेhttps://t.co/BYdk40zutQ #Navimumbai | #Maharashtra | #APMC

— TV9 Marathi (@TV9Marathi) June 11, 2021