AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Rahul Gandhi : तर राहुल गांधींचा सुद्धा आजीसारखाच गेम करू… कोणी दिली धमकी ? काँग्रेसची आक्रमक भूमिका

अमेरिकेत राहुल गांधी यांनी शीख धर्मियांबाबत केलेल्या वक्तव्यावरून खळबळ उडाली आहे. शीख विरोध करत आहेत. दरम्यान, भाजप नेत्याने राहुल गांधींना उघडपणे धमकी दिली आहे. काँग्रेसने हा व्हिडिओ सोशल मीडियावर शेअर केला आहे.

Rahul Gandhi : तर राहुल गांधींचा सुद्धा आजीसारखाच गेम करू... कोणी दिली धमकी ? काँग्रेसची आक्रमक भूमिका
काँग्रेस नेते राहुल गांधीImage Credit source: social media
| Updated on: Sep 12, 2024 | 9:30 AM
Share

अमेरिकेत राहुल गांधी यांनी शीखांबाबत केलेल्या वक्तव्यामुळे शीख समाजातील लोकांमध्ये संतापाचे वातावरण आहे. देशातही त्यामुळे खळबळ माजली आहे. याच दरम्यान, राहुल गांधींच्या विधानावर आक्षेप घेत  शिखांनी बुधवारी (11 सप्टेंबर) दिल्लीतील सोनिया गांधी यांच्या निवासस्थानाबाहेर निदर्शने केली. या निदर्शनादरम्यान भाजप नेते तरविंदर सिंग मारवाह यांनी राहुल गांधींना उघडपणे धमकी दिल्याचा आरोप आहे. काँग्रेसने या धमकीचा व्हिडिओ शेअर करत कारवाईची मागणी केली आहे. काँग्रेसतर्फे तरविंदर सिंग मारवाह यांच्याविरोधात एफआयआर दाखल करण्यात येऊ शकते.

अमेरिकेतील एका कार्यक्रमादरम्यान राहुल गांधी यांनी शिखांचा उल्लेख करताना भारतातील धार्मिक स्वातंत्र्यावर भाष्य केले होते. मात्र शीख समुदायाने या टिप्पणीवर आक्षेप घेत राजधानीत निदर्शने केली. जनपथ रोडवरील पोलिसांचे बॅरिकेड्स तोडण्याचेही प्रयत्न करण्यात आले. याच निदर्शनांमध्ये सहभागी असलेले भाजप नेते तरविंदर सिंग मारवाह यांनी राहुल गांधींना उघडपणे धमकी दिली, त्यावर आता काँग्रेसने आक्षेप घेतला आहे.

काय म्हणाले होते तरविंदर सिंग ?

दिल्ली भाजपचे नेते आणि माजी आमदार तरविंदर सिंग मारवाह यांनी या आंदोलनादरम्यान राहुल गांधींना धमकी दिली होती. ‘ राहुल गांधी वेळीच सावध व्हा ( आवरा स्वत:ला), नाहीतर येत्या काळात तुमचीसुद्धा आजीसारखीच गत होईल ‘असा इशारा त्यांनी दिला. हा व्हिडीओ काँग्रेसने आपल्या सोशल मीडिया हँडलवर शेअर केला आहे. तसेच पंतप्रधान मोदींना टॅग करून कारवाईची मागणी केली आहे. ‘ भाजपचा हा नेता उघडपणे विरोधी पक्षनेत्याला जीवे मारण्याची धमकी देत ​​आहे, नरेंद्र मोदीजी, तुमच्या पक्षाच्या या नेत्याच्या धमकीवर तुम्ही गप्प बसू शकत नाही’, अशी पोस्ट करत काँग्रेसने कारवाईची मागणी केली.

हे प्रकरण गंभीर

‘ हे प्रकरण अतिशय गंभीर आहे. तुमच्या पक्षाच्या द्वेषाच्या फॅक्टरीचं हे प्रॉडक्ट आहे. या विरोधात कारवाई झालीच पाहिजे’, असेही पोस्टमध्ये नमूद करण्यात आलं आहे. काँग्रेसच्या प्रवक्त्या सुप्रिया श्रीनेत यांनीही हा व्हिडिओ शेअर केला आहे. पंतप्रधान नरेंद्र मोदींशिवाय त्यांनी अमित शहा आणि जेपी नड्डा यांनाही पोस्टमध्ये टॅग केले. या धमकीवर तुम्ही गप्प बसू शकत नाही, असे सुप्रिया श्रीनेत यांनी लिहिले आहे. हे आम्ही कोणत्याही परिस्थितीत खपवून घेणार नाही, असेही त्यांनी ठणकावून सांगितलं आहे.

काय म्हणाले होते राहुल गांधी ?

अमेरिकेतील व्हर्जिनिया येथील कार्यक्रमादरम्यान राहुल गांधी यांनी केलेल्या वक्तव्यावरून वादंग निर्माण झाला आहे. एका शीख व्यक्तीने भारतात पगडी अथवा कडे घालावे की नाही. एक शीख म्हणून ती व्यक्ती गुरुद्वारात जाऊ शकते की नाही. यासाठी लढाई आहे आणि ही केवळ त्यांच्यासाठीच नाही तर सर्व धर्मांसाठी आहे, असे वक्तव्य काँग्रेसचे नेते राहुल गांधी यांनी केले होते.

Follow Us
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला