Ambernath : अंबरनाथच्या छाया हॉस्पिटलमध्ये तब्बल 16 वर्षांनी प्रसुती शस्त्रक्रिया, ऑपरेशन थिएटर नसल्यानं रुग्णांची होत होती परवड
अंबरनाथच्या डॉ. बी. जी. छाया उपजिल्हा रुग्णालयात गेल्या अनेक वर्षांपासून ऑपरेशन थिएटर बंद होतं. त्यामुळं मोठ्या शस्त्रक्रिया तर दूरच, पण साधी प्रसुतीची शस्त्रक्रिया करण्यासाठीही महिलांना उल्हासनगरच्या मध्यवर्ती रुग्णालयात किंवा थेट ठाण्या-मुंबईला पाठवलं जात होतं. ज्यामुळं या गरोदर रुग्णांना त्रास तर होत होताच, पण काही वेळा उशीर झाल्यानं अडचणीही वाढत होत्या.
अंबरनाथ : अंबरनाथच्या डॉ. बी. जी. छाया उपजिल्हा रुग्णालयात तब्बल 16 वर्षांनी दोन प्रसुती शस्त्रक्रिया (Surgery) करण्यात आल्या आहेत. नव्यानेच सुरू करण्यात आलेल्या ऑपरेशन थिएटर (Operation Theatre) मध्ये या शस्त्रक्रिया करण्यात आल्या. यात एकाच दिवशी 2 गोंडस बाळांनी जन्म घेतला. सोनू साळवे आणि तबस्सुम शेख या दोघींना प्रसुतीसाठी शनिवारी रुग्णालयात दाखल करण्यात आलं होतं. सोमवारी त्यांची यशस्वी शस्त्रक्रिया करून प्रसुती करण्यात आली. यामध्ये सोनू साळवे यांना मुलगा तर तबस्सुम यांना मुलगी झाली. रुग्णालयाचे वैद्यकीय अधीक्षक डॉ. हरेश पाटोळे आणि स्त्री रोग तज्ज्ञ डॉ. अरुणा बेलुरे, भूलतज्ज्ञ डॉ. तृप्ती चव्हाण, बालरोग तज्ज्ञ डॉ. सचिन देशमुख, मेट्रन उषा बनगर यांनी शस्त्रक्रिया यशस्वी पार पाडली. (After 16 years of obstetric surgery at the chhaya hospital in Ambernath)
गेल्या अनेक वर्षांपासून बंद होते ऑपरेशन थिएटर
अंबरनाथच्या डॉ. बी. जी. छाया उपजिल्हा रुग्णालयात गेल्या अनेक वर्षांपासून ऑपरेशन थिएटर बंद होतं. त्यामुळं मोठ्या शस्त्रक्रिया तर दूरच, पण साधी प्रसुतीची शस्त्रक्रिया करण्यासाठीही महिलांना उल्हासनगरच्या मध्यवर्ती रुग्णालयात किंवा थेट ठाण्या-मुंबईला पाठवलं जात होतं. ज्यामुळं या गरोदर रुग्णांना त्रास तर होत होताच, पण काही वेळा उशीर झाल्यानं अडचणीही वाढत होत्या. हा त्रास थांबवण्यासाठी अंबरनाथचे आमदार डॉ. बालाजी किणीकर यांच्या पाठपुराव्यानं नुकतंच या हॉस्पिटलमध्ये नव्याने सुसज्ज ऑपरेशन थिएटर सुरू करण्यात आलं आहे. या ऑपरेशन थिएटरमध्ये आता प्रसुतीच्या शस्त्रक्रिया सुरू करण्यात आल्या आहेत. तब्बल 16 वर्षांनी सोमवारी 18 एप्रिल रोजी एकाच दिवशी छाया हॉस्पिटलमध्ये प्रसुतीच्या दोन शस्त्रक्रिया करण्यात आल्या.
गरोदर महिलांची परवड थांबेल
छाया हॉस्पिटलमध्ये सुसज्ज ऑपरेशन थिएटर सुरू झाल्यानंतर गावातल्या गावातच बाळंतपण यशस्वी पार पडल्यामुळे दोन्ही मुलांच्या पालकांनी समाधान व्यक्त केलं. त्यामुळं भविष्यात अंबरनाथच्या गरोदर महिलांना प्रसुतीच्या शस्त्रक्रियेसाठी दुसऱ्या शहरात जाण्याची वेळ येणार नसून महिला आणि त्यांच्या नातेवाईकांची परवड थांबणार आहे. (After 16 years of obstetric surgery at the chhaya hospital in Ambernath)
इतर बातम्या
