Chandrapur | चंद्रपूर जिल्ह्यातील इरई नदीकाठच्या वढोली गावात आढळले मगरीचे पिल्लू, युवकांनी दिले जीवदान…
दिवाण गोचे यांच्या शेतात मगरीचे पिल्लू आढळल्याची बातमी परिसरात वाऱ्यासारखी पसरली. त्यानंतर गावातील सूरज दीवाण गोचे, सूरज केळझरकर ,समीर विरुटकर यांनी पावडयाच्या सहाय्याने पिलाला स्टीलच्या डब्यात सुरक्षित पकडून शेताच्या लगत वाहणाऱ्या इरई नदित सोडून देत जीवदानच दिले आहे.
चंद्रपूर : मागील 15 दिवसांपासून चंद्रपूर जिल्हयात (Chandrapur District) सर्वत्र मूसळधार पाऊस सुरुयं. नदी, नाले दुथडी भरून वाहु लागले आहेत. नदीकाठ परिसरात पूर (Flood) परिस्थिति निर्माण झालीयं. यामुळे अनेक प्राण्यांना आपल्या अधिवासापासून दूर व्हावे लागले. अशातच आज वढोली गावातील दिवाण गोचे यांच्या शेतात रोवणीचे काम सुरु असताना त्यांना एक मगरीचे (Crocodile) छोटे पिल्लू आढळून आले. यामुळे काही काळ परिसरात भीतीचे वातावरण निर्माण झाले होते. नद्यांना पूर आल्याने मगरी वाहून येत आहेत. यापूर्वी परिसरात असा घटना घडल्याचे कळते आहे.
दिवाण गोचे यांच्या शेतात आढळले मगरीचे पिल्लू
दिवाण गोचे यांच्या शेतात मगरीचे पिल्लू आढळल्याची बातमी परिसरात वाऱ्यासारखी पसरली. त्यानंतर गावातील सूरज दीवाण गोचे, सूरज केळझरकर ,समीर विरुटकर यांनी पावडयाच्या सहाय्याने पिलाला स्टीलच्या डब्यात सुरक्षित पकडून शेताच्या लगत वाहणाऱ्या इरई नदित सोडून देत जीवदानच दिले आहे. इरई नदीला पूर आल्याने अनेकदा परिसरात मगरी आढळून येतात. नदीच्या पाण्याचा जोर वाढल्याने आश्रयासाठी प्राणी शेतात येतात.
चंद्रपूर जिल्हात गेल्या काही दिवसांपासून पावसाची रिपरिप सुरूच
चंद्रपूर जिल्हात गेल्या काही दिवसांपासून पावसाची रिपरिप सुरू आहे. जिल्ह्यातील नद्यांनी पात्र सोडले आहे. इरई नदीत पाणीपातळी वाढून लागली आहे. सखल भागातील पूरस्थिती आणखी काही दिवस कायम राहण्याची शक्यता आहे. यामुळे नागरिकांनी सतर्क राहण्याचे आवाहन प्रशासनाकडून करण्यात आले आहे. मागील 15 दिवसांपासून चंद्रपूर जिल्हयात सतत पाऊस सुरूयं. अनेक नद्यांना पूर देखील आलायं. नदीकाठ परिसरात पुरस्थिति आहे.
