AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

गांधी घराण्याचा आणखी एक चेहरा थेट जनतेसमोर निवडणुकीला सामोरं जाणार, काँग्रेसकडून मोठी घोषणा

गांधी घराण्याचा आणखी एक मोठा चेहरा आता थेट जनतेसमोर निवडणुकीला सामोरं जाणार आहे. काँग्रेसकडून वायनाड लोकसभा मतदारसंघाच्या पोटनिवडणुकीसाठी उमेदवाराची घोषणा करण्यात आली आहे. या पोटनिवडणुकीसाठी प्रियंका गांधी वाड्रा यांच्या नावाची अधिकृत घोषणा करण्यात आली आहे.

गांधी घराण्याचा आणखी एक चेहरा थेट जनतेसमोर निवडणुकीला सामोरं जाणार, काँग्रेसकडून मोठी घोषणा
गांधी घराण्याचा आणखी एक चेहरा थेट जनतेसमोर निवडणुकीला सामोरं जाणार
Chetan Patil
Chetan Patil | Updated on: Oct 15, 2024 | 10:01 PM
Share

केंद्रीय निवडणूक आयोगाकडून आज महाराष्ट्र आणि झारखंड राज्यांच्या विधानसभा निवडणुका जाहीर करण्यात आल्या. तसेच काही राज्यांमधील पोटनिवडणुकादेखील जाहीर करण्यात आल्या आहेत. केरळमधील वायनाड लोकसभेची पोटनिवडणूक देखील निवडणूक आयोगाकडून जाहीर करण्यात आली आहे. विशेष म्हणजे काँग्रेसने वायनाडच्या पोटनिवडणुकीसाठी प्रियंका गांधी वाड्रा यांना उमेदवारी जाहीर केली आहे. वायनाड लोकसभा मतदारसंघात 13 नोव्हेंबरला पोटनिवडणुकीसाठी मतदान होणार आहे. सहा महिन्यांपूर्वी खासदार राहुल गांधी यांनी वायनाड लोकसभा मतदारसंघातून निवडणूक लढवली होती. पण त्यांचा रायबरेली लोकसभा मतदारसंघातूनही विजय झाल्याने त्यांनी वायनाडच्या खासदारकीचा राजीनामा दिला होता. तेव्हापासून ही जागा रिक्त होती. या जागेवर आपण पोटनिवडणूक लढणार असल्याची घोषणा प्रियंका गांधी यांनी 17 जूनला केली होती. यानंतर आज निवडणूक आयोगाकडून पोटनिवडणुकीची घोषणा करण्यात आल्यानंतर काँग्रेसकडून अधिकृतपणे प्रियंका गांधी यांना उमेदवारी जाहीर करण्यात आली आहे. दरम्यान, प्रियंका यांच्यासह केरळच्या पलक्कड विधानसभा जागेसाठी राहुल ममकूटाथिल आणि चेलक्करा जागेसाठी राम्या हरिदास यांची देखील उमेदवारी जाहीर करण्यात आली आहे.

प्रियंका गांधी 1999 मध्ये सक्रिय राजकारणात पाऊल टाकलं होतं. त्यांनी सुरुवातीला आपल्या आई सोनिया गांधी यांच्यासाठी अमेठी लोकसभा मतदारसंघातून प्रचाराला सुरुवात केली होती. पण प्रियंका गांधी यांनी स्वत: कधी निवडणूक लढवली नव्हती. यावेळी प्रियंका गांधी वायनाडच्या पोटनिवडणुकीच्या निमित्ताने पहिल्यांदाच निवडणुकीच्या रणांगणात उतरत आहेत. याबाबत 17 जूनला काँग्रेसचे राष्ट्रीय अध्यक्ष मल्लिकार्जुन खर्गे यांच्या दिल्लीतील निवासस्थानी काँग्रेसच्या प्रमुख नेत्यांच्या बैठकीत निर्णय घेण्यात आला होता.

प्रियंका गांधी यांचा 2019 पासूनचा राजकीय प्रवास

प्रियंका गांधी यांनी जानेवारी 2019 मध्ये अधिकृतपणे राजकारणात एन्ट्री मारली होती. त्यांना पक्षाकडून उत्तर प्रदेश काँग्रेसच्या महासचिव पदाची जबाबदारी सोपविण्यात आली होती. त्यावेळी प्रियंका गांधी यांच्यात त्यांची आजी इंदिरा गांधी यांची छवी असल्याची चर्चा राजकीय वर्तुळात सुरु होती. महासचिव पदाची धुरा सांभाळत असताना प्रियंका यांनी त्यांची आई सोनिया गांधी आणि भाऊ राहुल गांधी यांच्या निवडणुकीचा प्रचार जोरात केला.

प्रियंका गांधी यांनी लोकसभेच्या 2019 च्या निवडणुकीवेळी मोठं काम केलं होतं. त्यांच्या प्रयत्नांमुळे उत्तर प्रदेशात काँग्रेस पुनर्जीवित झाली होती. त्यावेळी काँग्रेसला एकूण 52 जागांवर विजय मिळाला होता. त्यामध्ये प्रियंका गांधी यांचं देखील महत्त्वाचं योगदान होतं. प्रियंका गांधी यांनी 2022 मध्ये उत्तर प्रदेश विधानसभा निवडणुकीत महत्त्वाचं काम केलं. त्यांनी महिला सशक्तीकरणाचा मुद्दा लावून धरला होता. पण त्यावेळी प्रचंड प्रयत्न केल्यानंतरही काँग्रेसच्या पदरात केवळ 2 जागा आल्या होत्या. असं असलं तरी त्याचवेळी हिमाचल प्रदेशाच्या 2022 च्या विधानसभा निवडणुकीत काँग्रेसला 68 पैकी 40 जागांवर यश आलं होतं. विशेष म्हणजे प्रियंका गांधी यांनी ज्या 5 जिल्ह्यांमध्ये प्रचार केला होता त्या भागात तब्बल 23 जागा या काँग्रेसने जिंकल्या होत्या.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत