राड्यानंतरही गड राखला, जिल्हा बँकेवर राणेंचेच वर्चस्व; निकालाची सहा वैशिष्ट्ये काय? वाचा सविस्तर

राड्यानंतरही गड राखला, जिल्हा बँकेवर राणेंचेच वर्चस्व; निकालाची सहा वैशिष्ट्ये काय? वाचा सविस्तर
Sindhudurg district bank election result

सिंधुदुर्ग जिल्हा मध्यवर्ती बँक निवडणुकीत मोठं धुमशान रंगलं. महाविकास आघाडी आणि भाजपमध्ये थेट लढत असल्यामुळे या निवडणुकीकडे संपूर्ण राज्याचं लक्ष लागलं होतं. त्यातच संतोष परब यांच्यावर हल्ला झाल्यानंतर या निवडणुकीला वेगळंच वळण लागलं.

विनायक वंजारे

| Edited By: भीमराव गवळी

Dec 31, 2021 | 6:53 PM

सिंधुदुर्ग: सिंधुदुर्ग जिल्हा मध्यवर्ती बँक निवडणुकीत मोठं धुमशान रंगलं. महाविकास आघाडी आणि भाजपमध्ये थेट लढत असल्यामुळे या निवडणुकीकडे संपूर्ण राज्याचं लक्ष लागलं होतं. त्यातच संतोष परब यांच्यावर हल्ला झाल्यानंतर या निवडणुकीला वेगळंच वळण लागलं. परब यांच्यावरील हल्ला प्रकरणात भाजप आमदार नितेश राणे यांचं नाव आलं. त्यानंतर नितेश राणेंनी कोर्टात अंतरीम जामिनासाठी धाव घेतल्याने या निवडणुकीची रंजकता अधिकच वाढली. या सर्व नाट्यानंतरही बँकेवरील आपली सत्ता कायम राखण्यात केंद्रीय सुक्ष्म, लघु आणि मध्यम उद्योग मंत्री नारायण राणे यांनी यश मिळविले आहे. या निवडणुकीच्या सहा वैशिष्ट्यांवर टाकलेली ही नजर.

राणे विरुद्ध शिवसेना थेट लढत

ही निवडणूक भाजप विरुद्ध महाविकास आघाडी अशी असली तरी ती राणे कुटुंब विरुद्ध शिवसेना अशीच होती. जिल्हा बँकेत भाजपला हरवणं म्हणजे राणेंच्या वर्चस्वला धक्का लावणं असं समीकरण होतं. त्यामुळे शिवसेना त्वेषाने या निवडणुकीत उतरली होती. पण तरीही राणेंनी 11 जागा जिंकत बँकेवर आपलंच वर्चस्व कायम असल्याचं दाखवून दिलं. तर महाविकास आघाडीने 8 जागा जिंकून मतदारांना आपल्याकडे खेचून आणण्यात यश मिळवलं आहे.

संचालक मंडळातील अनेकांचा पराभव

या निवडणुकीचं आणखी एक वैशिष्ट्ये म्हणजे या निवडणुकीत सर्व संचालक मंडळातील बऱ्याच सदस्यांचा पराभव झाला आहे. स्वत: विद्यमान अध्यक्षांचाही पराभव झाला आहे. जिल्हा बँकेत विद्यमान अध्यक्ष सतीश सावंत, उपाध्यक्ष सुरेश दळवी, माजी जिल्हा अध्यक्ष राजन तेली, प्रकाश मोर्ये, गुरुनाथ पेडणेकर, विलास गावडे, विकास सावंत, मधुसूदन गावडे, गुलाबराव चव्हाण, अविनाश माणगांवकर, दिगंबर पाटील, प्रकाश गवस या विद्यमान संचालकाचा पराभव झाला आहे. विद्यमान संचालकांपैकी 12 संचालकांचा या निवडणुकीत पराभव झाला.

अजितदादांची जादू नाहीच

या निवडणुकीच्या प्रचारासाठी पहिल्यांदाच उपमुख्यमंत्री अजित पवार आले होते. त्यामुळे या निवडणुकीत सत्ताधारी महाविकास आघाडीच्या बाजूने मतदार वळतील असा कयास वर्तवला जात होता. मात्र, अजितदादांचा जादूही या निवडणुकीत चालला नाही. या निवडणुकीत राष्ट्रवादीचे तर अवघे दोनच उमेदवार निवडून आले आहेत.

समृद्धी पॅनलचा धुव्वा

ही निवडणूक विद्यमान अध्यक्ष सतिश सावंत यांच्या नेतृत्वात लढली गेली. या निवडणुकीत सावंत यांच्या नेतृत्वातील महाविकास आघाडीचे समृद्धी पॅनल उतरले होते. पण या पॅनलचा पराभव झाला. या निवडणुकीत राणे पॅटर्नच चालला.

2008ची पुनरावृत्ती

या निवडणुकीत 2008ची पुनरावृत्ती झाली आहे. त्यावेळी सहकार महर्षी शिवरामभाऊ जाधव आणि माजी आमदार पुष्पसेन सावंत यांच्यात अटीतटीची लढत होऊन समसमान मते पडली होती. तेव्हा ईश्वरचिठ्ठीद्वोरे निकाल काढण्यात आला. त्यावेळी सहकार महर्षी शिवरामभाऊ जाधव हे विजयी झाले होते. त्याची पुनरावृत्ती आज पुन्हा पाहायला मिळाली. आज महाविकास विकास आघाडीच्या सहकार समृद्धी पॅनेलचे प्रमुख सतीश सावंत आणि त्यांचे विरोधी उमेदवार विठ्ठल देसाई यांच्यात समसमान मते पडली. तेव्हा ईश्वरचिठ्ठीद्वोरे विठ्ठल देसाई हे विजयी झाले.

तेलींचा पराभव

या निवडणुकीत सर्वाधिक चर्चेत राहिला तो राजन तेली यांचा पराभव. राजन तेली हे भाजपचे जिल्हाध्यक्ष आहेत. ते भाजपच्या सिद्धीविनायक सहकार पॅनलचे प्रमुख आणि माजी जिल्हाबँक अध्यक्ष आहेत. या निवडणुकीत त्यांचा शिवसेनेचे आमदार वैभव नाईक यांचे बंधू सुशांत नाईक यांनी पराभव केला. त्यानंतर तेली यांनी भाजपच्या जिल्हाध्यक्षपदाचा राजीनामा दिला. मात्र, आपण यापूर्वीच जिल्हाध्यक्षपदाचा राजीनामा दिला आहे, असा दावा तेली यांनी केला.

संबंधित बातम्या:

सिंधुदुर्ग जिल्हा बँकेवर राणेंचं वर्चस्व; 19 पैकी 10 जागा जिंकल्या; आता कसं वाटतंय… गार गार वाटतंय भाजपचा जल्लोष

Sindhudurg Bank Election Result | राणेंनी वचपा काढला ! सिंधुदुर्ग जिल्हा बँकेवर भाजपची सत्ता, महाविकास आघाडीला जबर हादरा

Maharashtra News Live Update : नाशिकमध्ये 22 वर्षीय विद्यार्थिनीची कॉलेजच्या हॉस्टेलमध्ये आत्महत्या

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें