डॉक्टर बनून महिलांचं शरीर… सेजल जाधवनंतर आणखी एकाचा वादग्रस्त व्हिडीओ; संतापाची लाट उसळताच…

प्रणित मोरेच्या शोमध्ये डॉ. सेजल जाधवने केलेल्या वादग्रस्त विधानाचे तीव्र पडसाद उमटले होते. हे प्रकरण शांत होत नाही तोच आणखी एका कॉमेडियन आणि युट्यूबरचा वादग्रस्त व्हिडीओ व्हायरल झाला आहे. आग्र्यातील कॉमेडियन आणि युट्यूबर बाबू गप्पी सध्या वादात अडकला आहे. बाबूचा एक वादग्रस्त व्हिडीओ व्हायरल झाला आहे. या व्हिडीओत बाबूने महिलांच्या शरीराच्या अंगावर आक्षेपार्ह टिप्पणी केली आहे. त्याचा हा व्हिडीओ व्हायरल होताच सोशल मीडियातून संतापाची लाट उसळली आहे. नेटकऱ्यांनी बाबूवर कारवाई करण्याची मागणी केली आहे. सोशल मीडियावर ट्रोल झाल्यानंतर बाबू गप्पीने माफईही मागितली आहे.

युट्यूबवर व्ह्यूज आणि फॉलोअर्स वाढवण्यासाठी अशा प्रकारचा कंटेट क्रिएट केला जात असल्याचा आरोप केला जात आहे. लोकप्रियता मिळवण्यासाठी कोणत्या प्रकारचा कंटेट करण्यात येत आहे, यावरही आता सोशल मीडियातून चर्चा सुरू झाली आहे. या वादानंतर महिलांच्या सन्मानावर देशातील अर्ध्याहून अधिक लोकसंख्या चर्चा करताना दिसत आहे.

व्हिडीओ येताच वाद…

यापूर्वीही महिलांवर कथित विधान केल्याप्रकरणी युट्यूबर्सवर कारवाई करण्यात आलेली आहे. आता या व्हिडीओची गंभीर दखल राज्य महिला आयोगाची अध्यक्षा बबीता चौहान यांनी घेतली आहे. आम्हाला या व्हिडीओची माहिती मिळाली आहे. या प्रकरणात नोटीस पाठवण्यात येत आहे. चौकशीत आरोप सिद्ध झाल्यास कारवाई करण्यात येणार आहे, असं चौहान म्हणाल्या.

माफी मागितली…

डॉक्टर झाल्यावर महिलांचे शरीर पाहिल, असं वादग्रस्त विधान बाबू गप्पीने या व्हिडीओत केल्याचं सांगितलं जात आहे. हा व्हिडीओ व्हायरल झाल्यानंतर बापू गप्पीने माफी मागितली आहे. त्याचा माफी मागतानाचा व्हिडीओही व्हायरल झाला आहे. व्हायरल व्हिडीओ आणि सोशल मीडियावरील व्हिडीओ आता चर्चेचा विषय झाला आहे. दरम्यान, या प्रकरणाची राज्य महिला आयोगाने गंभीर दखल घेतली आहे. चौकशीनंतरच पुढील कारवाई केली जाणार आहे. मात्र, या नव्या व्हिडीओमुळे बाबू गप्पी प्रचंड अडचणीत आला आहे. आता बाबूकडून महिला आयोगाला काय उत्तर दिलं जातं याकडे सर्वांचं लक्ष लागलं आहे. तसेच बाबूवर या प्रकरणी फौजदारी कारवाई होण्याची शक्यताही वर्तवली जात आहे.