CCTV Video : अंबरनाथच्या वुलन चाळीत गावगुंडांचा धिंगाणा, दुकानदारांकडून पैसे मागत गाड्यांची तोडफोड, गुंडांचा हैदोस सीसीटीव्हीत कैद
अंबरनाथ पश्चिमेच्या वुलन चाळ परिसरात हैद्राबाद एग सेंटर नावाचं दुकान आहे. सोमवारी 13 जून रोजी रात्री 10 वाजण्याच्या सुमारास याच भागातील शिवनगर परिसरातले काही गावगुंड तिथे आले आणि त्यांनी दुकानदारांकडे पैसे मागायला सुरुवात केली. मात्र दुकानदारांनी पैसे द्यायला नकार दिला.
अंबरनाथ : अंबरनाथच्या वुलन चाळ परिसरात गावगुंडां (Goons)नी दुकानदारांकडे हफ्ते मागत धिंगाणा घातल्याचा प्रकार समोर आला आहे. पैसे न दिल्यानं या गावगुंडांनी काही गाड्यांची तोडफोड (Vandalism) केली आहे. हा सगळा प्रकार सीसीटीव्ही (CCTV) कॅमेऱ्यात कैद झाला आहे. मात्र याबाबत पोलीस ठाण्यात अद्याप कोणताही गुन्हा दाखल करण्यात आलेला नाही. वुलन चाळ परिसरातील अंबिका मंदिर भागात काही दुकानं रात्री उशिरापर्यंत सुरू असतात. या दुकानांमध्ये नशेच्या साहित्याची विक्री होत असल्यानं शहराबाहेरूनही अनेक नशेडी आणि टपोरी तरुण रात्री उशिरापर्यंत इथं येत असतात. त्यामुळं या सगळ्यावर पोलिसांनी वचक ठेवण्याची आवश्यकता निर्माण झाली आहे.
अंबरनाथच्या वुलन चाळीत गावगुंडांचा धिंगाणा सीसीटीव्हीत कैद#Ambernath #Goons #MoneyDemand #CCTV pic.twitter.com/Je0fKNYnBt
— TV9 Marathi (@TV9Marathi) June 17, 2022
दुकानदारांनी पैसे देण्यास नकार दिल्याने तोडफोड
अंबरनाथ पश्चिमेच्या वुलन चाळ परिसरात हैद्राबाद एग सेंटर नावाचं दुकान आहे. सोमवारी 13 जून रोजी रात्री 10 वाजण्याच्या सुमारास याच भागातील शिवनगर परिसरातले काही गावगुंड तिथे आले आणि त्यांनी दुकानदारांकडे पैसे मागायला सुरुवात केली. मात्र दुकानदारांनी पैसे द्यायला नकार दिला. याचा राग आल्याने या गावगुंडांनी तिथे उभ्या असलेल्या काही गाड्यांची तोडफोड केली आणि निघून गेले. हा सगळं प्रकार तिथे असलेल्या सीसीटीव्ही कॅमेरात कैद झाला आहे. दरम्यान, याबाबत अद्याप अंबरनाथ पश्चिम पोलीस ठाण्यात कोणताही गुन्हा दाखल झालेला नाही. (Vandalism by goons in Woolen Chawl of Ambernath demanding money from shopkeepers)
