आता बुलेट ट्रेन फक्त गुजरातपुरतीच? महाराष्ट्रात प्रोजेक्ट लटकला?

नवी दिल्ली : केंद्रातील मोदी सरकार कोणत्याही परिस्थितीत बुलेट ट्रेन प्रकल्प पूर्ण करण्यासाठी प्रयत्न करत आहे. मात्र, महाराष्ट्रात बुलेट ट्रेन (Bullet train) प्रकल्पासाठी जमीन अधिग्रहणात उशीर होत आहे. त्यामुळे रेल्वे विभागाने मुंबई-गुजरात बुलेट ट्रेन प्रकल्पाला टप्प्याटप्प्याने पूर्ण करण्याचं नियोजन केलंय. रेल्वे बोर्डाचे चेअरमन विनोद कुमार यादव यांनी ही माहिती दिली (Ahmedabad Mumbai Bullet train project may complete in two phase due to issue in land acquisition).

रेल्वे बोर्डाचे चेअरमन विनोद कुमार यादव म्हणाले, “जर महाराष्ट्र सरकारकडून बुलेट ट्रेनसाठी जमीन अधिग्रहणात (Land Acquisition) उशीर झाला तर पहिल्या टप्प्यात अहमदाबाद ते वापी (गुजरात) दरम्यान बुलेट ट्रेन सुरु केली जाऊ शकते. जमीन अधिग्रहणाला मंजुरी मिळाल्यानंतरच दुसऱ्या टप्प्यात वापी ते वांद्रा बुलेट ट्रेन सुरु होईल.

रेल्वे विभागाने दिलेल्या माहितीनुसार, महाराष्ट्र सरकारसोबत जमीन अधिग्रहणाबाबत सातत्याने चर्चा सुरु आहे. महाराष्ट्र सरकारने पुढील 4 महिन्यात 80 टक्के जमीन अधिग्रहित करण्याचं काम पूर्ण करण्याचं आश्वासन दिलंय. बुलेट ट्रेनसाठीच्या जमीन अधिग्रहणात महाराष्ट्र सरकारकडून सहकार्य न मिळाल्यास बुलेट ट्रेन प्रकल्प दोन टप्प्यात पूर्ण केला जाईल.

मुंबई-अहमदाबाद हायस्पीड रेल कॉरिडोअर देशाची पहिली बुलेट ट्रेन योजना आहे. मात्र, या योजनेत जमीन अधिग्रहणाचा सर्वात मोठा अडथळा आहे. सरकारने 2024 पर्यंत या मार्गावर बुलेट ट्रेन सुरु करण्याचा आराखडा आखलाय. अशा स्थितीत गुजरातमधील जमीन अधिग्रहणाचं काम जवळपास पूर्ण होत आलंय. दुसरीकडे महाराष्ट्रात मात्र प्रकल्प लटकण्याची चिन्हं आहेत.

हेही वाचा :

Special Report | मेट्रो कारशेड विरुद्ध बुलेट ट्रेन, कोण नाक दाबणार, कुणाचं तोंड उघडणार?

तुमचा मेट्रो कारशेडला विरोध तर आमचा वाढवण बंदराला? मोदी-ठाकरे सरकार आमने सामने? वाचा सविस्तर

मेट्रो कारशेड बुलेट ट्रेनच्या शेजारी हलवा, पर्यावरणप्रेमींच्या प्रस्तावाने भाजपची धाकधूक

व्हिडीओ पाहा :

Ahmedabad Mumbai Bullet train project may complete in two phase due to issue in land acquisition