Pune crime : डॉक्टरांना धमकी देऊन खंडणी घेणारा सराईत पुण्यातल्या लोणी काळभोर पोलिसांच्या कचाट्यात!

पुणे : लोणी काळभोर (Loni Kalbhor) पोलिसांनी (Police) डॉक्टरांकडून पैसे उकळणाऱ्यास अटक (Arrest) केली आहे. परिसरातील दोन डॉक्टरांकडून 30 लाख रुपये उकळल्याप्रकरणी एका 35 वर्षीय तरुणावर ही कारवाई करण्यात आली आहे. मंगेश माणिक कांचन असे आरोपीचे नाव असून तो उरुळी कांचन येथील रहिवासी आहे. त्याला नुकतीच त्याच्या राहत्या घरातून अटक करण्यात आली आहे. सध्या त्याची रवानगी पोलीस कोठडीत करण्यात आली आहे. पोलिसांनी दिलेल्या माहितीनुसार, आरोपीने डॉक्टरांना धमकी दिली, की ते बेकायदेशीर गर्भपात करत आहेत आणि त्यांच्यावर लिंग-केंद्रित गर्भधारणेचे निदान करत असल्याचा आरोप केला. त्यानंतर त्यांच्याकडून 30 लाख रुपयांची खंडणी मागितली. या आरोपीस आता पोलिसांनी अटक केली आहे. न्यायालयाने त्यास पाच दिवसांची कोठडी सुनावली आहे.

आरोपीवर अनेक गंभीर गुन्हे

या आरोपीवर विमानतळ, हिंजवडी, दौंड, यवत आणि लोणीकंद पोलीस ठाण्यात खंडणी, खुनाचा प्रयत्न, अपहरण, दरोडा, बलात्कार असे अनेक गंभीर गुन्हे दाखल असल्याची माहिती पोलीस स्टेशनचे प्रभारी राजेंद्र मोकाशी यांनी दिली आहे. पीडितांकडून खंडणी वसूल करताना सापळा रचून त्याला अटक करण्यात आली आहे. त्याला न्यायालयात हजर केले असता पाच दिवसांची पोलीस कोठडी सुनावण्यात आली आहे.

आणखी वाचा :

Ajit Pawar Kolhapur By Election 2022 : मुख्यमंत्र्यांनी बारकाईनं लक्ष दिलं, कोल्हापूर उत्तरच्या निकालावर अजित पवारांची पहिली प्रतिक्रिया

Pimpri Chinchwad crime : मैत्रीण आमच्याशी न बोलता तुझ्याशीच बोलते म्हणून मोशीत तरुणाला दगडानं ठेचून मारलं!

Pune water problem : उकाड्यासह आता पुणेकरांवर पाणीटंचाईचं संकट, गैरव्यवस्थापन कारणीभूत असल्याचा नागरिकांचा आरोप