‘आज के शिवाजी नरेंद्र मोदी’, भाजपकडून पुस्तक प्रदर्शित, सोशल मीडियावर संताप

नवी दिल्ली : दिल्ली भाजपचे नेते जय भगवान गोयल यांनी लिहिलेलं ‘आज के शिवाजी नरेंद्र मोदी’ या पुस्तकाचे प्रकाशन करण्यात आले (Aaj Ke Shivaji Narendra Modi Book). भाजप दिल्ली प्रदेश कार्यालयात झालेल्या एका कार्यक्रमात या पुस्तकाचा प्रकाशन सोहळा पार पडला. या पुस्तकात मोदींची तुलना थेट शिवाजी महाराजांशी केल्याची माहिती आहे. या कार्यक्रमाला भाजपचे प्रदेशाध्यक्ष मनोज तिवारी, प्रभारी श्याम जाजू, माजी खासदार महेश गिरी हे नेते उपस्थित होते (Aaj Ke Shivaji Narendra Modi Book).

आज @BJP4Delhi कार्यालय में आयोजित धार्मिक सांस्कृतिक सम्मेलन में मेरे द्वारा मा. श्री नरेन्द्र मोदी जी पर लिखि गई पुस्तक ‘‘आज के शिवाजी – नरेन्द्र मोदी’’ का विमोचन किया गया। @BJP4India @ManojTiwariMP @ShyamSJaju @MaheishGirri @blsanthosh @siddharthanbjp @JPNadda pic.twitter.com/VVCTQKdYFS

— Jai Bhagwan Goyal (@JaiBhagwanGoyal) January 11, 2020

पंतप्रधान नरेंद्र मोदी हे आजचे शिवाजी महाराज आहेत, अशी तुलना या पुस्तकात करण्यात आल्याची माहिती आहे. भाजप नेते जय भगवान गोयल यांनी नरेंद्र मोदी यांच्यावर ‘आज के शिवाजी नरेंद्र मोदी’ अशा आशयाचं पुस्तक लिहिलं आहे. जय भगवान गोयल यांनी त्यांच्या फेसबुक आणि ट्विटर अकाऊंटवरुन पोस्ट करत या पुस्तकाची माहिती दिली. भाजपकडून प्रकाशित करण्यात आलेल्या या पुस्तकामुळे आता नवा वाद उद्भवला आहे.

शिवेसेनेचे खासदार संजय राऊत यांनी या पुस्तकावर ट्विटरच्या माध्यमातून टीका केली. “आज के शिवाजी नरेंद्र मोदी.. असे महान पुस्तक लिहून भाजपा कार्यालयात प्रसिद्ध करणारे हे महशय कोण आहेत? हेच ते जयभगवान गोयल. यांनी दिल्लीतील महाराष्ट्र सदनावर हल्ला करून शिवरायांच्या महाराष्ट्राला आणि मराठी माणसाला शिव्या घातल्या होत्या. शाब्बास भाजपा!!!”, असं ट्वीट करत संजय राऊतांनी भाजपवर निशाणा साधला.

आज के शिवाजी नरेंद्र मोदी.. असे महान पुस्तक लिहून भाजपा कार्यालयात प्रसिद्ध करणारे हे महशय कोण आहेत?हेच ते जयभगवान गोल.यांनी दिल्लीतील महाराष्ट्र सदनावर हल्ला करून शिवरायांचया महाराष्ट्राला व मराठी माणसाला शिव्या घातल्या होत्या. शाब्बास भाजपा!!! pic.twitter.com/LxWySzDX7s

— Sanjay Raut (@rautsanjay61) January 12, 2020

महाराष्ट्राचे गृहनिर्माण मंत्री जितेंद्र आव्हाड यांनी या पुस्तकावर आक्षेप घेतला आहे. जितेंद्र आव्हाड यांनी ट्वीट करत आपला संताप व्यक्त केला. “जगाच्या अंतापर्यंत दुसरे छत्रपती शिवाजी महाराज होणे नाही. ‘आज के शिवाजी नरेंद्र मोदी’, हे मनाला पटत नाही”, असं ट्वीट जितेंद्र आव्हाड यांनी केलं.

जगा च्या अंता पर्येंत दुसरे #छत्रपतीशिवाजीमहाराज होणे नाही – “आज के शिवाजी नरेंद्र मोदी” – पटत नाही मनाला pic.twitter.com/ckEu9e22ZB

— Dr.Jitendra Awhad (@Awhadspeaks) January 12, 2020

“हिंदुस्थानचे आराध्य दैवत छत्रपती शिवाजी महाराज यांच्याशी पंतप्रधान मोदींची थेट तुलना करणारे पुस्तक प्रकाशित करून भाजपच्या नेत्यांनी मराठी जनाच्या भावना दुखावल्या आहेत. युगपुरुष छत्रपती शिवरायांची बरोबरी कोणीही करू शकत नाही, हा अट्टहास करू पाहणाऱ्यांना महाराष्ट्र माफ करणार नाही”, असं ट्वीट करत सामाजिक न्याय आणि विशेष सहाय्य मंत्री धनंजय मुंडे यांनी भाजपवर घणाघात केला.

हिंदुस्थानचे आराध्य दैवत छत्रपती शिवाजी महाराज यांच्याशी पंतप्रधान मोदींची थेट तुलना करणारे पुस्तक प्रकाशित करून भाजपच्या नेत्यांनी मराठी जनाच्या भावना दुखावल्या आहेत. युगपुरुष छत्रपती शिवरायांची बरोबरी कोणीही करू शकत नाही, हा अट्टहास करू पाहणाऱ्यांना महाराष्ट्र माफ करणार नाही. pic.twitter.com/vB7AjieBcI

— Dhananjay Munde (@dhananjay_munde) January 12, 2020

‘आज के शिवाजी नरेंद्र मोदी’ या पुस्तकाच्या नावातून पंतप्रधान नरेंद्र मोदी यांची तुलना थेट छत्रपती शिवाजी महारांसोबत केल्याचं दिसून येतं. त्यामुळे या पुस्तकावर सोशल मीडियाच्या माध्यमातून मोठ्या प्रमाणात टीका केली जात आहे.

शिवाजी महाराज यांच्या सारखे दुसरे कोणी होऊ शकत नाही. म्हणून सांगतो तुम्ही तुमच्या लायकी प्रमाणे रहा.

— किरण चव्हाण (@kir_chavan) January 12, 2020

निषेध.. थेट शिवाजीराजांसोबतच बरोबरी!!!! हा महाराजांचा अपमान आहे. शिवराय एकमेव अद्वैतीय आहे. मोदी काय कुणीही त्यांच्या नखाची सर देखील करु शकत नाही… pic.twitter.com/pqkVMYytaY

— Bharat Bhujade (@BharatBhujade1) January 12, 2020

अरे काहींच्या काहीच काय चालू आहे ? शिवाजीमहाराज एकच होते एकच आहेत आणि एकच राहतील . त्यांच्यासारखं व्हायला सात जन्मं कमी पडतील

आधी समजदार व्यक्ति होऊन दाखवा देश कुठे चालला आणि तुम्ही कुठे त्याचे भान ठेवा जरा

— Rohini (@rrohinikhare) January 12, 2020

छत्रपती शिवाजी महाराजांसारखे ना कोणी झाले, ना कोणी होणार……..छत्रपती शिवाजी महाराज राहू द्या, त्यांच्या मावळ्यांबरोबर देखील तुलना करायची लायकी मोदीची नाही…….#छत्रपती_शिवाजी_महाराज

— अमोल सणस (@Amol_A_S) January 12, 2020

@BJP4Maharashtra @Dev_Fadnavis @Chh_Udayanraje @YuvrajSambhaji @ChDadaPatil भाजपा महाराष्ट्राच्या नेत्यांचं यावर कोणतच विधान न येणे किव्हा प्रतिक्रिया न येणे हे महाराष्ट्रच दुर्दैव आहे.. छत्रपती सुद्धा भाजपात असताना महाराजांची तुलना कोना एक व्यक्ती शी केलेली काशी चालते यांना ??

— अजित सुरेखा आण्णासाहेब शिंदे (@Ajitshinde_28) January 12, 2020