गुन्हेगारांवर वचक ठेवा, चोऱ्या होऊ नये म्हणून गस्त वाढवा; अजित पवारांच्या पोलिसांना सूचना

पुणे : “पोलीस विभागाला अधिक मजबूत करण्याचं काम शासन करत आहे. पोलिसांनी देखील सेवा बजावताना नियमांचे पालन करुन चोखपणे कर्तव्य पार पाडावे. गुन्हेगार आणि गुन्हेगारी प्रवृत्तीचं उदात्तीकरण होणार नाही, याची खबरदारी घ्यावी. चोऱ्या होवू नयेत, यासाठी रात्रीची गस्त वाढवा. गुन्हेगारांवर वचक राहील, असं काम करा”, अशा सूचना राज्याचे उपमुख्यमंत्री अजित पवार यांनी केल्या. शिवाजीनगर पोलीस मुख्यालयातील रिक्रिएशन सभागृहात ते बोलत होते (Ajit Pawar gives instruction to Police).

‘पोलीस विभागाला आवश्यक सुविधा पूरवणार’

“सायबर गुन्हे टाळण्यासाठी प्रशिक्षण द्या. कर्तव्य निभावताना एकही चूक घडू नये, याची खबरदारी घ्या. त्याचबरोबर आपल्या दागदागिन्यांची चोरी होवू नये यासाठी नागरिकांनी देखील सावधानता बाळगावी, वैयक्तिक माहिती समाजमाध्यमांद्वारे उघड करु नये”, असंदेखील आवाहन अजित पवार यांनी यावेळी केलं. पोलीस विभागाला आवश्यक त्या सुविधा उपलब्ध करुन देण्यासह या विभागातील रिक्त पदभरतीसाठीही प्रयत्न करण्यात येत आहेत, असं पवार यांनी यावेळी सांगितलं.

‘पोलीस विभाग अधिकाधिक सक्षम करण्यासाठी राज्यशासन प्रयत्नशील’

“पोलीस विभाग हा शासन व्यवस्थेतील महत्त्वाचा घटक आहे. नागरिकांचे संरक्षण करण्याची जबाबदारी या विभागाची आहे. पोलीस आयुक्तालय, पोलीस स्टेशन्स आणि पोलिसांसाठी चांगली घरे तसेच अन्य आवश्यक सुविधा उपलब्ध करुन देऊन पोलीस विभाग अधिकाधिक सक्षम करण्यासाठी राज्यशासन प्रयत्नशील आहे”, असं अजित पवार यावेळी म्हणाले.

‘कोरोनाच्या पार्श्वभूमीवर चर्चा करुन निर्णय घेऊ’

कोरोना प्रतिबंधासाठी पुण्यातील वरिष्ठ प्रशासकीय अधिकाऱ्यांसोबत बैठक घेऊन चर्चा करुन उपाययोजनांबाबत निर्णय घेण्यात येईल. तथापि नागरिकांनी देखील मास्क, सोशल डिस्टन्सिंग, सामाजिक अंतर, गर्दी टाळणे अशाप्रकारे स्वयंशिस्त पाळणे अत्यंत आवश्यक आहे, असे आवाहन त्यांनी यावेळी केले (Ajit Pawar gives instruction to Police).

हेही वाचा :

कल्याणच्या शिवप्रेमीकडून शिवाजी महाराजांना अनोख्या पद्धतीत मानवंदना, रिक्षात साकारला दुर्गाडी किल्ला

VIDEO : Ajit Pawar speech Pune | फिरायला जाऊन फोटो सोशल मीडियावर टाकताय? ऐका अजित पवारांचा खास सल्ला