भाजपने राहुल गांधींचं चॅलेंज स्वीकारलं; SIR वर चर्चा करण्यासाठी तयार…अमित शहांनी फक्त ठेवली एक अट

देशात मतचोरी आणि एसआयआरच्या मुद्द्यावरून रान पेटलं आहे. राहुल गांधींच्या नेतृत्वात हजारो लोकांचे मोर्चे काढले जात आहेत. याच मुद्द्यावरून राहुल गांधी यांनी थेट पंतप्रधान नरेंद्र मोदींना चर्चेचं आव्हान दिलं होतं. परंतु राहुल गांधी यांचं चॅलेंज अमित शहा यांनी स्वीकारलं. राहुल गांधी यांनी एक पत्र लिहावं. त्यातून संसदेच्या विशेष अधिवेशनाची मागणी करावी, असं अमित शहा यांनी राहुल गांधींना म्हटलं.

अमित शहा म्हणाले, ‘पॉन्डिचेरीत भाजपच्या सरकारची स्थापना झाली आहे. याचा धक्का राहुल गांधींना बसला आहे. त्यामुळे पराभवाचं खापर हे एसआयआर वर फोडत आहेत. 2014 मध्ये एसआयआर होते का…त्यावेळी तुमचा सुपडासाफ झाला. 2019 मध्ये एसआयआर कुठे होतं. तेव्हाही पराभव झाला. 2024 साली देखील एसआयआर नव्हतं. त्यावेळी देखील तुमचा पराभव झाला. हरियाणा, महाराष्ट्रातही एसआयआर नव्हतं. त्यानंतरही सर्व ठिकाणी पराभूत झाले. आता हे म्हणतात की,  तेरा करोड मतदार वगळले. परंतु या मंचावरून राहुल गांधींना चॅलेंज करतो. ते चर्चेसाठी नरेंद्र मोदींना चॅलेंज देताहेत. परंतु इकडे मोदींजींची गरज नाही. चर्चा करायची असेल, तर तुम्ही एक पत्र लिहा. त्यात संसदेत विशेष अधिवेशनाची बाब नमूद करा. आम्ही एसआयआरवर संसदेतील विशेष अधिवेशनात चर्चा करण्यासाठी तयार आहोत. आम्ही चर्चा करू. सर्व प्रकारच्या मुद्द्यावर चर्चा करू. परंतु तुम्ही खोटे बोलणे बंद करावे’.

‘आज मी हरियाणाच्या सभेतून देशाच्या जनतेला सांगतो की, दीड करोड मतदार वगळल्याचा आरोप काँग्रेस करत आहे. याचं ब्रेकअप काय आहे…2.8 कोटी नागरिकांचा मृत्यू झालेला आहे. ज्यांचा मृत्यू झाला, ते मतदान करू शकतात का? सव्वा सहा कोटी लोक हे दुसऱ्या राज्यात गेले. त्यांचं मतदान पुन्हा राहणार आहे का…एक कोटी लोकांचं नाव हे तीन हून अधिक लोकांची नावे आहेत. तीन ठिकाणी नाव असताना दोन जागांवर नाव वगळले जाणार ना…आता तीन कोटी लोक आहेत. जे निवडणूक आयोगासमोर येतच नाही. कारण ते घुसखोर आहेत. या घुसखोरांसाठी काँग्रेस आंदोलन करत आहे. मी सांगतो की, भाजपचा संकल्प आहे की, आम्ही घुसखोरांना शोधणार आहोत. त्यांना देशाच्या बाहेर काढणार आहोत. त्यांची लोकशाही बचावची रॅली नसून घुसखोर बचावची रॅली आहे. त्यामुळे आम्ही मतदारयादी दुरुस्त करण्यास सांगितलं. निवडणूक आयोग हे एसआयआर करत होतं. त्यावेळी काँग्रेसचे बीएलए काय करत होते. त्यांनी मतदारांची मदत केली नाही, असे अमित शहा पुढे म्हणाले.