Delhi Murder : इंस्टा पोस्टवरुन दिल्लीत 17 वर्षीय मुलाची हत्या, मुख्य आरोपी फरार
शौकतने सोहन लालचा फोटो इन्स्टाग्रामवर पोस्ट केला आणि त्यावर काही कमेंट्स लिहिली, असे आरोपींचे म्हणणे आहे. ही पोस्ट पाहिल्यानंतर सर्व आरोपींचा संताप अनावर झाला आणि त्यांनी शौकतचे अपहरण केले. आश्‍चर्याची गोष्ट म्हणजे शौकतकडे स्वतःचा स्मार्टफोनही नव्हता.
नवी दिल्ली : दिल्लीत इंस्टाग्रामवर पोस्ट केल्याप्रकरणी एकाची हत्या केल्याची खळबळजनक घटना दिल्लीतील उत्तम नगर भागात घडली आहे. याठिकाणी काही अल्पवयीन मुलांनी व परिसरातील बदमाशांनी मिळून एका व्यक्तीची चाकूने 10 वार करून हत्या केली. मृत युवकाने या हत्या प्रकरणातील आरोपीचा फोटो इन्स्टाग्रामवर पोस्ट करून त्यावर काही कमेंट्स लिहिल्याची प्राथमिक माहिती आहे. शौकत असे मयत युवकाचे नाव आहे.
यानंतर परिसरातील काही गुंडांनी या युवकाचे अपहरण केले आणि त्याला एका फ्लॅटमध्ये नेऊन त्याच्यावर चाकूने वार केले. त्यानंतर आरोपींनी तेथून पळून काढला. या प्रकरणातील खुनाचा आरोपी सोहनलाल हा या भागातील सराईत गुन्हेगार सध्या फरार असल्याचे सांगण्यात येत आहे.
शौकतने आरोपीचा फोटो इन्स्टाग्रामवर टाकला होता
शौकतने सोहन लालचा फोटो इन्स्टाग्रामवर पोस्ट केला आणि त्यावर काही कमेंट्स लिहिली, असे आरोपींचे म्हणणे आहे. ही पोस्ट पाहिल्यानंतर सर्व आरोपींचा संताप अनावर झाला आणि त्यांनी शौकतचे अपहरण केले. आश्‍चर्याची गोष्ट म्हणजे शौकतकडे स्वतःचा स्मार्टफोनही नव्हता. तो नेहमी भाऊ आणि मित्रांचे फोन घेऊन सोशल मीडिया इन्स्टाग्रामवर रील काढत असे.
रस्त्याच्या कडेला बेशुद्ध अवस्थेत पडला होता शौकत
26-27 डिसेंबरच्या मध्यरात्री, पोलिसांना एक पीसीआर कॉल आला की एक व्यक्ती सुप्रीम मॉडेल स्कूल, उत्तम नगरजवळ बेशुद्ध पडली आहे. जेव्हा दिल्ली पोलिस अधिकारी घटनास्थळी पोहोचले तेव्हा शौकत नावाचा एक व्यक्ती तिथे पडला होता, त्याला महिंदरू हॉस्पिटलमध्ये दाखल करण्यात आले, त्यानंतर डॉक्टरांनी त्याला डीडीयू हॉस्पिटलमध्ये रेफर केले. मात्र जीडी हॉस्पिटलमध्ये पोहोचण्यापूर्वी शौकतचा मृत्यू झाला होता.
शौकतच्या शरीरावर जखमा होत्या
शौकतवर आईस्क्रीम तोडण्यासाठी वापरण्यात येणाऱ्या तीक्ष्ण चाकूने अनेक वार केल्याचे पोस्टमॉर्टम अहवालात स्पष्ट झाले आहे. त्याच्या शरीरावर 8 ते 10 जखमांच्या खुणा आढळून आल्या आहेत. शौकतच्या कुटुंबीयांनी परिसरातील गुंड आणि गुन्हेगार सोहनलालवर आरोप केले होते. पोलिसांनी तपास सुरू केला असता हत्येतील तीन अल्पवयीन मुलांना ताब्यात घेण्यात आले आहे. तर सोहनलाल अद्याप फरार आहे. सोहनलाल यांच्यावर आरोप आहे की तो अनेकदा परिसरात दादागिरी करत असे. तो लोकांसोबत मारहाणीचे व्हिडिओ सोशल मीडियावर अपलोड करायचा. सोहनलाल हा पोलिसांचा खबरीही असल्याचे सांगण्यात येत आहे. पोलीस सोहनलालचा शोध घेत आहेत. (17 year old boy murdered in Delhi from Insta Post)
इतर बातम्या
Murder: आईची अब्रू वाचवण्यासाठी वृध्दाची केली हत्या; दोन अल्पवयीन मुली गजाआड
धक्कादायक! दहिसरमधील एका प्रतिष्ठित बँकेत गोळीबार, लूटमारीच्या उद्देशानं गोळीबार?
