नवीन मोबाईल घेवून दिला नाही म्हणून 15 वर्षीय मुलाची आत्महत्या, पुरंदरमधील धक्कादायक घटना

नवीन मोबाईल घेवून दिला नाही म्हणून पुण्यातील पुरंदर तालुक्यात एका 15 वर्षीय मुलाने आत्महत्या केल्याचा धक्कादायक प्रकार घडलाय.

नवीन मोबाईल घेवून दिला नाही म्हणून 15 वर्षीय मुलाची आत्महत्या, पुरंदरमधील धक्कादायक घटना

पुणे : नवीन मोबाईल घेवून दिला नाही म्हणून पुण्यातील पुरंदर तालुक्यात एका 15 वर्षीय मुलाने आत्महत्या केल्याचा धक्कादायक प्रकार घडलाय. पुरंदर तालुक्यातील वाल्हे येथील या घटनेने खळबळ माजली आहे. आदित्य रविंद्र दोडके असं या मुलाचं नाव आहे. त्याने साडीच्या साहाय्याने घरातील लोखंडी अँगलला गळफास घेत आत्महत्या केली (Suicide of a 15 year old boy for demand of Mobile in Purandar Pune).

आदित्य दोडके यानं आपली आजी रोहिणी शंकर दोडके यांना नवीन मोबाईल घेवून देण्याची मागणी केली. मात्र, आजीने मोबाईल न घेता पेन्शनची रक्कम घराच्या वीजबिलासाठी वापरली. आजीच्या या निर्णयावर आदित्य चिडला. चिडलेल्या आदित्यने घरातील स्वयंपाक खोलीत जाऊन साडीच्या सहाय्याने गळफास घेत आत्महत्या केली. आज (27 फेब्रुवारी) सकाळी 10 वाजण्याच्या सुमारास ही घटना घडली, अशी माहिती जेजुरी पोलिस ठाण्याचे पोलिस हवालदार संदिप मोकाशी यांनी दिली.

मृत आदित्य इयत्ता नववीच्या वर्गात शिकत होता. त्याने केवळ मोबाईलच्या हट्टापायी आत्महत्या केल्यानं परिसरात हळहळ व्यक्त करण्यात येत आहे.

हेही वाचा :

खर्च पेलत नसल्याने दोन वेळा लग्न मोडले, वडिलांवर कर्जाचा डोंगर नको म्हणून शेतकरी कन्येची आत्महत्या

गैरहजेरीच्या परवानगीसाठी कॉलेजला गेला आणि वर्गातच गळफास घेतला, नगरच्या विद्यार्थ्याच्या आत्महत्येने खळबळ

आईसह दोन मुलं विहिरीत आढळले, जळगावातील धक्कादायक घटना

व्हिडीओ पाहा :

Suicide of a 15 year old boy for demand of Mobile in Purandar Pune

Published On - 7:30 pm, Sat, 27 February 21

Click on your DTH Provider to Add TV9 MARATHI