Nashik | सुरगाणा तालुक्यातील अंलगुण येथील पाझर तलाव फुटल्याने भातशेतीचे अतोनात नुकसान!
अंलगुण येथील पाझर तलाव फुटल्याने भातशेतीचे अतोनात नुकसान झाले असून नागरिकही अडकून पडले आहेत. सुरगाणा भागात मुसळधार पाऊस सुरू असल्याने पाण्याची पातळी वाढतच आहे. त्यामुळे सध्या या भागात लोकांचे हाल होत आहेत. पावसाळ्यापूर्वी बंधाऱ्याची उंची वाढवल्याने दुर्घटना झाली असल्याचा आरोप स्थानिक ग्रामस्थ करत आहेत.
नाशिक : नाशिक (Nashik) जिल्हात गेल्या दोन दिवसांपासून जोरदार पावसाने हजेरी लावलीयं. या पावसामुळे धरणसाठ्यात मोठी वाढ झाली असून पाणीटंचाईपासून नाशिककरांना मोठा दिलासा मिळालायं. मात्र, या पावसामुळे (Rain) सुरगाणा तालुक्यातील अंलगुण येथील पाझर तलाव फुटल्याने मोठे नुकसान झाले आहे. पाझर तलाव फुटल्याने विशेष: भात शेतीचे नुकसान (Damage) झाले असून नागरिकांच्या घरामध्ये पाणी शिरले आहे. काही जणावरही या पाण्यासोबत वाहून गेल्याचे सांगितले जात आहे.
पाझर तलाव फुटल्याने अनेकांच्या घरात शिरले पाणी
पाझर तलाव फुटल्याने अनेकांच्या घरात पाणी शिरल्याने भांडी, कपडे व संसारोपयोगी साहित्य पाण्यात वाहून गेल्याने मोठे नुकसान झाले आहे. गावातील अनेक भाग पाण्याखाली गेल्याने नागरिक अडकून पडले आहेत. नाशिकच्या सुरगण्यात सुरू असलेल्या मुसळधार पावसाने सर्व नदी नाल्यांना पूर आला असून, अंलगुण येथील पाझर तलाव फुटल्याने भातशेतीचे अतोनात नुकसान झाले आहे.
नागरिकांचे सुरक्षित स्थळी स्थलांतर
अंलगुण येथील पाझर तलाव फुटल्याने भातशेतीचे अतोनात नुकसान झाले असून नागरिकही अडकून पडले आहेत. सुरगाणा भागात मुसळधार पाऊस सुरू असल्याने पाण्याची पातळी वाढतच आहे. त्यामुळे सध्या या भागात लोकांचे हाल होत आहेत. पावसाळ्यापूर्वी बंधाऱ्याची उंची वाढवल्याने दुर्घटना झाली असल्याचा आरोप स्थानिक ग्रामस्थ करत आहेत. नागरिकांनी वेळीच सुरक्षित ठिकाणी स्थलांतर केल्याने मोठी जीवितहानी टळली आहे.
