आता उत्तर प्रदेशच्या बड्या नेत्याचा रियाला पाठिंबा, ट्रोल करणाऱ्यांना चांगलंच सुनावलं, ट्विट चर्चेत

नीट परीक्षेचा पेपर फुटल्यानंतर देशभरात वातावरण चांगलंच तापलं होतं. कॉकरोच जनता पार्टीकडून शिक्षण मंत्री धर्मेंद्र प्रधान यांच्या राजीन्याम्याची मागणी करण्यात आली होती. धर्मेंद्र प्रधान यांनी राजीनामा द्यावा या मागणीसाठी कॉकरोच जनता पार्टीच्या वतीने महिनाभर दिल्लीतील जंतर मंतर मैदानावर आंदोलन सुरू होतं. धर्मेंद्र प्रधान यांच्या राजीनाम्याच्या मागणीसाठी आंदोलकांनी संसदेवर देखील मोर्चा काढला. दरम्यान या मोर्चावेळी आंदोलक आणि पोलीस आमने-समाने आले, पोलिसांनी आंदोलकांवर लाठीचार्ज केला. पोलिसांनी केलेल्या लाठीचार्ज मुळे संपूर्ण देशभरात वातावरण चांगलंच तापलं होतं. संपूर्ण देशभरातून या आंदोलनाला मोठा पाठिंबा मिळाला. मुंबईमध्ये देखील आंदोलन झालं, तरुण रस्त्यावर उतरल्याचं पाहयला मिळालं.

22 जुलै 2026 रोजी मुंबईतील दादरमध्ये देखील तरुणांनी आंदोलन केलं. या आंदोलनादरम्यान रिया अहिर नावाची तरुणी चांगलीच चर्चेत आली होती. हे आंदोलन सुरू असताना रिया अहिर हिने एकटीने पोलिसांची व्हॅन रोखली होती. तिचे फोटो सर्वत्र व्हायरल झाले होते. तिचं कौतुक करण्यात येत होतं. मात्र आता रिया अहिरच्या वतीने सायबर सेलकडे तक्रार दाखल करण्यात आली आहे.  आंदोलनातील आपले फोटो आणि व्हिडीओ व्हायरल झाल्यानंतर आता आपल्याला धमक्या मिळू लागल्या आहेत आपल्या फोटोंवर आणि व्हिडीओंवर अत्यंत वाईट कमेंट केल्या जात आहेत.  सध्या हे ऑनलाईन सुरू आहे, मात्र याचे गंभीर परिणाम होऊ शकतात असं रियाने आपल्या तक्रारीमध्ये म्हटलं आहे.

दरम्यान रियायाच्या या तक्रारीनंतर सपाचे प्रमुख अखिलेश यांनी यांनी ट्विट करत रियाला धीर दिला आहे. जे अशा पद्धतीने रियाला ट्रोल करत आहेत, धमक्या देत आहेत, त्यांना अखिलेश यादव यांनी चांगलंच सुनावलं आहे.  ‘जीने एक हाती अन्यायाचा प्रतिकार केला तिच्यावर धमक्यांचा परिणाम होईल असे काही मूर्ख लोक समजत आहेत. परंतु संपूर्ण देश रियाच्या पाठीशी उभा आहे, धन्यवाद रिया’ असं ट्विट अखिलेश यादव यांनी केलं आहे.

जिसने अकेले ही रोक दिया एक हाथ से जुल्म का सफ़र नादान हैं जो सोचते हैं होगा ‘उस’ पर धमकियों का असर

रिया के साथ पूरा देश है।

शुक्रिया रिया!#Shukriya_Riya#RiyaAhir#MumbaiPtotest#NEET pic.twitter.com/XPCGZIP5Gp

— Akhilesh Yadav (@yadavakhilesh) July 27, 2026

22 जुलै 2026 रोजी मुंबईत झालेल्या आंदोलनामध्ये रिया आहिर सहभागी झाली होती, यावेळी तीने पोलिसांची व्हॅन रोखली, या आंदोलनातील तिचे फोटो आणि व्हिडीओ चांगलेच व्हायरल झाले होते.