शिवसेनेकडून संजय राऊत आणि संजय पवार यांचा राज्यसभा निवडणुकांसाठी अर्ज दाखल, मुख्यमंत्री आणि शरद पवारांची उपस्थिती, मविआचे शक्तिप्रदर्शन

एकीकडे परिवहनमंत्री अनिल परब यांच्या निवासस्थानासह सात ठिकाणी ईडीची छापेमारी सुरु असतानाच, दुसरीकडे शिवसेनेकडून राज्यसभेच्या दोन जागांसाठी उमेदवारी अर्ज दाखल करण्यात आलेत. यावेळी महाविकास आघाडीच्या वतीने जोरदार शक्तिप्रदर्शनही करण्यात आले.

शिवसेनेकडून संजय राऊत आणि संजय पवार यांचा राज्यसभा निवडणुकांसाठी अर्ज दाखल, मुख्यमंत्री आणि शरद पवारांची उपस्थिती, मविआचे शक्तिप्रदर्शन
sanjay raut and Sanjay pawar nominationsImage Credit source: TV 9 marathi
Follow us
| Updated on: May 26, 2022 | 1:51 PM

मुंबई – राज्यसभा निवडणुकांसाठीच्या राज्यातील सहा जागांसाठीच्या राजकीय नाट्यानंतर, अखेरीस शिवसेनेकडून आज संजय राऊत आणि संजय पवार या दोघांचे उमेदवारी अर्ज दाखल करण्यात आले आहेत. मुख्यमंत्री उद्धव ठाकरे, राष्ट्रवादी काँग्रेसचे अध्यक्ष शरद पवार यांच्यासह निम्मे मंत्रिमंडळ यासाठी आज विधीमंडळात दाखल झाले होते. एकीकडे परिवहनमंत्री अनिल परब यांच्या निवासस्थानासह सात ठिकाणी ईडीची छापेमारी सुरु असतानाच, दुसरीकडे शिवसेनेकडून राज्यसभेच्या दोन जागांसाठी उमेदवारी अर्ज दाखल करण्यात आलेत. यावेळी महाविकास आघाडीच्या वतीने जोरदार शक्तिप्रदर्शनही करण्यात आले. ३० मे ही उमेदवारी अर्ज भरण्याची अखेरची तारीख असून, १० जून रोजी ही निवडणूक होणार आहे.

कोण आहेत संजय पवार

शिवसेनेचे पहिले उमेदवार राज्यसभेचे खासदार आणि सामनाचे कार्यकारी संपादक संजय राऊत यांचा परिचय सर्वांना आहे. राज्यातील महाविकास आघाडीचे शिल्पकार अशीही त्यांची ओळख आहे. दुसरे उमेदवार संजय पवार हे कोल्हापूरचे कट्टर शिवसैनिक आहेत. १९८९ साली ३३ वर्षांपूर्वी त्यांनी शिवसेनेत प्रवेश केला होता. सध्या त्यांच्याकडे शिवसेना जिल्हाप्रमुख अशी जबाबदारी आहे. तीनदा ते कोल्हापूर महापालिकेत नगसवेक म्हणून निवडून आलेले आहेत. महापालिकेत विरोधी पक्षनेतेपदाची जबाबदारीही त्यांनी निभावलेली आहे. कोल्हापुरातील प्रश्नांची जाण असणारा, लढावू कार्यकर्ता अशी त्यांची ओळख आहे.

शिवसेनेला दोन जागा निवडून आणण्याचा विश्वास

राज्यातील सहा राज्यसभा जागांसाठी या निवडणुका होणार आहेत. यापूर्वी २०१६ साली संख्याबळावर शिवसेनेकडून संजय राऊत, काँग्रेसकडून पी चिदम्बरम, राष्ट्रवादीकडून प्रफुल्ल पटेल तर भाजपाकडून विकास महात्मे, विनय सहस्रबुद्धे आणि पियुष गोयल हे तिघे असे सहा जण निवडून आले होते. यावेळी मात्र संख्याबळानुसार भाजपाचे दोनच खासदार निवडून येऊ शकतील. तर महाविकास आघाडीकडे या जागेसाठी ४१ असे मतांचे गणित असल्याने सहावा उमेदवार नेमका कुणाचा निवडून येणार, यासाठी राजकीय चुरस आहे. भाजपाकडे या जागेसाठी अपक्षांसह २७ मते आहेत. त्यामुळे सहाव्या जागेसाठी महाविकास आघाडीचा दावा प्रबळ मानण्यात येतो आहे. संजय राऊत यांनीही सहावा राज्यसभा खासदार हा शिवसेनेचाच असेल असे स्पष्ट केले आहे.

हे सुद्धा वाचा

छत्रपती संभाजीराजेंनी ऑफर नाकारली

त्यापूर्वी या निवडणुकीत सहाव्या जागेसाठी अपक्ष उमेदवारी छत्रपती संभाजीराजे यांनी घोषित केली होती. मात्र त्यांनी शिवसेनेत प्रवेश करावा, मगच त्यांना सहाव्या जागेसाठी उमेदवारी देूऊ, अशी आग्रही भूमिका शिवसेनेने घेतली होती. मुख्यमंत्र्यांनी शिवबंधन बांधण्यास यावे, असा निरोपही संभाजीराजेंना पाठवला होता. मात्र कोणत्याही राजकीय पक्षात प्रवेश न करण्याची भूमिका घेतलेल्या संभाजीराजे यांनी शिवसेनेची ही ऑफर नाकारली आहे. त्यामुळे आता संभाजीराजेंना महाविकास आघाडीचा पाठिंबा मिळणार नाही, हे स्पष्ट झाले आहे. भाजापानेही अद्याप उमेदवार घोषित केलेले नाहीत. त्यामुळे छत्रपती निवडणुकीतून माघार घेणार अशीही चर्चा आहे.

राष्ट्रवादीकडून प्रफुल्ल पटेल यांना पुन्हा संधी

तर राष्ट्रवादी काँग्रेसने यंदाच्या राज्यसभेसाठी पुन्हा एकदा प्रफुल्ल पटेल यांना संधी दिली आहे. दिल्लीच्या राजकारणात प्रफुल्ल पटेल हे राष्ट्रवादीचा चेहरा आहेत. त्यामुळे त्यांना पुन्हा एकदा राज्यसभेची संधी दिल्याचे सांगण्यात येते आहे.

Non Stop LIVE Update
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?.