देव पावला! पंढरपुरातील विठ्ठल मंदिराच्या दानपेटीत महिन्याभरात 35 लाखांचं दान!

पंढरपूर : कोरोनाच्या पार्श्वभूमीवर आठ महिन्यांपासून पंढरपूर येथील श्री विठ्ठल रुक्मिणीचे मंदिर (Vitthal Rukmini Temple) दर्शनासाठी खुले करुन (Donation In Just A Month) आज एक महिना पूर्ण झाला आहे. महिन्याभराच्या काळात राज्यासह देशभरातील सुमारे 37 हजार भाविकांनी ऑनलाईन पास काढून विठुरायाचे मुख दर्शन घेतले आहे. याच दरम्यान, विठुरायाच्या दान पेटीत 35 लाख 50 हजार रुपयांचे दान जमा झाले आहे. मात्र, गेल्या वर्षी याच महिन्यात दोन कोटी इतके दान प्राप्त झाले असल्याची माहिती मंदिर समितीचे कार्यकारी अधिकारी विठ्ठल जोशी यांनी दिली (Donation In Just A Month).

कोरोना संकटामुळे लाखो भाविक भक्तांचे श्रध्दास्थान असलेले पंढरपूर येथील विठुरायाचे मंदिर तब्बल आठ महिने बंद होते. सरकारी आदेशानंतर दिवाळी पाडव्याच्या मुहूर्तावर राज्यातील सर्वच धार्मिक स्थळांबरोबर विठ्ठल रुक्मिणी मंदिरही भाविकांना फक्त मुखदर्शनासाठी खुले केले होते. मंदिर सुरु होऊन आज एक महिना पूर्ण झाला.

गेल्या आठ महिन्यांपासून देवाच्या दर्शनासाठी आसुसलेले भाविकही नियमांचे कोटेकोरपणे पालन करत पंढरीनाथाच्या चरणी लीन होत आहेत. महिन्याभराच्या काळात राज्यसह देशभरातील सुमारे 37 हजार भाविकांनी ऑनलाईन पास काढून विठ्ठल रुक्मिणीचे मुख दर्शन घेतले आहे. या काळात आषाढीसह कार्तिकी यात्रेचा सोहळाही प्रातिनिधिक स्वरुपात साजरा करण्यात आला. विठ्ठल-रुक्मिणी मंदिर तब्बल आठ महिने बंद असल्याने समितीला मिळणाऱ्या देणगीवर देखील मोठा परिणाम झाला होता.

याच काळात मंदिर समितीने अनेक सामाजिक उपक्रम राबवून लोकांना मदत देखील केली. कोरोनाच्या पार्श्वभूमीवर मंदिर दर्शनासाठी खुले करण्यात आल्याने येथील अर्थकारणही काही प्रमाणात सुरळीत होऊ लागले आहे.

ऑनलाईन बुकिंग असेल तरच मिळणार विठ्ठलाचं दर्शन, पंढरपूर मंदिरात दररोज 1 हजार भाविकांना प्रवेशhttps://t.co/zVVIpgiARR

— TV9 Marathi (@TV9Marathi) November 15, 2020

Donation In Just A Month

संबंधित बातम्या :

पंढरपुरात संजीवन समाधी सोहळ्याचा उत्साह, भक्तांच्या भेटीला साक्षात श्री. विठ्ठल!

PHOTO | कार्तिकी एकादशी निमित्ताने पंढरपूरच्या विठ्ठल मंदिरावर आकर्षक विद्युत रोषणाई

PHOTO | “लवकर लस येऊ दे, अवघे जग कोरोनामुक्त होऊ दे” उपमुख्यमंत्री अजित पवारांचं विठ्ठलाला साकडं